گرنگترین هۆکارەکانی دانەبەزینی ورگ

20.03.2022
جەماوەر نیوز
د. کامەران رەسوڵ ژاژڵەیی، پزیشکی پسپۆڕی خۆراک دەڵێت: ورگ زۆرترین شوێنی جەستەیە کە چەوری تێدا کۆدەبێتەوە و گەورەترین کێشەیە لە  خانمان و پیاوان بەهۆی ئەوەی دەرنگتر و بە زەحمەتتر  چەورییەکە  نامێنێت بە هۆی کۆمەڵێک هۆکارەوە کە گرنگترینیان ئەمانەن:
١ - نەخواردنی بڕی پێویست لە چەورەییە بەسوودەکان و بە تایبەت ترشە چەورییە ناچڕەکان: بۆ نموونە کەوچێکی چێشت زەیتی زەیتوون ، پیاڵەیەک لە چەرەس ، ئەڤوگادۆ . 
٢ -خەمۆکی: بە تایبەت لە خانمان و هۆکارەکەشی دەگەڕێتەوە بۆ نەمانی ئارەزووی وەرزش و خواردنی ناتەندروست؛ هەروەها قەلەقی و سترێسی بەردەوام .  
٣ -خواردنی کاربۆهێدراتیی ساددە بە بەردەوام وەک چپسی پەتاتە، پەتاتەی سوورکراوە، برنج و ئاردی سپی، شەکری سپی و شەربەتی گیراوە ، دوور کەوتنەوە لەو خواردنانە و گرنگی دان بە خواردنی پاقلەمەنیەکان و سەوز و میوەی فرێش و خواردنی کوڵاو و ماسی.
٤ - نەخواردنی بڕی پێویست لە کانزای مەگنسێوم کە زیاتر لە ( ٣٠٠ ) ئەرکی هەیە لە ناو لەش و  ئەو کەسانەی بڕی زۆرتر بەردەوام لە مەگنسێوم لە ڕێگای خۆراکەوە وەرئەگرن ئاستی شەکرەی خوێن و هۆرمۆنی ئەنسولێنان  نزمترە : گرنگترین سەرچاوەکان سەوزە گەڵاتۆخەکان ، میوە و سەوزە و گیا بەهارییەکانی کوردەواری  ، بادام و گوێز ، ئەڤوگادۆ ، پاقلەمەنیەکان . 
٥ -ئالوودە بوون بە خواردنەوە گازییەکان ؛ یەکێک لە هۆکارەکانی ورگ بریتیە لە خواردنەوە گازییەکان بە بەردەوامی و بڕی زۆرێش. 
٦ - ئەنجامنەدانی وەرزش بە شێوەی ڕاست و ئەنجامنەدانی وەرزشی تایبەت بە ورگ یا کەمتر لە ماوەی پێویست یا بە خێرایی کەمتر . 
٧ - خواردنی ڤاست فوود کە دەوڵەمەندن بە چەورییە چڕکان و چەورەییە موهەدریجەکان، لە بری ئەوەی ماسی سەلموون بخورێت لانی کەم هەفتەی یەک جار، هەروەها کەمکردنی خواردنی گۆشتی سوور و گرنگیدان بە خواردنی  سینگی مریشک و پەلەوەرکانی تر و پاقڵەمەنیەکان و قارچک. 
٨ - تەمەن: لەگەڵ هەڵکشانی تەمەن ڕێژەی سووتانی چەوری کەمتر دەبێتەوە بە تایبەت لە خانمانی دوای تەمەنی نائومێدی.
٩ - شەونخوونی و کەمخەوویی: دیاردە مەترسیدارەکەی ئەم سەردەمە. 
١٠ - هۆکاری بۆماوەیی. 


زۆرترین خوێندراو

  • ڕۆژ
  • هەفتە
  • مانگ