عه‌بدوڵڵا حاجی مه‌حمود له‌گه‌ڵ لیژنه‌ی جێبه‌جێكردنی یاسای چاكسازی كۆده‌بێته‌وه‌

15.06.2021

وێنەکان

عه‌بدوڵڵا حاجی مه‌حمود له‌گه‌ڵ لیژنه‌ی جێبه‌جێكردنی یاسای چاكسازی كۆده‌بێته‌وه‌

جەماوەر نیوز

لیژنەی چاکسازی وەزارەتی کاروباری شەهیدان و ئەنفالکراوان کۆبووه‌وە.
ئه‌مڕۆ سێشەممە ۱٥ ی حوزەیرانی ۲۰۲۱ ، لێژنەی جێبەجێکردنی یاسای چاکسازی لە وەزارەتی کاروباری شەهیدان و ئەنفالکراوان بەسەرپەرشتی عەبدوڵڵا حاجی مەحمود،وەزیری کاروباری شەهیدان و ئەنفالکراون لە دیوانی وەزارەت کۆبووه‌وە.

سەرەتای کۆبوونەوەکە بە ساتێک وەستان بۆ رێزگرتن لە گیانی پاکی شەهیدان دەستی پێکرد.عەبدوڵڵا حاجی مەحمود، سەرۆکی لێژنە جێبەجێکردنی یاسای چاکسازی لە
وەزارەتی کاروباری شەهیدان و ئەنفالکراوان کارنامەی کۆبوونەوەکەی بۆ ئەندامانی لێژنەکە خستەڕوو کە بریتیبوو لە:
１- راپۆرتی کۆتایی و ئەنجامیسەردانەکانی لێژنەی وەزارەت بەسەرپەرشتی بریکاری وەزارەت بۆ
بەڕێوەبەرایەتییە گشتییەکانی هەر یەک لە پارێزگاکانی (هەولێر – سلێمانی –دهۆک)
２- گواستنەوەی دۆسیەی شەهیدانی (پێشمەرگە، ئاسایشی ناوخۆ، ئاسایش، دژە تیرۆر)

دواتر لە لایەن بریکاری وەزارەتەوە راپۆرتێکی وورد لەسەر سەردانی لیژنەکەیان بۆ بەڕێوەبەرایەتییە گشتییەکانی سه‌ربە وەزارەتی كاروباری شه‌هیدان خوێندرایەوە و لە لایەن سەرۆک و ئەندامانی لێژنەی جێبەجێکردنی یاسای چاکسازی لە وەزارەتی کاروباری شەهیدان و ئەنفالکراوان گفتوگۆی تێروتەسەل لەسەر کۆی خاڵەکانی راپۆرتەکە کرا،
هەرلە کۆبونەوەکەدا بڕیار درا کە لە لایەن وەزیرەوە سوپاس و پێزانین ئاراستەی سەرجەم سەرۆک و ئەندامانی لیژنەکانی جێبەجێکردنی یاسای چاکسازی بکرێ لەسەرجەم بەڕێوبەرایەتییەکانی سەربە وەزارەت.
شیاوی باسە کۆبونەوەکە بە چەندین بڕیارو ڕاسپاردەی گرنگەوە کۆتایی هات.