جەماوەر نیوز
ئەنجوومەنی پیرانی ئەمریکا  ڕاگرتنی فرۆشتنی چەک بە ئیسرائیل ڕەت دەکاتەوە. سەرۆکی لیژنەی پەیوەندییەکانی ئەمریکاش حەماس بە هۆکاری جەنگی غەززە تۆمەتبار دەکات.

 ئەنجوومەنی پیرانی ئەمریکا پێشنیازی بێرنی ساندەرز، ئەندامی ئەنجوومەنەکە سەبارەت بە راگرتنی فرۆشتنی چەک بە ئیسرائیل ڕەت کردەوە، بێرنی هەوڵی ڕاگرتنی ئەم پرۆسەیەی دەدا بەهۆی  پەیڕەوکردنی سیاسەتی برسیکردن و  هێرشەکانی ئیسرائیل بۆ سەر کەرتی غەززە.

 ڕەتکردنەوەی ئەم پرۆسەیە دەبووە هۆی هەڵوەشاندنەوەی ڕێککەوتنێکی 675 ملیۆن دۆلاری ئەمریکا بۆ فرۆشتنی چەک بە ئیسرائیل.

 جیم ڕیش، سەرۆکی لێژنەی پەیوەندیەکانی دەرەوەی ئەمریکا لە ئەنجوومەنی پیرانی ئەو وڵاتە حەماس تۆمەتبار دەکات و دەڵێت، بزووتنەوەی حەماس هۆکاری جەنگەکەن نەک ئیسرائیل.

 لە سەرەتای دەستپێکردنی هێرشەکانی ئیسرائیل بۆ سەر کەرتی ‌غەززە لە 7ـی ئۆکتۆبەری 2023، ئەمریکا بە فڕۆشتنی سەدان ملیار دۆلار هاوکاری و پشتیوانی ئیسرائیلی کردووە.