رزگار سه‌ید کاکه‌ره‌ش  

به‌شى یه‌که‌م  
چه‌ند ده‌زگایه‌کى ڕاگه‌یاندن و پێگه‌ى ئینته‌رنێت و لاپه‌ڕه‌ى تۆڕه‌ کۆمه‌ڵایه‌تییه‌کان خه‌ریکى بڵاوکردنه‌وه‌ى نووسینن ، بۆ هاندانى ئه‌و جه‌وان و لاوانه‌ى که‌ پیاوى دواڕۆژن  ڕه‌گه‌ز گۆڕین به‌ چاره‌سه‌ر له‌ قه‌ڵه‌م ده‌ده‌ن ، گوتاره‌کانیان ئاڕاسته‌ى کۆمه‌ڵگاکه‌مان ده‌که‌ن که‌ ڕه‌گه‌ز پێویستى به‌ ده‌ستکارى هه‌یه‌ و خێرا ڕه‌گه‌زه‌که‌ى بگۆڕن له‌ ڕێى نه‌شته‌رگه‌رییه‌وه‌ ... وه‌ک زۆرینه‌ى مامۆستایان و توێژه‌ره‌ ده‌روونییه‌کان  له‌ ـ ووڵاتانى ڕۆژئاواو ئه‌وڕوپا ـ که‌سانى چه‌پ و فێمینیستن ، ئیدى زۆر به‌ئاسانى مێشکى ئه‌و خوێندکار و جه‌وانانه‌ ده‌شۆنه‌وه‌ ... که‌تووشى خه‌مۆکى بوون به‌وه‌ى که‌ تاکه‌ چاره‌سه‌ر گۆڕینى ڕه‌گه‌زه‌ له‌ ڕێى وه‌رگرتنى هۆرمۆنه‌وه‌ ، ئیدى دواى ئه‌وه‌ هه‌موو شتێک چاره‌سه‌ر ده‌بێت و شادمانى ڕوویان تێده‌کات ... زۆریشیان دواتر په‌شیمان بووینه‌وه‌ له‌م بڕیاره‌ هه‌ڵه‌ى که‌ به‌ خێرایى و بێ بیرکردنه‌وه‌یه‌کى وورد داویانه‌ باجێکى گه‌وره‌شیان داوه‌ ، ئه‌وه‌ى جێى سه‌رنجه‌ کۆمه‌ڵگه‌ى په‌لکه‌زێڕینه‌ ڕه‌گه‌زبازه‌کان  له‌و کاره‌ وه‌حشیگه‌رى و نامرۆڤانه‌یه‌ى که‌ ده‌رهه‌ق به‌و هه‌زاران گه‌نجه‌ داماوه‌ کردوویانه‌ ، ڕاگه‌یاندنه‌کان پێش ڕۆژئاوایه‌کان تاوانبارترن  وه‌ک ده‌ڵێن ! " هه‌رچى سیسته‌مى سه‌رمایه‌ى له‌پشت بێت دژى مرۆڤایه‌تییه‌ ... لێره‌دا قه‌ومى لووتمان بێردێته‌وه‌ که‌ چیان به‌ سه‌رهات ... 
پێغه‌مبه‌ر لووت  برازاى پێغه‌مبه‌ر ئیبراهیم ( س ، خ ) لێبیت دواى جیابوونه‌وه‌ له‌ خێزانه‌که‌یان له‌ ناوچه‌ی به‌یت ئیل له‌ ئوردن گوندێکى سه‌وز و جوانی دۆزیوه‌ته‌وه‌ و هه‌ر له‌وێ کارى پێغه‌مبه‌رى خۆى کردووه‌ ، شارى لوتیشى پێده‌وترێت ، شارى (قوم ِ لوت ) له‌ قورئانى پیرۆز و هه‌موو کتابه‌ ئاسمانییه‌کانی دیکه‌ش باسکراوه‌ ، به‌هۆى کارى نه‌شیاوه‌وه‌ به‌ته‌واویى وێران بووه‌ ، وه‌ک ده‌ڵێن  شارێک بووه‌ پێ‌ بووه‌ له‌بینا و کانی جوان و به‌شێوه‌یه‌کى گشتی شارێکى زۆر رازاوه‌ بووه‌ ...
ئه‌و شاره‌ به‌ شاره‌که‌ی پێغه‌مبه‌ر لووت ناسراوه‌ و به‌هۆى بێگوێیى کردن له‌رێنمایى و ئامۆژگاریى پێغه‌مبه‌ره‌که‌یانه‌وه‌ خواى گه‌وره‌ ژێره‌ و ژوور و ته‌ختى کردوه‌ .
 پاشماوه‌ى شارى "سدوم"  له‌ ئیسلامدا به‌ شارى "قه‌ومى لوگ" ناسراوه‌، ئه‌و پێغه‌مبه‌ره‌ى به‌ر له‌ 3 هه‌زار و 500 ساڵ که‌ به‌گوێره‌ى گێڕانه‌وه‌ى چیرۆکه‌که‌ له‌ قورئاندا 
له‌ 10 سوره‌تى جیاواز وه‌ک  سوره‌ته‌کانى (الانعام ، الاعراف ، الهود ، الحجر ، الانبياء ، الحج ، الشعراء ، النمل ، العنكبوت ، القمر)  به‌شێوه‌یه‌کى قۆناغ به‌قۆناغ ، به‌ ئایه‌تى ژمار 35  سوره‌ العنکبوت خوداى گه‌وره‌ پاشماوه‌ى ئه‌و شاره‌ى کردووه‌ته‌ په‌ندێک بۆ نه‌وه‌کانى داهاتوو له‌و سوره‌ته‌دا فه‌رموویه‌تی: (  وَلَقَدْ تَرَكْنَا مِنْهَا آَيَةً بَيِّنَةً لِقَوْمٍ يَعْقِلُونَ ) واتا ئایه‌تێکى ئه‌شکرامان له‌ سه‌ر ئه‌م شاره‌ شارى سدوم بۆ ئه‌وانه‌ جێهێشت عاقڵبن ، به‌درێژاى سه‌ده‌ و مێژوو هیچ شتێک له‌ سه‌ر ئه‌م شاره‌ و ئه‌م قه‌ومه‌ نادۆزرابۆوه‌ ،    پرۆفیسۆر ستیڤان کۆڵێنز، سه‌رۆکى تیمى لێکۆڵه‌ران که‌ مامۆستایه‌ له‌ زانکۆى "ترێنتى ساوس ویسترن" له‌ ویلایه‌تى نیو مه‌کسیکۆ، جه‌ختى کرده‌وه‌‌، "ژیان له‌و شاره‌ به‌شێوه‌یه‌کى کتوپێ‌ له‌ یه‌ک کاتدا  وه‌ستاوه‌"  ئه‌و پرۆفیسۆره‌ که‌ له‌ 28ى مانگى 7 ساڵى  2020 یه‌که‌م که‌س بوو هه‌واڵى دۆزینه‌وه‌ى ئه‌و شاره‌ى له‌ باشوورى ئوردن راگه‌یاند، که‌ به‌ وورد و به‌هێزى  پشتبه‌ستن به‌ وێنه‌ و داتاکان له‌ لێکۆڵینه‌وه‌ له‌وباره‌یه‌وه‌ کردووه‌ و گوتویه‌تی!  "بینایه‌ى مێژوویى و زۆر که‌لوپه‌ل له‌ شارێکى زۆر گه‌وره‌ له‌ چاخى برۆنزى  ده‌وڵه‌تێکى زۆر گه‌وره‌ بووه‌ و فه‌رمانڕه‌وایى ته‌واوى ناوچه‌ى باشوورى غورى ئوردنى به‌ده‌سته‌وه‌ بووه‌

ئەم وتارە گوزارشتە لە رای نوسەر و جەماوەر نیوز لێی بەرپرس نیە