پۆلیسی هه‌ڵه‌بجه‌ له‌باره‌ی هه‌ڵدانه‌وه‌ی گۆڕێك ڕوونكردنه‌وه‌ ده‌دات

25.01.2021
جەماوەر نیوز

له‌ ڕاگه‌یه‌نراوێكدا پۆلیسی پارێزگای هه‌ڵه‌بجه‌ ڕونكردنه‌وه‌یه‌ك له‌ باره‌ی هه‌ڵدانه‌وه‌ی گۆڕێكی ئافره‌تێك بڵاوده‌كاته‌وه‌.

ده‌قی ڕوونكردنه‌وه‌ی پۆلیسی هه‌ڵه‌بجه‌:

بۆ / سەرجەم کەناڵەکانى ڕاگەیاندن ( بینراو – بیستراو – خوێندراو )
بابەت / هەڵدانەوەى گۆڕ
پاش بڵاو بونەوەى گرتەیەکى ڤیدیۆیی لە بارەى هەڵدانەوەى گۆڕێک لە گۆڕستانى غەریبان بەدواداچوونمان بۆ ڕوداوەکە کرد بۆمان دەرکەوت ئەو گۆڕە گۆڕی هاوڵاتیەکى سورى بووە بە ناوى ( رابیعە محمد فارس / تەمەن / 80 ساڵ ) خەڵى کۆبانێ ڕۆژئاواى کوردستانە و لە بەروارى 18/6/2020 لە پارێزگاى هەڵەبجە کۆچی دواى کردووە و لە بەروارى 11/1/2021 بە ئاگادارى لایەنى پەیوەندى دار هەستاون بە گواستنەوەى تەرمەکە بۆ شارى کۆبانێ لە ڕۆژئاواى کوردستان لە هەمان کات خزم و کەس و کارەکەشی ماڵیان گواستۆتەوە بۆ شارى کۆبانێ لە ڕۆژئاواى کوردستان . بۆ ئاگاداریتان .

لەگەڵ ڕێزدا .....

مقدەمی پۆلیس
بەرزان عوسمان محمد
وتەبێژى بەڕێوەبەرایەتى پۆلیسى پارێزگای هەڵەبجە