له‌ به‌سره‌ ٩٥ دەرۆزەکار ده‌ستگیر ده‌كرێن

24.03.2023
وێنەکان
له‌ به‌سره‌ ٩٥ دەرۆزەکار ده‌ستگیر ده‌كرێن
جەماوەر نیوز

پۆلیسی بەسرە راگەیاند ٩٥ دەرۆزەکاریان دەستگیرکردووە.

عەلی شیاع، بەڕێوەبەری راگەیاندنی پۆلیسی به‌سره‌ ئه‌وه‌ی خسته‌ڕوو ئەو دەرۆزەکارانە لە پارێزگاکانی هەرێم و کەرکوک و موسڵەوە چوونەتە بەسرە لە هۆتێلێکدا دەستگیرکراون و ئەو منداڵانەی لەگەڵیاندا بوون منداڵی خۆیان نەبوون.

ناوبراو وتیشی ئەو دەرۆزەکارانە بەپێی یاسای بازرگانیکردن بە مرۆڤەوە دەستگیر کراون، چونکە ئەو منداڵانەی لەگەڵیاندا بوون فڕێندراون و بەزۆر ئەو کارەیان پێکراوە.
هاوکات بەشی کۆنترۆڵکردنی تاوانەکانی بەسرەش لە راگەیاندراوێکدا ئاماژەی بەوەکرد ، لەسەر رێنمایی وەزارەتی ناوخۆی عێراق هەڵمەتێکی دەستگیرکردنی دەرۆزکەرانیان دەستپێکردووە لە پارێزگاکە و توانیویانە ٩٥ دەرۆزەکار دەستگیربکەن.
لە راگەیاندراوەکەدا هاتووە، ٥٠ منداڵ و ٣٠ ژن و ١٥ پیاو لە ناو دەستگیرکراواندان ، ئەو کەسانەی دەستگیرکراون ناسنامەیان دیارە و لە پێکهاتەی تورکمان و عەرەبن و هەندێکیان لە هەرێم نیشتەجێن.


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ