جەماوەر نیوز
بە تۆمەتی بازرگانیکردن بە ماددە هۆشبەرەکان، دادگای تاوانەکانی کەرخ، سزای لەسێدارەدانی بەسەر سێ بازرگانی ماددە هۆشبەرەکاندا سەپاند.

بەدەر لە بەکارهێنەرانی؛ چەندین تۆڕی ناوخۆیی و نێودەوڵەتیی تایبەت بە بازرگانیکردن بە ماددەی هۆشبەر و قاچاخچی لە عێراقدا چالاکن، بەپێی نوێترین ڕاپۆرتی نەتەوەیەکگرتووەکان کە لە ڕێگەیەوە هۆشداری دابوو، خەریکە عێراق دەبێتە ناوەندێک بۆ بڵاوبوونەوەی ماددە هۆشبەرەکان لە ناوچەکەدا.

 بەگوێرەی ڕاگەیێنراوی ئەنجوومەنی باڵای دادوەری "ئەو سێ تاوانبارە بە 18 کیلۆگرام ماددەی حەشیشەوە دەستگیرکراون کە بە مەبەستی بازرگانیکردن و فرۆشتنی بە بەکارهێنەران."

 بەگوێرەی ئەنجوومەنەکە، بڕیارەکان بەپێی ماددەی 27 یەکەم لە یاسای ماددە هۆشبەرەکان و کارتێکەرە دەروونییەکان ژمارە 50ـی ساڵی 2017 دەرچوون. هەروەها، بە پشت بەستن بە ماددە هاوبەشەکانی 47، 48، و 49 لە یاسای سزادانی عێراقی سزاکە دەرچووە.