وه‌زیری كاروباری شه‌هیدان لیژنه‌ی چاكسازی پێكده‌هێنێت

29.06.2020
جەماوەر نیوز

ئه‌مڕۆ دوو شه‌ممه‌ 29ی حوزه‌یران عه‌بدوڵڵا حاجى مه‌حمود ،وەزیرى کاروبارى شەهیدان و ئەنفالکراوان سەرپەرشتى کۆبوونەوەى چاکسازى وەزارەتى کرد،

له‌ كۆونه‌وه‌كه‌دا هه‌ریه‌ك بریکارى وەزارەت و بەرێوەبەرى گشتى دیوان و بەرێوەبەرى گشتى دەستەى بەرێوەبردنى داهاتەکان و  نەورۆز عومه‌ر محى الدین ،سەرۆکى لیژنەى چاکسازى زیندانیانى سیاسى ئاماده‌بوون.

ئه‌نجامدانی کۆبوونەوەکە بەمەبەستى دەستبەکاربوونى لیژنەى چاکسازى زیندانیانى سیاسى بوو بۆ ووردبینى و پێداچوونەوە و پاکردنەوەى لیستەکانى زیندانی و گیراوى سیاسى بەپێى شایستەى یاسایى ، بەمەبەستى جێبەجێکردنى ماددەى (٢) لە بەشى دووەمى یاساى چاکسازى لە مووچە و دەرماڵە و بەخشین و ئیمتیازاتەکان و خانەنشینى لە هەرێمى کوردستان - عێراق ژمارە (٢)ى ساڵى ٢٠٢٠