رونکردنه‌وه‌یه‌ک له‌سه‌ر برینداربونى سه‌رۆک کۆمار

24.05.2023
وێنەکان
رونکردنه‌وه‌یه‌ک له‌سه‌ر برینداربونى سه‌رۆک کۆمار
جەماوەر نیوز

به‌شێک له‌ ده‌زگاکانى ڕاگه‌یاندن و سۆشیال میدیا هه‌واڵێکى ناڕاستیان بڵاوکرده‌وه‌ و باس ئه‌وه‌ ده‌که‌ن که‌ سه‌رۆک کۆمار دکتۆر له‌تیف جه‌مال ڕه‌شید له‌ کاتى دابه‌زینى له‌ فڕۆکه‌ ئازارى پێگه‌یشتوه‌ و بریندار بوه‌، له‌م ڕووه‌وه‌ دووپاتى ده‌که‌ینه‌وه‌ که‌ ئه‌و هه‌واڵه‌ دووره‌ له‌ ڕاستییه‌وه‌، و ته‌ندروستى سه‌رۆک کۆمار له‌بارێکى ته‌واو ئاساییه‌ وه‌ک هه‌میشه‌ له‌ سه‌رۆکایه‌تى کۆماردا ئه‌رکه‌کانى خۆى جێبه‌جێ ده‌کات.

هه‌روه‌ها به‌ڕێزیان، به‌درێژایى ڕۆژانى ڕابردوو، و تا ئه‌مڕۆ سێشه‌ممه‌، 23-5-2023، چه‌ندین چالاکیى ئه‌نجامداوه‌ که‌ له‌ڕێگه‌ى ڕاگه‌یاندنه‌کانه‌وه‌ بڵاوکرانه‌وه‌ و په‌خشکراون، ئه‌مه‌ش ئه‌وه‌ پشتڕاست ده‌کاته‌وه‌ که‌ ئه‌وه‌ى له‌لایه‌ن هه‌ندێک سۆشیال میدیاوه‌ بڵاوکرایه‌وه‌  ڕاست نییه‌.

شاراوه‌ نییه‌ که‌ سه‌رچاوه‌ى ئه‌و ده‌نگۆیانه‌ ناسراو و ئامانجه‌کانیان ئاشکران و ڕه‌فتارێکى نابه‌رپرسانه‌ن، وه‌ک چۆن که‌سانى نابه‌رپرس له‌ ڕێگه‌یانه‌وه‌ پشێوى و نادروستى له‌ کۆمه‌ڵگه‌ و دامه‌زراوه‌کانى ده‌وڵه‌تدا دروست ده‌که‌ن ، بۆ  ئه‌مه‌ش ئێمه‌ پابه‌ند ده‌بین به‌ گرتنه‌به‌رى ڕێوشوێنى یاسایى تا ڕێگرییان لێبکات.

هاوکات داوا له‌ ده‌زگاکانى ڕاگه‌یاندن ده‌که‌ین که‌ وردبین بن و سه‌رنجیان ڕاده‌کێشین بۆ پێویستى پشتڕاستکردنه‌وه‌ى ڕاستى هه‌واڵه‌کان پێش بڵاوکردنه‌وه‌یان و پابه‌ندبوون به‌ ستاندارده‌کانى متمانه‌پێکردن و پیشه‌یى بوون له‌ بڵاوکردنه‌وه‌دا.

 


فه‌رمانگه‌ى ڕاگه‌یاندنى سه‌رۆکایه‌تى کۆمار


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو