وه‌زیرى کاروبارى شه‌هیدان و ئه‌نفالکراوان پێشوازی له‌ فراکسیۆنى سه‌وز له‌په‌رله‌مانى کوردستان ده‌کات

21.08.2019
جەماوەر نیوز

 

ئه‌مڕۆ سێ شه‌ممه‌ 21ى ئابى 2019 ،به‌رێز عه‌بدوڵا حاجى مه‌حمود وه‌زیرى کاروبارى شه‌هیدان و ئه‌نفالکراوان له‌دیوانى وه‌زاره‌ت پێشوازیکرد له‌ فراکسیۆنى یه‌کێتى نیشتیمانى کوردستان له‌په‌رله‌مانى کوردستان که‌به‌مه‌به‌ستى پیرۆبایى سه‌ردانى به‌رێزیان کردبوو.

له‌ دیدارێکدا به‌ڕێز عه‌بدوڵڵا حاجى مه‌حمود، وه‌زیرى کاروبارى شه‌هیدان ئه‌نفاکراوان وبَڕاى به‌خێرهاتنى فراکسیۆنى سه‌و ،ئاماژه‌یدا به‌کارنامه‌ى نوێى حکومه‌تى هه‌رێمى کوردستان و وه‌زاره‌تى شه‌هبدان له‌پێناو که‌مکردنه‌وه‌ى رۆتین و خزمه‌تکردن به‌هاوڵاتیان و که‌سوکارى سه‌ربه‌رزى شه‌هیدان ،جه‌ختیشى له‌سه‌ر هه‌وڵه‌کان کرده‌وه‌ بۆخزمه‌تکردنى که‌سوکارى شه‌هیدان و ئه‌نفاکراوان وزیندانیانى سیاسى.

لاى خۆشیانه‌وه‌ فراکسیۆنى سه‌وز له‌په‌رله‌مانى کوردستان  دواى ده‌ربڕینى پیرۆزبایى  ستایشى هه‌وڵ و ماندوبونه‌کانی وه‌زیرى کاروبارى شه‌هیدان کرد که‌له‌ماوه‌ى چه‌ند ساڵى رابردوو له‌په‌رله‌مانى کوردستان له‌پێناو خزمه‌تکردن به‌هاوڵاتیان وکه‌سوکارى شه‌هیدان و هه‌رێمى کوردستان پێشکه‌شى کردووه‌ ،هیواى سه‌رکه‌وتنیشیان بۆخواست وهه‌ماهه‌نگى و پشتیوانى هاوکارى خۆیان بۆ خزمه‌تکردن به‌که‌سوکارى شه‌هیدان دوپاتکرده‌وه‌.