خوێندنەوەی یەكەم بۆ پرۆژه‌ یاسای بە پارێزگابوونی هەڵەبجە كرا

03.04.2023

وێنەکان

جەماوەر نیوز

شه‌وی ڕابردوو خوێندنەوەی یەكەم بۆ پرۆژه‌ یاسای بە پارێزگابوونی هەڵەبجە كرا.

له‌وباره‌یه‌وه‌ شاخه‌وان عه‌بدوڵڵا جێگری دووه‌می ئه‌نجومه‌نی نونه‌رانی عێراق ڕایگه‌یاند بەداخەوە ماوەی دوو رۆژە و بەبیانوی جۆراو جۆر هەولی لابردنی ئەو برگەی تایبەت بەهەڵه‌بجە درا لە خشتەی کاری پەرلەمان، بەڵام رەزامەندیم نیشان نەدا.
وتیشی دیسان جاریکی تر و لەناو پەرلەمان سەرۆکی جلسە داوای کرد هەڵبگیریت دیسان ئەوەم رەتکردەوە ، جارێکی تر سەرۆکی پێنج فراکسیونی گەورەی پەرلەمان کەهەمیشە لەکاتی یادکردنەوەی ئەو کارەساتە گوتاریان بۆ خەڵکی هەڵه‌بجە هەیەو هاوخەمیان بۆ دەردەبڕن هاتن داوایان کرد ئەو بڕگەیە هەڵبگیریت دیسان ڕەتمکردەوە ، هەر لەناو جلسەکەو بە نوسراویان ژمارە ٤٦ ئیمزای ٥٥ پەنجاو پێنج پەرلەمانتاریان هینا بۆ ئەوەی ئەو بڕگەی تایبەتە بەهه‌ڵه‌بجە هەڵبگیرێت به‌ڵام ئەوەشم رەتکردەوە ، بەداخەوە کار گەیشتە ئەوەی فشاریان لەسەرۆکی دانیشتنی پەرلەمان کرد و ناچاریان کرد دانیشتنە بەجێ بهێڵێت و بچێتە دەرەوە و کورسی سەرۆکایەتی چۆڵ بکات ، بەڵام بریارم دا بچم سەرۆکایەتی دانیشتنی پەرلەمان بکەم و شەرەفی ئەوەم بەرکەوێت ئەو برگە تێبپەرینین و داوام لەلیژنەی پەیوەندیدار کرد پرۆژەکە بخویننەوە ، دیسان کۆمەڵیک پەرلەمانتار مداخەلەیان کرد بۆ ئەوەی ئەو پرۆژەیە نەروات بەڵام لە کۆتاییدا خوێندنەوەی یەکەم بۆ پرۆژەکە کراو هیوادارم بەم نزیکانە خوێندنەوەی دووەم و دەنگدان لەسەری بکریت و کۆتایی پێبت وەک وەفایەکی بچوک بەرامبەر قوربانیانی ئەو شارە.