تورکیا له‌ نزیکه‌وه‌ چاودێرى و به‌ دواداچوون بۆ شه‌ڕو پێکدادانه‌کانى نێوان حه‌ماس و ئیسرائیل ده‌کات.

ڕه‌جه‌ب ته‌یب ئه‌ردۆغان، سه‌رۆکى تورکیا ڕۆژى شه‌ممه‌ له‌ چواره‌مین کۆنگره‌ى به‌ په‌له‌ى پارتى داد و گه‌شه‌پێدان باسى له‌و هێرشانه‌ کرد.

ئه‌ردۆغان ڕایگه‌یاند، له‌ ڕێگه‌ى دیالۆگ و دیپلۆماسییه‌وه‌ کێشه‌کان چاره‌سه‌ر ده‌که‌ن و له‌ ناوخۆى سنووره‌کانیانه‌وه‌ ده‌ستپێده‌کات، له‌ ڕۆژهه‌ڵاتى ناوه‌ڕاسته‌وه‌ تا قه‌فقاز، له‌ باڵکانه‌وه‌ تا ده‌ریاى ڕه‌ش. ئه‌ردۆغان له‌ وتاره‌که‌یدا سه‌رنجى بۆ دۆخى قودس ڕاکێشا و گوتى "یه‌که‌م قیبله‌مان مزگه‌وتى ئه‌قسایه‌". هیچ که‌سێک مافى ئه‌وه‌ى نییه‌ مێژووى ئه‌م شوێنه‌ و ڕه‌نگى ئایینى ئه‌م شوێنه‌ بگۆڕێت. ئه‌گه‌ر شتێکى له‌م شێوه‌یه‌ ڕووبدات، ئێمه‌ دژى هه‌موو داگیرکارییه‌کان ده‌وه‌ستینه‌وه‌."

ده‌سته‌ى به‌ڕێوه‌به‌رى ناوه‌ندى پارتى چه‌پى سه‌وز (یه‌سه‌په‌) له‌ به‌یاننامه‌یه‌کدا سه‌باره‌ت به‌ شه‌ڕى نێوان حه‌ماس و ئیسرائیل بڵاوکرده‌وه‌. یه‌سه‌په‌ داوا له‌ هه‌موو ده‌وڵه‌ته‌ ناوچه‌ییه‌کان و هه‌موو زلهێزه‌کان ده‌کات شه‌ێ‌ ڕابگرن.

له‌ به‌یاننامه‌که‌ى یه‌سه‌په‌دا هاتووه‌ "شه‌ڕ و داگیرکارى له‌ نێوان فه‌له‌ستین و ئیسرائیل به‌رده‌وامه‌". له‌م ڕووه‌وه‌ لایه‌نى ئێمه‌ لایه‌نى ئاشتى و چاره‌سه‌رى دیموکراسییه‌. له‌ شه‌ڕه‌کانى ڕابردوودا جارێکى تر ڕوون بووه‌وه‌ که‌ ئاگر به‌ ئاگر ناکوژێنرێته‌وه‌. هه‌موو ئازارێک ئازارێکى ترى به‌ دوادا دێت. لێره‌دا داوا له‌ هه‌موو وڵاتان ده‌که‌ین بێن و ئه‌م شه‌ڕه‌ بوه‌ستێنن”.

یه‌سه‌په‌ له‌ ڕاگه‌یه‌ندراوه‌که‌یدا ڕایگه‌یاند، ئه‌گه‌ر کێشه‌ى فه‌له‌ستین و کورد چاره‌سه‌ر نه‌کرێت، هیچ هه‌نگاوێکى ئاشتى له‌ ڕۆژهه‌ڵاتى ناوه‌ڕاست ناگیرێته‌به‌ر.

له‌ به‌یاننامه‌ى یه‌سه‌په‌دا ئاماژه‌ى به‌وه‌ش کراوه‌ " له‌ ڕۆژهه‌ڵاتى ناوه‌ڕاست دوو کێشه‌ى بنه‌ڕه‌تى هه‌یه‌؛ کێشه‌ى فه‌له‌ستین و کێشه‌ى کورد. ئه‌گه‌ر ئه‌م دوو گرفته‌ چاره‌سه‌ر نه‌کرێن، مه‌حاڵه‌ ئاشتى بۆ ڕۆژهه‌ڵاتى ناوه‌ڕاست بێته‌ کایه‌وه‌. چه‌مکى ده‌وڵه‌تى نه‌ته‌وه‌یى کێشه‌کان کورتتر ده‌کات و کێشه‌کان زیاتر و زیاتر ده‌بن. ئه‌و ناڕه‌زایه‌تى و شه‌ڕانه‌ى که‌ به‌ڕێوه‌ده‌چن، تیشک ده‌خه‌نه‌ سه‌ر پێویستى چاره‌سه‌رى دیموکراسى زیاتر”.

که‌مال کلیچدارئۆغڵو سه‌رۆکى پارتى گه‌لى کۆمارى جه‌هه‌په‌ هه‌روه‌ها باسى له‌ شه‌ڕى نێوان ئیسرائیل و فه‌له‌ستین کرد و ڕایگه‌یاند ناوچه‌که‌ پێویستى به‌ ئاشتى هه‌یه‌، ووتى : ئێمه‌ تا کۆتایى له‌گه‌ڵ دۆزى ڕه‌واى فه‌له‌ستینداین."

ده‌نگى ئه‌مه‌ریکا