جەماوەر نیوز
سەرۆکی ئۆکراینا، پەیامێک ئاراستەی وڵاتانی جیهان دەکات و داواییان لێدەکات دەسەلاتی رووسیا بگۆڕن.

زیاتر لە سێ ساڵە ڕووسیا و ئۆکراینا لە جەنگێکی قورس دان و تاوەکو ئێستاش بەردەوامن لە هێرشەکانیان بۆ سەر یەکتری و بەهۆیەوە دەیان هەزار کەس ماڵەکانیان چۆڵکردووە و ڕووسیاش دەیان ناوچەی ئەو وڵاتەی داگیر کردووە.

ڤۆلۆدیمێر زێلینسکی، سەرۆکی ئۆکراینا ڕایگەیاند، ''پێویستە جیهان هەنگاو بۆ "گۆڕینی ڕژێم" لە ڕووسیادا بنێت، چونکە ئەگەر جەنگیش کۆتایی بێت ڕوسیا بەردەوام هەوڵی تێکدانی سەقامگیری و ئاسایشی دراوسێکانی دەدات''. پێویستە گوشارە نێودەوڵەتییەکان بۆ سەر ڕووسیا زیاتر بکرێن بۆ وەستانی شەڕ.

 ڕووسیا و ئۆکراینا سێ جار بۆ گەیشتن بە ئاگربەست سێ خولی دانوستانیان لە ئیستەنبووڵ بە نێوەندگیری تورکیا ئەنجامداوە، بەڵام تاوەکو ئێستا نەگەیشتوون بە ڕێککەوتنێکی گشتگیر و هەمیشەیی بۆ ڕاگرتنی جەنگ، هاوکات سەرۆکی ئەمریکا 10 ڕۆژی وەک مۆڵەت داوەتە پووتین بۆ رازیبوون بە ئاگربەست'.