حوسنی موباره‌ك سه‌رۆكی پێشووتری میسر كۆچی دواییكرد.

25.02.2020
جەماوەر نیوز

ته‌له‌ڤزیۆنی فه‌رمی میسر، كۆچی دوایی حوسنی موباره‌كی راگه‌یاند و كه‌سه‌ نزیكه‌كانیشی هه‌واڵه‌كه‌یان پشتڕاست كردووه‌ته‌وه‌.
پێشتر به‌هۆی تێكچوونی باری ته‌ندرووستی گه‌یه‌نراوه‌ته‌ نه‌خۆشخانه‌ و ئه‌مڕۆ 25/2/2020، له‌ ته‌مه‌نی 91 ساڵی كۆچی دوایی كرد.
حوسنی موباره‌ك، له‌ 4/5/1928 له‌دایكبووه‌، له‌ سه‌ربازیدا پله‌كه‌ی گه‌یشتووه‌ته‌وه‌ فه‌ریقی فڕۆكه‌وانی له‌ هێزی ئاسمانی میسر.
له‌ ساڵی 1981 وه‌ك سه‌رۆكی میسر ده‌ستبه‌كاربوو تا راپه‌ڕینه‌كانی 2011ی وڵاتانی عه‌ره‌بی، كه‌ به‌ به‌هاری عه‌ره‌بی وه‌سف كرا و دواتريش ميسرى گرته‌وه‌، وازی له‌ پۆسته‌كه‌ی هێنا.