جەماوەر نیوز
به‌ڕێوه‌به‌رایه‌تى هاتوچۆى سلێمانى رونکردنه‌وه‌یه‌کدا ئاماژه‌ به‌و ئاماره‌ده‌کات که‌ڵاوکراوه‌ته‌وه‌ سه‌باره‌ت به‌کامێراکانى چاودێرى خێرایی  ده‌ڵێت ئاماره‌که‌ ته‌نها 24 کاتژمێرنیه‌ به‌ڵکو زیاتره‌ . 

ده‌قى رونکردنه‌وه‌که‌ ...
وه‌ک به‌رچاوڕوونییه‌ک بۆ به‌ڕێزتان شه‌وى ڕابردوو ئامارێک بڵاوکراوه‌یه‌وه‌ که‌ گوایه‌ له‌ ماوه‌ى (٢٤) کاتژمێردا زیاتر له‌ (٣٨٥.٠٠٠) سێ سه‌د و هه‌شتاوپێنج هه‌زار سه‌رپێچى تۆمارکراوه‌، وه‌ک تۆمارکردنى سه‌رپێچییه‌کان ئاماره‌که‌ دروسته‌ به‌ڵام له‌ماوه‌ى (٢٤) کاتژمێردا نییه‌ به‌ڵک و له‌ سه‌ره‌تاى ده‌ست به‌کاربوونى کۆمپانیاى جێبه‌جێکارى پڕۆژه‌که‌وه‌ بووه‌ که‌ به‌شێوه‌ى تێست بووه‌ و هیچ کام له‌و سه‌رپێچییانه‌ى که‌ تۆمار ده‌کرێن هه‌ژمار ناکرێت له‌سه‌ر هیچ شۆفێرێک (واته‌ وه‌ک و سزاى دارایى نه‌ له‌هیچ شۆفێرێک سه‌ندراوه‌و وه‌ نه‌ ده‌سه‌ندرێت) چوونکه‌ له‌ قۆناغى تێستدایه‌ وه‌ تا ڕێکه‌وتى 29/05/2023 که‌ ده‌کاته‌ ڕۆژى دووشه‌ممه‌ى داهاتوو سه‌عات ٠٨:٠٠ ى به‌یانى هیچ سزایه‌ک له‌سه‌ر هیچ شۆفێرێک هه‌ژمار ناکرێت و له‌ دواى ئه‌م ڕێکه‌وته‌وه‌ ده‌چێته‌ بوارى جێبه‌جێکردنه‌وه‌ به‌ شێوه‌یه‌کى کرداری. وه‌ ئه‌و شیکارییانه‌ى که‌ له‌هه‌ندێک په‌یج و ماڵپه‌ێ‌ کراون دووره‌ له‌ ڕاستییه‌وه‌.  وه‌ ئه‌و هه‌ڵه‌یه‌ى که‌ ڕوویداوه‌ له‌ پێدانى زانیارییه‌که‌ بووه‌ له‌لایه‌ن فه‌رمانبه‌رى به‌شى ئامارى کۆمپانیاى جێبه‌جێکارى کامێراکان. واته‌ ئاماره‌که‌ ته‌نها له‌ماوه‌ى ٢٤ کاتژمێردا نه‌بووه‌ به‌ڵک و له‌ ماوه‌ى درێژایى تێستى کامێراکان بووه‌ له‌ ساڵى پاره‌وه‌ تا ئێستا و هه‌ژمار نه‌کراوه‌ له‌سه‌ر هیچ شۆفێرێک.