لە ئەمریکا سەرۆكی دەستەی دەسپاكی بەشداری لە دیدارێكی نێودەوڵەتی دەكات

27.06.2023
وێنەکان
لە ئەمریکا سەرۆكی دەستەی دەسپاكی بەشداری لە دیدارێكی نێودەوڵەتی دەكات
جەماوەر نیوز

سەرۆكی دەستەی دەسپاكی هەرێمی كوردستان، لە واشنتۆن، بەشداری لە دیدارێكی نێودەوڵەتی بەناوی "گێڕانەوەی متمانە" دەكات كە تایبەتە بە پرسی رووبەڕووبوونەوەی گەندەڵی.
لە دیدارەكەدا، زیاتر لە 300 ئەندامی وڵاتانی دنیا و رێكخراوەكانی نێودەوڵەتی بەشدارن و گفتوگۆ لەبارەی رووبەڕووبوونەوەی گەندەڵی و مەترسییەكانی لەسەر ئابووری و سیستمی وڵاتان دەكرێت.
د.ئەحمەد ئەنوەر سەرۆكی دەستەی دەسپاكی هەرێمی كوردستان وەك تاكە كەس لە كوردستانەوە بەشداری لە دیدارەكەدا كردووە و رایگەیاند، ئەوەی بەشدارین دیداری بەرەنگاربوونەوەی گەندەڵییە بە ناونیشانی " گێرانەوەی متمانە" كە ژمارەیەكی زۆر لە نوێنەری دامەزراوەكانی وڵاتان بەشدارن، لە عێراقیش نوێنەری چەند دامەزراوەیەك بەشدارن.
گوتیشی لە دیدارەكەدا باسی مەترسییەكانی گەندەڵی دەكرێت لەسەر ئابووری جیهان و بڕیاریشە لە چوارچێوەی دیدارەكە چەندان كۆبوونەوەی گرنگ بكەین و لەوێ‌ باسی ستراتیجی رووبەڕووبوونەوەی گەندەڵی لە كوردستان بكەین.
دووپاتی لەوەیش كردەوە كە ئەو كۆبوونەوانە دەرفەتی گرنگن تا رووی هەرێمی كوردستان بۆ چاكسازی بخەینە ڕوو، زۆرێك لەوانەیشی بەشدارن زانیاریان لەسەر كوردستان هەیە و دەیانەوێ‌ زیاتر ئاشنای چاكسازییەكانی كوردستان بن.
سەرۆكی دەستەی دەسپاكی دووپاتی كردەوە كە تەنیا ئاماژەدان بە هەوڵەكانی رووبەڕووبوونەوەی گەندەڵی لەو دیدارانەدا هەنگاوی گرنگن.

بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ