ڕۆژانه‌ی چه‌ند حاڵه‌تی كۆرۆنا تۆمار ده‌كرێت ؟

19.03.2020
جەماوەر نیوز

له‌ به‌یاننامه‌یه‌كی ڕۆژی سێ شه‌ممه‌ی زانكۆی جونز هوبكزی ئه‌مریكا هاتووه‌ ڕۆژانه‌ 50 هه‌زار حاڵه‌تی توشبوو به‌ ڤایرۆسی كۆرۆنا له‌ جیهان تۆمار ده‌كرێت.

له‌ به‌یاننامه‌كه‌دا جه‌خت له‌وه‌ كراوه‌ته‌وه‌ تائێستا 8007 كه‌س له‌ سه‌ر ئاستی جیهان به‌ هۆی كۆرۆنا گیانیان له‌ ده‌ستداوه‌.

له‌ چین 3241كه‌س به‌ هۆی كۆرۆنا گیانیان له‌ ده‌ستداوه‌ و 81102 كه‌سیش تۆشی كۆرۆنا بوون، هه‌روه‌ها له‌ ئیتالیا به‌ هۆی ڤیرۆسی كۆرۆنا 2502گیانیان له‌ ده‌ستدا و 31506 كه‌س تۆشی كۆرۆنا بوون و له‌ ئێرانیش 988 كه‌س به‌ هۆی كۆرۆنا گیانیان له‌ ده‌ستدا و 16169 تۆشی كۆرۆنا بوون.

له‌لایه‌كی دیكه‌وه‌ له‌ كۆرۆنا له‌ وڵاتی چین سه‌ری هه‌ڵدا و له‌ ئێستادا ئه‌و وڵاته‌ پێشكه‌وتنی به‌رچاوی به‌ خۆیه‌وه‌ بینیوه‌ بۆ كۆنترۆڵكردنی ڤایرۆسه‌كه‌، به‌ڵام له‌ وڵاتانی ئه‌وروپا ڕۆژانه‌ ڕێژه‌ی توشبوان ڕووله‌ به‌رزبونه‌وه‌ ده‌كات.