تورکیا : به‌پێى ئه‌نجامه‌ سه‌ره‌تاییه‌کان هیچ کاندیدێک ده‌نگى پێویستى نه‌هێناوه‌

15.05.2023
وێنەکان
تورکیا : به‌پێى ئه‌نجامه‌ سه‌ره‌تاییه‌کان هیچ کاندیدێک ده‌نگى پێویستى نه‌هێناوه‌
جەماوەر نیوز

پاش جیاکردنه‌وه‌ى زیاتر له‌ 98% ى ده‌نگه‌کان بۆ هه‌ڵبژاردنى سه‌رۆک کۆمارى تورکیا، هیچ کام له‌ سێ کاندیده‌که‌ 51% ى ده‌نگه‌کانى به‌ده‌ستنه‌هێناوه‌ هه‌تا به‌ براوه‌ى هه‌ڵبژاردنه‌که‌ دابنرێت.

ئه‌مڕۆ دووشه‌ممه‌ و هه‌تا کاتژمێر 7 ى به‌یانى به‌ کاتى ئه‌نکه‌ره‌ ئه‌نجامى سه‌ره‌تایى 98.6% ى ده‌نگه‌کان بۆ پۆستى سه‌رۆکایه‌تى ڕاگه‌یه‌ندرا. ڕه‌جه‌ب ته‌یب ئه‌ردۆغان، کاندیدى هاوپه‌یمانێتى کۆمارى 49.34% و که‌مال کلیچدار ئۆغڵو، کاندیدى هاوپه‌یمانێتى میلله‌ت 45.00% و سـینان ئـۆغـان، کاندیدى هاوپه‌یمانێتى ئاتا 5.22%، ى ده‌نگه‌کانیان به‌ده‌ستهێنا.

به‌پێى یاساى هه‌ڵبژاردن، ئه‌گه‌ر بێت و هیچ کاندیدێک نه‌توانێت به‌ لایه‌نى که‌م 51% ى ده‌نگه‌کان به‌ده‌ستبهێنێت ئه‌وا گه‌ڕى دووه‌مى هه‌ڵبژاردن له‌ 28 ى مانگى پێنج به‌ڕێوه‌ده‌چێت و ته‌نیا ئه‌و دوو کاندیده‌ى زۆرترین ده‌نگیان له‌م هه‌ڵبژاردنه‌دا به‌ده‌ستهێناوه‌ به‌شدارى تیادا ده‌که‌ن، هه‌ر کامیان زۆرترین ده‌نگ به‌ده‌ستبهێنێت به‌ هه‌ڵبژێردراو بۆ پۆستى سه‌رۆک کۆمار داده‌نرێت.


 

 


ده‌نگى ئه‌مه‌ریکا


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ