موچه‌ی خانه‌واده‌ی شه‌هیدان ئه‌نفاكراوان و زیندانیانی سیاسی كه‌مناكرێته‌وه‌

12.01.2020
جەماوەر نیوز
ئامانج رەحیم، سکرتێری ئەنجوومەنی وەزیرانی هەرێمی کوردستان لەکاتی خوێندنەوەی دووەم بۆ پرۆژەیاسای چاکسازی لە پەرلەمانی کوردستان رایگەیاند "دڵنیایی دەدەینە کەسوکاری شەهیدان و زیندانیانی سیاسی کە بەهۆی پرۆژەیاسای چاکسازی لە مووچە و خانەنشینی و دەرماڵە و ئیمتیازاتەکانی دیکە، مووچەکانیان کەمناکرێتەوە، بەڵکو هەوڵدەدەین موچەکانیان هاوتای مووچەی کەسوکاری شەهیدان و زیندانیانی سیاسی لە عێراق بکرێت".
سکرتێری ئەنجوومەنی وەزیران ئاماژەی بەوەکرد، خەڵکێکی زۆر ناوەکانیان خراوەتە ناو لیستی شایستەی کەسوکاری شەهیدان و زیندانیانی سیاسی و دەبێت جارێکی دیکە ئەو لیستە پێداچوونەوەی بۆ بکرێت و رێکبخرێتەوە.