ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
ئهمڕۆ دوو شهممه 7ی ئهیلول بە سەرپەرشتى بەرێز عهبدوڵا حاجى محمود، وەزیرى کاروبارى شەهیدان و ئەنفالکراوان و ئامادەبونی بەرێز بەرەڤان حهمدى، بریکارى وەزارەت و بەڕێزان ڕاوێژکار و بەرێوەبەرە گشتییەکان، کۆبۆنەوەی ئەنجومەنى وەزارەت ئەنجامدرا.
سەرەتای کۆبونەوەکە بە ساتێک وەستان بۆ رێزلێنان لە گیانی پاكی شەهیدانی کوردستان دەستیپێکرد، پاشان کارنامەی کۆبۆنەوەکە خوێندرایەوە کە بریتى بوو لە گفتۆگوکردن دەربارەى رێوشوێنەکانى تایبەت بە جێبەجێکردنى یاساى چاکسازی و ڕێکاری پێویست، بۆ ئەو مەبەستە بەپشت بەستن بە یاسا بەرکارەکان و پەیڕەو و ڕێنمایى پێویست بە جۆرێک کە خزمەت بە پرۆسەى چاکسازى و پارێزگارى لە ماف و ئیمتیازاتى کەسوکارى سەربەرزى شەهیدان و قوربانیانى جینۆساید و تێکۆشەرانى بزاڤى رزگاریخوازى گەلى کوردستان .
لەکۆبوونەوەکەدا بەرێز وەزیرى کاروبارى شەهیدان و ئەنفالکراوان ئاماژەى بەبژاردە و ڕێوشوێنەکانى بەردەست بۆ جێبەجێکردنى ئەو ماددە و بڕگانەى یاساى چاکسازى کرد کە پەیوەندیدارن بە وەزارەتى کاروبارى شەهیدان و ئەنفالکراوان و ئەنجومەنى وەزارەت بە ووردى تاوتوێى وردەکاری ئەو بژاردانە و کارى لیژنەکانى تایبەت بە پرۆسەى چاکسازى لە لیستەکانى شەهیدان و زیندانیانى سیاسى و پێشکەشکردنى خزمەتگوزارى بە کەسوکاریان، بڕیار و رڕسپاردەى پێویست لەو بارەیەوە پەسەندکرا.
ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052