پارێزگاری سلێمانی: سبه‌ی ده‌وام له‌ داموده‌زگاكان ئاساییه‌

19.01.2022
وێنەکان
پارێزگاری سلێمانی: سبه‌ی ده‌وام له‌ داموده‌زگاكان ئاساییه‌
جەماوەر نیوز
پارێزگاری سلێمانی لە کۆنگرەیەکی رۆژنامەوانیدا لەبارەی دەوامی سبه‌ی پێنجشەممە لە دامودەزگاکانی پارێزگاکە وتی، سبەی دەوام ئاسایی دەبێت و هیوادارین هاوڵاتیان بەردەوام بن لەسەر کارکردنی خۆیان.
ئه‌مڕۆ چوارشەممە 19ی كانونی دووه‌می 2022 د.هەڤاڵ ئەبوبەکر، پارێزگاری سلێمانی لە کۆنگرەیەکی ڕۆژنامه‌واندا لەبارەی راگەیاندنی پشووی دامودەزگاکان لە پارێزگای سلێمانی رایگەیاند "چاوەڕێی راپۆرتی بەڕێوەبەرایەتیی کەشناسی و بوومەلەرزەزانی سلێمانی دەکەین، بەفر بارین گرفت نییە بەڵکو ئەوکاتە گرفتە کە پلەکانی گەرما زۆر زۆر نزم دەبێتەوە و سەهۆڵبەندان دروست دەبێت، بۆیە دەسەڵاتمان داوەتە هەموو یەکە کارگێڕییەکان لە سنووری ئیداریی خۆیاندا کە وەڵامدەرەوەی داخوازییەکان بن کە دێنە پێشەوە."
پارێزگاری سلێمانی لە بەشێکی دیکەی قسەکانیدا وتی "ئەگەر دۆخێکی وەها هاتە پێشەوە کە بزانین زیان بە هاووڵاتییان دەگەیێنێت و ئاستەنگی هاتووچۆ دروستدەکات ئەوا بڕیاری خۆمان دەدەین، بەڵام تاوەکو ئێستا ئاماژەکان باس لەوە دەکەن کە پێویست بەوەناکات کە دەوام رابگیرێت، بۆیە سبەی دەوام ئاسایی دەبێت و هیوادارم هاووڵاتییانی خۆشەویست بەردەوام بن لەسەر کارکردنی خۆیان."


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو