ئه‌مریكا داوای ده‌ست به‌ هه‌نارده‌كردنه‌وه‌ی نه‌وت ده‌كات

27.03.2023
وێنەکان
ئه‌مریكا داوای ده‌ست به‌ هه‌نارده‌كردنه‌وه‌ی نه‌وت ده‌كات
جەماوەر نیوز
وەزارەتی دەرەوەی ئەمەریکا رایدەگەیەنێت، هەرێمی کوردستان هاوبەشێکی ستراتیژی ئەمەریکایە.
ڤێدانت پاتێل، جێگری وتەبێژی وەزارەتی دەرەوەی ئەمەریکا رایگەیاند، عێراق و هەرێمی کوردستان هاوبەشی ستراتیژی ئەمەریکان و بەرپرسانی ئەمەریکا بەردەوام داوا لە حکومەتی عێراق و حکومەتی هەرێمی کوردستان دەکەن، ناکۆکییەکانیان سەبارەت بە بودجە و یاسای نەوت و غاز چارەسەربکەن.
جەختیشیکردەوە، ئەمەریکا پەیوەندی و پابەندییەکی درێژخانەیەنی لەگەڵ هەرێمی کوردستاندا هەیە.
جێگری وتەبێژی وەزارەتی دەرەوەی ئەمەریکا باسی لەوەشکرد، ئاگادارن لەوەی حکومەتی هەرێمی کوردستان لە هەوڵدایە لەگەڵ حکومەتی عێراق بگەنە ئەنجامێک.
ئاشکراشیکرد، ئەمریکا داوای لە عێراق و تورکیا کردووە دەستبکەنەوە بە هەناردەکردنی نەوت لە رێگەی بۆڕییە نەوتییەکانی عێراقەوە و پەکخستنی هەناردەکردنی نەوت سوود بە هیچ لایەنێک ناگەیێنێت.

بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ