ئه‌مڕۆ ڕێگری له‌ په‌رله‌مانتارێك كرا بۆ ئاماده‌بون له‌ دانیشتنی په‌رله‌مان

07.04.2021
جەماوەر نیوز

ئه‌مڕۆ رێگری لە چوونەژوورەوەی کازم فاروق، سەرۆکی فراکسیۆنی نەوەی نوێ بۆ ناو باڵەخانەی پەرلەمان کرا.

پێشنیوەڕۆی ئەمڕۆ چوارشەممە، کازم فاروق سەرۆکی فراکسیۆنی نەوەی نوێ رایگەیاند، بە مەبەستی ئامادەبوونی لە دانیشتنی ئەمڕۆی پەرلەمانی کوردستان چووەتە بەردەم باڵەخانەی پەرلەمان، بەڵام بە فەرمانێکی نهێنی دەستەی سەرۆکایەتی پەرلەمان پاسەوانەکان رێگەیان لێگرتووە.

چوارشەممەی رابردوو، کازم فاروق سەرۆکی فراکسیۆنی نەوەی نوێ، جوتێک پێڵاوی گرتە دەستەی سەرۆکایەتی پەرلەمان، هۆکارەکەشی بۆ ئەوە گەڕاندەوە کە پەرلەمان باسی بابەتێک دەکات پەیوەندی بە کێشەکانی خەڵکەوە نییە.

له‌ دانیشتنی ئه‌مرۆی په‌رله‌مان فراكسیۆنی نه‌وی نوێ داوای هه‌ڵوه‌شاندنه‌وه‌ی ئه‌و بڕیاره‌ی په‌رله‌مانیان كر له‌ باره‌ی ڕێگریكردن له‌ سه‌رۆكی فراكسیۆنه‌كه‌یان و دواتر بایكۆتی دانیشتی په‌رله‌مانیان كرد.