بە عەرەب کردنی کوردستان لە ڕێگای کۆمپانیاکانەوە
27.12.2019

بە درێژای مێژووی میللەتی کورد خەبات کراوە بۆ داگیرنەکردنی کوردستان ، لەو پێناوەشدا میللەتی کورد بە هەزران قوربانی داوە بە جۆرێک هەر ماڵ و خانەوەدایەک شەهیدو دوو سێ تا دەگاتە سڕینەوەیان ، بە هۆی ئەوەی کە پارێزگاری لە خاک و ماف و ئازادی و ڕزگاری خاکەکەیان بکەن ، لەهەموو سەدەکانی ڕابردووی میللەتی کورد وەکو مێژوو ئەو ڕووبەڕوو بونەوەیە ڕووی داوە کە تاوەکو دوژمنانی میللەتی کورد بۆ چەوساندنەوە سڕینەوەی ئەو میللەتە بە زەبری هێز چەکە جیاجیاکانیان بەکار هێناوە ، چ لە چەکە قەدەغەکراوەکان و کیمیایی و زیندەبەچاڵکردن و ئەنفال و سوتاندنی خاک و مرۆڤ ، بەڵام لە ١٠ ساڵی کۆتایی ئەم سەدەیەدا بەناوی جۆراو جۆرەوە خاکی کوردستان داگیر دەکرێت ، عەرەبی عێراقی و  سوری جێگاپێیان گەیشتۆتە ئەو شوێنەی کەلە ناوچە دابڕاوەکانیش ڕا نەوەستاون ! لەگەڵ خەڵکانێکی زۆری لەیاسا هەڵهاتوو بۆ هەرێمی کوردستان ، هاتنی بەهەزران پەنابەری عەرەبی خواروو وە ناوەڕاستی عێراق و سوریا و تورکیا و ئێران وە بوونی داعشە سپی یەکان بەناوی پەناگەی ئارامی ئێستا لە کوردستانن وە نیشتەجێن و ئەمنیەتیان دەپارێزرێت ، هەرکەسێک لە دوێنێدا دوژمنی میللەتی کورد بوو تا سەر ئێسقان ئەمڕۆ پەنابەرێکی ڕێزلێگیراوە ،لەگەڵ سەرکردە هەڵهاتووەکان ، لەبەرانبەر ئەوەدا هەڵهاتنی گەنجان و خێزانی کورد و  کوردانی ئێزیدی و مەسیحییەکان بۆ دەرەوەی ووڵات ، لە بوونی سڕینەوەو ڕازی نەبوونیان بە نا دادپەروەری لەهەرێمی کوردستان .
داگیرکاری کوردستان ئەو سیاسەتە پۆشاکە نوێیە کە هەنگاوی ناوە و بەرەو پێش دەچێت لەکوردستاندا ، کۆمپانیاکان بۆ خانوو بەرە دوێنێ بەدزی و ئەمڕۆ بە ئاشکرا خانووەکان دەفرٶشێت کە تەنها هاوڵاتی ڕەگەزنامەی عێراقیت هەبێت  و تاپۆش دەکرێت بە ناویانەوە، بەپێ ی ووردەکاری بۆی ئەو کەسانەی خانوو دەکڕن ئەو عەرەبە عێراقیانەن کەلە ناوەڕاست و خوارووی عێراقەوە هەڵهاتوون وە لەبەر نائارامی ناوچەکەیان لەکوردستان نیشتەجێ دەبن ، بە شێوەیەک عەرەب گەیشتۆتە سنووری حاجی ئۆمەران و چیاکانی گارا .
لەکاتێکدا ئێمە شەڕی ناوچەدابڕاوەکان دەکەین بۆ گەڕانەوەی هەزاران خەڵکی کورد لەدوای ١٦ ی ئۆکتۆبەرو پێش ئەو بەروارەشەوە ، بەتایبەتی کوردانمان لەکەرکوک و دووزخورماتوو و ئێزیدیەکان و خانەقین و .هتد ، بەڵام (( مکتب عقارات )) لەهەرێمی کوردستان لە تۆڕەکۆمەڵایەتیەکان بە کوردی و عەرەبی داوا لە هەمووکەسێک دەکات کە دەتوانن خانوو بکڕن بە قیست وە ئاسانکاری تەواویان بۆ دەکرێت و تاپۆش دەکرێت واتە زەوی یەکە دەبێتە موڵکیان ، پێشتر ئەو ڕووداوە لە چەند وڵاتێکی تر ڕوویداوە بەناوی نەبوونی کرێکار و سیاسەتی ئابووری جیهانی ، وەکو کڕینەوەی زەوی فەلەستینیەکان لەلایەن ئیسرائیلییەکانەوە ، وە دابەشکردنی خانوو لە کوردستانی باکوور بۆ فەرانبەرە تورکەکان ، هاتنی کرێکاری بیانی بۆ وڵاتانی کەنداو کە وڵاتی قەتەر ژمارەیان ٨٠٠ هەزار کەسن ، بەڵام ئێستا ٣ ملیون بیانی تێدا دەژیت و کار دەکەن ، ئێستاش نەک تەنها لە کۆمەڵگە و خانووە نوێ یەکانی کۆمپانیا بازرگانییەکان، بەڵکو لە گەڕەکە میللییەکانی کوردستانیش دیاردەی بە عەرەب بوون لە زیاد بوندایە بەتایبەتی لە گەڕەکانی شاوێس و بنسڵاوە و دارەتوو بە شێوەیەکە کە ئامۆزاو خاڵۆزاو عەشرەتێکی عەرەب پێکەوەن وە پارەیەکی زیاتر دەدەن بۆ کڕینی خانوەکانیان ، وە ئەمە بێجگە لە شارەکانی کوردستان و شارە بچوکەکان بەناوی کار کردنەوە تا دەگاتە ڕانیە و عەربەت و دەربەندیخان و  سۆران و حاجی ئۆمەران و چیاکانی گاراش وا پڕ عەرەبن .
لەکاتێکدا خەڵکی خۆمان زۆربێ جێگە و ڕێگەن بۆ خانوو و نیشتەجێبوون نرخی خانویان بەرزکردۆتەوە وە کرێی کرێچیش نزم بۆتەوە بە شێوەیەک بە سەد دۆلار خانوو بەکرێ دەگرن ، بوونی ئەم دیاردەیە پاش ١٠ بۆ ٢٠ ساڵی تر دیموگرافیایەکی ناشرین دروست دەکات بە شێوەیەک شێوەی لە غەزەو قەتەرو ئیمارات دەکات ، خەڵکی خۆمان هەژارو بازاڕێکی دەوڵەمەند دێتە کایەوە ، خەڵکی ڕەسەنی کوردستان کۆچ دەکەن و عەرەبیش دەبنە خاوەن ماڵ ،،،، حکومەتی هەرێمیش چاوەڕوانی جێبەجێ کردنی مادەی ١٤٠ و گەڕانەوەی ئاوارەکانە.

ئەم وتارە گوزارشتە لە رای نوسەر و جەماوەر نیوز لێی بەرپرس نیە