وه‌زاره‌تی شاره‌وانی: لێخۆشبوون له‌ قەرزی ئاو كۆتایی دێت

14.08.2022
جەماوەر نیوز
وەزارەتی شارەوانی لە رونكردنەوەیەكدا ئاماژەی بەوەداوە، لە ماوەی رابردودا حكومەتی هەرێم لەپێناو بەرژەوەندی گشتی هاوڵاتیان و بە تایبەتی ئەو هاوبەشانەی ئاو كە قەرزی حكومەتیان لایە، بڕیاریدا بە رێژەی 15% داشكاندن بۆ قەرزی كرێی ئاو بكرێت و هاوڵاتیانیش بەشێوەیەكی بەرچاو پێشوازیان لە بڕیارەكەی حكومەت كرد.
هەر بەپێی رونكرنەوەكە، ئێستاش كاركردن بە بڕیارەكە بەردەوامە، بەڵام 20ی 9ی 2022 دوا وادەی كاركردن و سودمەندبوونە لە لێخۆشبوون.
وەزارەتەكە رونیشیكردووەتەوە، بۆیە پێویستە هاوبەشانی ئاو كە خوازیاری سودمەندبوونن لە نزیكترین كاتدا سەردانی بنكە و فەرمانگە و بەڕێوەبەرایەتییەكانی ئاو بكەن و مامەڵەی سودمەندبوون بكەن، ئەگینا دوای وادەی دیاریكراو بڕیارەكە بە هیچ شێوەیەك درێژ ناكرێتەوە.