جەماوەر نیوز
كارڤاخال كاپتنی دووه‌می ریال مه‌درید بوو له‌دوای لۆكا مۆدریچی كرواتی ، به‌ڵام ئێستا ده‌بێته‌ كاپتنی یه‌كه‌می تیپه‌كه‌یه‌، چونكه‌ دێرینترین یاریزانی تیپه‌كه‌یه‌ له‌گه‌ڵ یانه‌كه‌ به‌رده‌وامه‌.

ئاس لیستی نوێی كاپتنه‌كانی یانه‌ی ڕیال مه‌دریدی ئاشكرا كرد له‌ ئه‌گه‌ری ئه‌وه‌ی كارڤاخال له‌ یاریگادا نه‌بێت.

گرێبه‌ستی یاریزانه‌ ته‌مه‌ن 33 ساڵه‌كه‌ تا كۆتایی وه‌رزی داهاتوو به‌رده‌وام ده‌بێت، یانه‌ی ڕیال مه‌دریدیش ده‌یه‌وێت گرێبه‌سته‌كه‌ی تا ساڵی 2027 درێژ بكاته‌وه‌.

فێدریكۆ ڤالڤێردی یاریزانی هێڵی ناوه‌ڕاست ده‌بێته‌ كاپتنی دووه‌م له‌دوای كارڤاخال، ڤاڵڤێردی له‌ ساڵی 2018ه‌وه‌ یاریزانێكی سه‌ره‌كی یانه‌ی ڕیال مه‌دریده‌،تیبۆ كۆرتوای گۆڵپارێز كاپتنی سێیه‌می تیپه‌كه‌ ده‌بێت ئه‌ویش له‌ 2018 په‌یوه‌ندی به‌ یانه‌كه‌ كردووه‌،ڤینیسیۆس جونیۆر كاپتنی چواره‌می تیپه‌كه‌ ده‌بێت و له‌ ساڵی 2018 په‌یوه‌ندی به‌ یانه‌كه‌ كردووه‌.