دەرمانی چارەسەركردنی كۆرۆنا لە هه‌رێمی كوردستان بەرهەم هێنرا

08.07.2020
جەماوەر نیوز

كۆمپانیای دەرمانسازی ئاوامێدیکا لە هەولێر دەرمانی دژە ڤایرۆسی بۆ چارەسەركردنی توشبووانی کۆرۆنای نوێ (کۆڤید-١٩) بەرهەمهێنا.
دكتۆر شاخەوان زاهیر، بەڕێوەبەری مارکێتینگ و پەرەپێدان لە كۆمپانیای ئاوامێدیکا رایگەیاند، كۆمپانیاكەیان بە هاوکاری سەنتەرە پسپۆڕیە جیهانیەکان بەسەرکەوتووی دەرمانی دژە ڤایرۆسی فابیڤیر (Favipiravir)ی بۆ چارەسەری توشبووانی کۆرۆنای نوێ (کۆڤید-١٩) بەرهەمهێنا.
وتیشی: یەکەم بڕ بۆ وەزارەتی تەندروستی عێراق نێردرا، بۆ ئەوەی بەسەر سەرجەم ناوەندەکانی چارەسەرکردنی کۆرۆنا نوێدا دابەش بکرێت.

ئه‌وه‌شی خسته‌ڕوو درمانه‌كه‌ به‌ شێوه‌ی حه‌په‌ و ته‌نها له‌ ناوه‌نده‌كانی چاره‌سه‌ری كۆرۆنا ده‌ست ده‌كه‌وێت.