جەماوەر نیوز
له‌ ئێستادا وه‌رزى قه‌ده‌غه‌کردنى ڕاوى ماسیه‌ پۆلیسى دارستان مه‌فره‌زه‌کانى له‌سه‌رجه‌م بنکه‌و به‌شه‌کان له‌ناو ده‌ریاچه‌و ڕووباره‌کان چڕکردۆته‌وه‌ بۆ ڕێگریکردن له‌ ڕاوکردنى ماسى له‌و پێناوه‌شدا هه‌ردوو سنورى (دووکان / ده‌ربه‌ندیخان ) توانرا ده‌ست به‌سه‌ر چه‌ند تۆرى ماسى گرتن و که‌ل و په‌لى ڕاوکردندا بگیرێت .
له‌و باره‌یه‌وه‌ عمید هێمن کمرخان به‌ڕێوه‌به‌رى راگه‌یاندن له‌به‌ڕێوه‌به‌رایه‌تى پۆلیسى دارستان وژینگه‌ى سلێمانى ڕایگه‌یاند : نیگه‌رانین له‌وه‌ى هه‌ندێک له‌ هاوولاتیان بێ هه‌ستکردن به‌ به‌رپرسیارێتى ده‌بنه‌ هۆى زیان گه‌یاندن به‌ سروشت و ژینگه‌ى کوردستان ، به‌ڵام خۆشبه‌ختانه‌ به‌هۆى ئه‌رک و ماندوو بوون و شه‌ونخونى ئه‌فسه‌رو کارمه‌ندانى به‌ڕێوه‌به‌رایه‌تیمان له‌سه‌رجه‌م ده‌ریاو ده‌ریاچه‌کان ئاماده‌ییان هه‌یه‌ بۆ ڕێگریکردن له‌ سه‌رپێچیکاران ، له‌ ئه‌نجامى چه‌ند ده‌رچونى مه‌فره‌زه‌یه‌کى به‌شى پۆلیسى دارستان و ژینگه‌ى (دووکان ) له‌ سنورى گوندى (په‌ڵکو ، تۆربه‌، خۆشاو ، سێناجیان ، گرده‌ سۆران ، ته‌نگى بوک و زاوا ، بنگردان ) توانرا ده‌ست به‌سه‌ر (43) تۆێ‌ ى ڕاوکردنى ماسیدا بگرن و هاوکات (1) به‌له‌مى چوپ و (2) تۆڕو (2) صه‌وڵ و (1) شه‌داودا .
له‌لایه‌کى تره‌وه‌ له‌ ئه‌نجامى دوو ده‌رچونى مه‌فره‌زه‌یه‌کى به‌شى پۆلیسى دارستانى ( ده‌ربه‌ندیخان ) بۆ سه‌ر ده‌ریاچه‌ى ده‌ربه‌ندیخان توانیان ده‌ست به‌سه‌ر (25) تۆڕ دا بگرن له‌گه‌ڵ (2) ماسدا که‌ له‌ لایه‌ن ڕاوچیه‌کانه‌وه‌ ڕاوکرابوون .
عمید هێمن ووتیشى : پێویسته‌ هاووڵاتیان پابه‌ند به‌ڕێنماییه‌کانى پۆلیسى دارستان له‌ پێناو پارێزگاریکردن له‌ سامانى ماسى .