عه‌بدوڵڵا حاجی مه‌حمود پێشوازی له‌ سکرتێری پارتی کرێکاران و ڕەنجدەران ده‌كات

13.09.2021
جەماوەر نیوز

ئەمڕۆ دوو شه‌ممه‌ ۱۳ ی ئەیلولی ۲۰۲۱ عه‌بدوڵڵا حاجی مەحمود، وەزیری کاروباری شەهیدان و ئەنفالکراوان، پێشوازی له‌ باپیر کامەلا، سکرتێری پارتی کرێکاران و ڕەنجدەرانی کوردستان و  ئەبوکاروان، ئەندامی مەکتەبی سیاسی حزبی شیوعی کوردستان كرد.

لە دیدارێکدا باس لە ڕەوشی سیاسی هەرێمی کوردستان کرا ،هەروەها گفتوگۆ کرا لە سەر پرۆسەی هەڵبژاردنی داهاتووی ئەنجومەنی نوێنەرانی عێراق و تیایدا جەختکرایەوە لەسەر بە ئارامی بەڕێوەچوونی پرۆسەی بانگه‌شەی هەڵبژاردن و گرنگی بەشداری هاووڵاتیانی کوردستان لەپرۆسەکەدا ،چونکە هەڵبژاردنی ئەمجارەی پەرلەمانی عێراق لەزۆر ڕووەوە جیاوازە لە خولەکانی ڕابردوو،ئەمەش پێویستە هانی دەنگدەران و کاندیدان بدات بۆ ئەوەی سەکۆی پەرلەمان بکرێتە مەیدانی داکۆکی کردنی ڕاستە قینە بۆ پارێزگاریکردن لەدەستکەوتەکانی گەلەکەمان و کارکردنی بەردوام و پێکەوەیی بۆ زامنکردنی مافە بە دەستنەهاتووەکان.

لە کۆتایی ئەو دیدارەدا وەزیری کاروباری شەهیدان و ئەنفالکراوان تیشکی خستە سەر هەنگاوەکانی جێبەجێکردنی یاسای چاکسازی و ڕوونیکردەوە کە ئامانجی یاساکە بریتیە لە چەسپاندنی دادپەروەری و گەڕانەوەی ماف بۆ کەسانی شایستە ،پشتگیری و پشتیوانی هەموولایەکیشی بەگرنگزانی بۆسەرخستنی پرۆسەی چاکسازی لە هەرێمی کوردستان لەپێناو خزمەتکردنی زیاتری هاووڵاتیان.


زۆرترین خوێندراو

  • ڕۆژ
  • هەفتە
  • مانگ