جەماوەر نیوز
ئەمڕۆ دووشەممە ٢٦ـی کانونی دووەمی ٢٠٢٦، وەزارەتی نەوتی عێراق لە راگەیەندراوێکدا وتی، بەپێی ئامارەکانی کۆمپانیای بەبازاڕکردنی نەوتی عێراق (سۆمۆ)، بڕی ١٠٧ ملیۆن و ٦٥١ هەزار بەرمیل نەوت هەناردەکراوە و داهاتەکەی زیاتر لە شەش ملیار و ٣٨٨ ملیۆن دۆلار بووە.
لە راگەیەندراوەکەدا ئاماژە بەوەشکراوە، کۆی گشتی بڕی هەناردەکراوی نەوتی خاو بۆ مانگی کانوونی دووەم لە کێڵگە نەوتییەکانی ناوەڕاست و باشووری عێراق بڕی ١٠٠ ملیۆن و ٤٢٠ هەزار بەرمیل بووە، هاوکات بڕی هەناردەی نەوتی هەرێمی کوردستان لە ڕێگەی بەندەری جەیهانی تورکیاوە پێنج ملیۆن و ٩٩٧ هەزار بەرمیل بووە، لە کاتێکدا بڕی نەوتی هەناردەکراو لە کێڵگەی قەیارە ٩٢٣ هەزار و ٧٧٤ بەرمیل بووە.
هەروەها بڕە نەوتی هەناردەکراو بۆ ئوردن ٣٠٩ هەزار بەرمیل بووە.