ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
لەخانه‌قین یه‌كه‌م دیداری ئه‌ڵوه‌ن بۆ هونه‌ر و شارستانییه‌ت ده‌ستیپێكرد
02.12.2023
جەماوەر نیوز
به چاودێری و ئاماده‌بوونی حه‌مه‌ی حه‌مه‌سه‌عید، وه‌زیری ڕۆشنبیری و لاوانی حكومه‌تی هه‌رێمی كوردستان، ئه‌مڕۆ له خانه‌قین، یه‌كه‌م دیداری ئه‌ڵوه‌ن بۆ هونه‌ر و شارستانییه‌ت ده‌ستیپێكرد و له وتارێكدا، وه‌زیری ڕۆشنبیری و لاوان ڕایگه‌یاند، كاتی ئه‌وه‌یه وه‌به‌رهێنانی زیاتر له پێگه و هه‌ڵكه‌وته‌ی ستراتیژیی خانه‌قین بكرێت و شاره‌كه له دێرزه‌مانه‌وه نموونه‌یه‌كی جوانی پێكه‌وه‌ژیان و ئاشته‌وایی كۆمه‌ڵایه‌تی و شارستانییه‌تی پێشكه‌ش كردووه.
"یه‌كه‌مین دیداری ئه‌ڵوه‌ن بۆ هونه‌ر و شارستانییه‌ت"، ئه‌مڕۆ له شاری خانه‌قین، له ژێر چاودێری و به ئاماده‌بوونی حه‌مه‌ی حه‌مه‌سه‌عید، وه‌زیری ڕۆشنبیری و لاوانی حكومه‌تی هه‌رێمی كوردستان ده‌ستیپێكرد و بڕیاره دوو ڕۆژ بخایه‌نێت.
دیداره‌كه به سه‌رپه‌رشتی جه‌لال شێخ نوری، سه‌رپه‌رشتیاری ئیداره‌ی گه‌رمیان و دلێر حه‌سه‌ن سایه، قائیمقامی قه‌زای خانه‌قین، له لایه‌ن به‌ڕێوبه‌رایه‌تی گشتیی ڕۆشنبیری و هونه‌ری گه‌رمیان- به‌ڕێوبه‌رایه‌تی ڕۆشنبیری و هونه‌ری خانه‌قین، سازكراوه.
له دیداره‌كه‌دا، حه‌مه‌ی حه‌مه‌سه‌عید، وتارێكی پێشكه‌ش به ئاماده‌بوان كرد و تێیدا باسی له لایه‌نه جیاجیاكانی مێژوو، هونه‌ر، شارستانییه‌ت، پێكه‌وه‌ژیان و فره كولتووری خانه‌قین و سنووری گه‌رمه‌سێری كرد.
له ده‌ستپێكی وتاره‌كه‌یدا، وه‌زیری ڕۆشنبیری و لاوان وتی: به گوێره‌ی به‌ڵگه مێژووییه‌كان، خانه‌قی، ده‌روازه و پردی به‌یه‌كه‌وه‌به‌ستنی شارستانییه‌ته دێرینه‌كان بووه. ھەر لە سەردەمی ئاشووری و ئەکەدییەکانەوە، ده‌روازه‌ی شاڕێگه‌ی ھاتووچۆکردن و بازرگانی بووە، ئەوەییە دواتر له‌به‌ر بایه‌خه‌كه‌ی بەدەروازەی خۆڕاسان ناوبراوه.
وتیشی: هاوكات خانه‌قی، ڕێڕه‌وێكی گرنگی ئابووری و بازرگانی بووه له كۆن و ئێستاش له چوارچێوه‌ی هه‌وڵی وڵاتانی ناوچه‌كه و جیهاندا چاو له‌سه‌ر پێگه‌ی جوگرافی خانه‌قینه، به‌و پێیه‌ی چین و ئێران و وڵاتانی باشووری ئاسیا به ڕێگه‌ی وشكانی به تێپه‌ڕینی به توركیادا ده‌به‌ستێته‌وه به ئه‌وروپاوە.
له به‌شێكی دیكه‌ی وتاره‌كه‌یدا، حه‌مه‌ی حه‌مه‌سه‌عید، باسی له ڕه‌وشی كۆمه‌ڵایه‌تی شاره‌كه كرد و وتی: "خەڵکی ناوچەکە، كه له پێكهاته‌ی جیاجیا و عه‌شیره‌تی دێرینی ناوچه‌كه پێكهاتوون، تێکەڵاوی دیاریان لە گەل خەڵکی شارەکانی قەسری شیرین و سەرپێڵ و دەشتی زەھاو شائاباد و گەیلانی خۆرئاواو ناوچەی داڵاھو و کرماشاندا ھەیەو لەڕووی کولتووریشەوە تێکەڵاون".
وتیشی: " ئه‌مه‌ش ده‌رفه‌تێكی گرنگی ڕه‌خساندووه بۆ وه‌به‌رهێنانی زیاتر له كایه‌ی پێكه‌وه‌ژیانی ئاشتیانه‌ی ئایین و مه‌زهه‌ب و كولتوور و نه‌ریتی جیای خه‌ڵكی ناوچه‌كه. به‌و پێیه‌ی له دێرزه‌مانه‌وه هه‌ریه‌ك له عه‌شیره‌ته‌كانی سوره‌میری، باجه‌لان، ده‌لۆ، ئه‌ركه‌وازی، تاڵه‌بانی، جمور، زه‌هاوی، مه‌له‌كشاهی، هه‌مه‌وه‌ند، جاف، شه‌ره‌فبه‌یانی و زه‌ڕگۆش لێره به ئاشتی ده‌ژین".
سه‌باره‌ت به فره‌ی و هه‌مه‌چه‌شنی كولتوری ئایینی باسی له‌وه كرد، كه "پێكهاته ئاینییه‌كه‌ی خه‌ڵكی ناوچه‌كه، بووه‌ته هه‌وێنی به‌رجه‌سته‌كردنی نموونه‌یه‌كی باڵای پێكه‌وه‌ژیانی ئاشتیانه له ناوچه‌كه‌دا به گشتیی، به‌تایبه‌تی كه سوننه، شیعه، كریستیان، یارسان و جوو به‌شێكی دانه‌بڕاوی پێكهاته‌ی كۆمه‌ڵایه‌تی و ئایینی مه‌ڵبه‌نده‌كەو به‌یه‌كه‌وه‌ژیاون."
وه‌زیری ڕۆشنبیری و لاوان باسی له بایه‌خی زمانی دایكی و شێوه‌زاره‌كانی ناوچه‌كه كرد و له‌و باره‌یه‌وه وتی: "پێویسته ئه‌و ڕاستییه فه‌رامۆش نه‌كرێت، كه مه‌ڵبه‌ندی خانه‌قی، گه‌نجینه‌یه‌كی گرنگ و پڕبایه‌خی زار و شێوه‌زار و فه‌رهه‌نگی زمانی كوردییه. زمانی دایكیی و شێوه‌زاری جیاجیای مه‌ڵبه‌نده‌كه میراتێكی ئه‌ده‌بی ده‌وڵه‌مه‌ندیان بۆ به‌جێ هێشتووین، كه شاكاری گرنگی تێدایه و به درێژایی مێژوو خه‌ڵكی ناوچه‌كه پارێزگاریان له ڕه‌سه‌نایه‌تی مۆركه كوردییه‌كانی كولتوور و فه‌رهه‌نگ و ڕۆشنبیرییان كردووه".
له كۆتایی وتاره‌كه‌یدا، وه‌زیری ڕۆشنبیری و لاوان به پێویستی زانی دڵسۆزان و ڕۆشنبیرانی خانه‌قین، له خه‌می به‌ره‌نگاربوونه‌وه‌ی گۆڕانكارییه‌كانی كه‌شوهه‌وا بن و له‌و باره‌یه‌وه وتی: "له‌م هه‌لومه‌رجه نوێیه‌شدا، كه ناوچه‌كه كاریگه‌ره به گۆڕانكارییه‌كانی كه‌شوهه‌وا پێویسته بۆ پارێزگاری له ناسنامه‌ی شارستانێتی مه‌ڵبه‌نده‌كه، هه‌موولایه‌ك دڵسۆزانه ستراتیژێكی نیشتمانیانه و مرۆڤ دۆستانه دابڕێژن بۆ به‌رگرتن له كاریگه‌رییه‌كانی گۆڕانكاری كه‌شوهه‌وا له ناوچه‌كه‌دا و پارێزگاری له سامانی ژینگه‌یی ناوچه‌كه بکرێت، چونكه خانه‌قی یه‌كێكه له‌و ناوچانه‌ی كه زۆر به‌ڕوونی كاریگه‌ری گۆڕانكارییه‌كانی كه‌شوهه‌وای لێ ده‌ركه‌وتووه و وه‌ك گه‌رمترین ناوچه‌ی جیهان به‌رزترین پله‌ی گه‌رمای تێدا تۆمار كراوه، ئه‌مه‌ش به‌وه ده‌بێت ڕووبه‌ری سه‌وزایی زیاتر بكرێت و پارێزگاری له سامانی ئاوی ناوچه‌كه بكرێت".
هه‌ر له چوارچێوه‌ی سه‌ردانه‌كه‌یدا، بۆ خانه‌قین، وه‌زیری ڕۆشنبیری و لاوان سه‌ردانی مۆزه‌خانه‌ی خانه‌قینی كرد و پێشانگه‌یه‌كی هونه‌ری له مۆزه‌خانه‌كه كرده‌وه.
به چاودێری و ئاماده‌بوونی حه‌مه‌ی حه‌مه‌سه‌عید، وه‌زیری ڕۆشنبیری و لاوانی حكومه‌تی هه‌رێمی كوردستان، ئه‌مڕۆ له خانه‌قین، یه‌كه‌م دیداری ئه‌ڵوه‌ن بۆ هونه‌ر و شارستانییه‌ت ده‌ستیپێكرد و له وتارێكدا، وه‌زیری ڕۆشنبیری و لاوان ڕایگه‌یاند، كاتی ئه‌وه‌یه وه‌به‌رهێنانی زیاتر له پێگه و هه‌ڵكه‌وته‌ی ستراتیژیی خانه‌قین بكرێت و شاره‌كه له دێرزه‌مانه‌وه نموونه‌یه‌كی جوانی پێكه‌وه‌ژیان و ئاشته‌وایی كۆمه‌ڵایه‌تی و شارستانییه‌تی پێشكه‌ش كردووه.
"یه‌كه‌مین دیداری ئه‌ڵوه‌ن بۆ هونه‌ر و شارستانییه‌ت"، ئه‌مڕۆ له شاری خانه‌قین، له ژێر چاودێری و به ئاماده‌بوونی حه‌مه‌ی حه‌مه‌سه‌عید، وه‌زیری ڕۆشنبیری و لاوانی حكومه‌تی هه‌رێمی كوردستان ده‌ستیپێكرد و بڕیاره دوو ڕۆژ بخایه‌نێت.
دیداره‌كه به سه‌رپه‌رشتی جه‌لال شێخ نوری، سه‌رپه‌رشتیاری ئیداره‌ی گه‌رمیان و دلێر حه‌سه‌ن سایه، قائیمقامی قه‌زای خانه‌قین، له لایه‌ن به‌ڕێوبه‌رایه‌تی گشتیی ڕۆشنبیری و هونه‌ری گه‌رمیان- به‌ڕێوبه‌رایه‌تی ڕۆشنبیری و هونه‌ری خانه‌قین، سازكراوه.
له دیداره‌كه‌دا، حه‌مه‌ی حه‌مه‌سه‌عید، وتارێكی پێشكه‌ش به ئاماده‌بوان كرد و تێیدا باسی له لایه‌نه جیاجیاكانی مێژوو، هونه‌ر، شارستانییه‌ت، پێكه‌وه‌ژیان و فره كولتووری خانه‌قین و سنووری گه‌رمه‌سێری كرد.
له ده‌ستپێكی وتاره‌كه‌یدا، وه‌زیری ڕۆشنبیری و لاوان وتی: به گوێره‌ی به‌ڵگه مێژووییه‌كان، خانه‌قی، ده‌روازه و پردی به‌یه‌كه‌وه‌به‌ستنی شارستانییه‌ته دێرینه‌كان بووه. ھەر لە سەردەمی ئاشووری و ئەکەدییەکانەوە، ده‌روازه‌ی شاڕێگه‌ی ھاتووچۆکردن و بازرگانی بووە، ئەوەییە دواتر له‌به‌ر بایه‌خه‌كه‌ی بەدەروازەی خۆڕاسان ناوبراوه.
وتیشی: هاوكات خانه‌قی، ڕێڕه‌وێكی گرنگی ئابووری و بازرگانی بووه له كۆن و ئێستاش له چوارچێوه‌ی هه‌وڵی وڵاتانی ناوچه‌كه و جیهاندا چاو له‌سه‌ر پێگه‌ی جوگرافی خانه‌قینه، به‌و پێیه‌ی چین و ئێران و وڵاتانی باشووری ئاسیا به ڕێگه‌ی وشكانی به تێپه‌ڕینی به توركیادا ده‌به‌ستێته‌وه به ئه‌وروپاوە.
له به‌شێكی دیكه‌ی وتاره‌كه‌یدا، حه‌مه‌ی حه‌مه‌سه‌عید، باسی له ڕه‌وشی كۆمه‌ڵایه‌تی شاره‌كه كرد و وتی: "خەڵکی ناوچەکە، كه له پێكهاته‌ی جیاجیا و عه‌شیره‌تی دێرینی ناوچه‌كه پێكهاتوون، تێکەڵاوی دیاریان لە گەل خەڵکی شارەکانی قەسری شیرین و سەرپێڵ و دەشتی زەھاو شائاباد و گەیلانی خۆرئاواو ناوچەی داڵاھو و کرماشاندا ھەیەو لەڕووی کولتووریشەوە تێکەڵاون".
وتیشی: " ئه‌مه‌ش ده‌رفه‌تێكی گرنگی ڕه‌خساندووه بۆ وه‌به‌رهێنانی زیاتر له كایه‌ی پێكه‌وه‌ژیانی ئاشتیانه‌ی ئایین و مه‌زهه‌ب و كولتوور و نه‌ریتی جیای خه‌ڵكی ناوچه‌كه. به‌و پێیه‌ی له دێرزه‌مانه‌وه هه‌ریه‌ك له عه‌شیره‌ته‌كانی سوره‌میری، باجه‌لان، ده‌لۆ، ئه‌ركه‌وازی، تاڵه‌بانی، جمور، زه‌هاوی، مه‌له‌كشاهی، هه‌مه‌وه‌ند، جاف، شه‌ره‌فبه‌یانی و زه‌ڕگۆش لێره به ئاشتی ده‌ژین".
سه‌باره‌ت به فره‌ی و هه‌مه‌چه‌شنی كولتوری ئایینی باسی له‌وه كرد، كه "پێكهاته ئاینییه‌كه‌ی خه‌ڵكی ناوچه‌كه، بووه‌ته هه‌وێنی به‌رجه‌سته‌كردنی نموونه‌یه‌كی باڵای پێكه‌وه‌ژیانی ئاشتیانه له ناوچه‌كه‌دا به گشتیی، به‌تایبه‌تی كه سوننه، شیعه، كریستیان، یارسان و جوو به‌شێكی دانه‌بڕاوی پێكهاته‌ی كۆمه‌ڵایه‌تی و ئایینی مه‌ڵبه‌نده‌كەو به‌یه‌كه‌وه‌ژیاون."
وه‌زیری ڕۆشنبیری و لاوان باسی له بایه‌خی زمانی دایكی و شێوه‌زاره‌كانی ناوچه‌كه كرد و له‌و باره‌یه‌وه وتی: "پێویسته ئه‌و ڕاستییه فه‌رامۆش نه‌كرێت، كه مه‌ڵبه‌ندی خانه‌قی، گه‌نجینه‌یه‌كی گرنگ و پڕبایه‌خی زار و شێوه‌زار و فه‌رهه‌نگی زمانی كوردییه. زمانی دایكیی و شێوه‌زاری جیاجیای مه‌ڵبه‌نده‌كه میراتێكی ئه‌ده‌بی ده‌وڵه‌مه‌ندیان بۆ به‌جێ هێشتووین، كه شاكاری گرنگی تێدایه و به درێژایی مێژوو خه‌ڵكی ناوچه‌كه پارێزگاریان له ڕه‌سه‌نایه‌تی مۆركه كوردییه‌كانی كولتوور و فه‌رهه‌نگ و ڕۆشنبیرییان كردووه".
له كۆتایی وتاره‌كه‌یدا، وه‌زیری ڕۆشنبیری و لاوان به پێویستی زانی دڵسۆزان و ڕۆشنبیرانی خانه‌قین، له خه‌می به‌ره‌نگاربوونه‌وه‌ی گۆڕانكارییه‌كانی كه‌شوهه‌وا بن و له‌و باره‌یه‌وه وتی: "له‌م هه‌لومه‌رجه نوێیه‌شدا، كه ناوچه‌كه كاریگه‌ره به گۆڕانكارییه‌كانی كه‌شوهه‌وا پێویسته بۆ پارێزگاری له ناسنامه‌ی شارستانێتی مه‌ڵبه‌نده‌كه، هه‌موولایه‌ك دڵسۆزانه ستراتیژێكی نیشتمانیانه و مرۆڤ دۆستانه دابڕێژن بۆ به‌رگرتن له كاریگه‌رییه‌كانی گۆڕانكاری كه‌شوهه‌وا له ناوچه‌كه‌دا و پارێزگاری له سامانی ژینگه‌یی ناوچه‌كه بکرێت، چونكه خانه‌قی یه‌كێكه له‌و ناوچانه‌ی كه زۆر به‌ڕوونی كاریگه‌ری گۆڕانكارییه‌كانی كه‌شوهه‌وای لێ ده‌ركه‌وتووه و وه‌ك گه‌رمترین ناوچه‌ی جیهان به‌رزترین پله‌ی گه‌رمای تێدا تۆمار كراوه، ئه‌مه‌ش به‌وه ده‌بێت ڕووبه‌ری سه‌وزایی زیاتر بكرێت و پارێزگاری له سامانی ئاوی ناوچه‌كه بكرێت".
هه‌ر له چوارچێوه‌ی سه‌ردانه‌كه‌یدا، بۆ خانه‌قین، وه‌زیری ڕۆشنبیری و لاوان سه‌ردانی مۆزه‌خانه‌ی خانه‌قینی كرد و پێشانگه‌یه‌كی هونه‌ری له مۆزه‌خانه‌كه كرده‌وه.
بابەتی هاوشێوە
-
لە قەزای شارەزوور بەڕێز محەمەد حاجی مەحمود بە ئامادەبونی ژمارەیەک لە ئەندامانی مەکتەبی سیاسی و ئەنجومەنی سەرکردایەتی سەردانی مەڵبەندی شارەزووری پارتی سۆسیال دیموکراتی کوردستانی کرد
-
محەمەد حاجی مەحمود تاجە گوڵینەی ڕێز و وەفای لەسەر مەزاری شەهیدانی کیمیابارانی هەڵەبجە دانا
-
پەیامی محەمەدی حاجی محمود لەساڵیادی مەرگەساتی هەڵەبجە
-
بەناوی خوای گەورە و میهرەبان هاتنەوەی مانگی پیرۆزی ڕەمەزان، لە موسوڵمانانی جیهان بەگشتی و جەماوەری کوردستان بەتایبەتی پیرۆز دەکەم. نزا لە خوای گەورە دەکەم، ڕۆژو و پەرستشی ھەموولایەک قبوڵ بکات و هاتنەوەی ئەم مانگە پیرۆزە بکاتە مایەی خێر و خۆشی و بە
-
پارتی سۆسیال دیموکراتی کوردستان و یەکێتی نیشتمانی کوردستان کۆبوونەوە
-
خەڵاتی رێزلێنان بەخشرایە خاتونی تێکۆشەر خاتوگەردە رۆستەم دایکی شەهید سەرکردەعەتا محەمەدحاجی مەحمود
وتار
-
ڕهوشى ڕۆژنامهنوسى کوردى یان جیهانی
07.02.2024 -
رهگهز گۆڕین کارێکى قێزهوهن و شوورهییه
29.01.2024 -
سوکایهتى و بێڕێزى لهپاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
محەمەدی حاجی مەحمود: زۆربەی حزبەکان هەڵبژاردنیان پێخۆش نییە
26.05.2023
-
کۆشکى سپی : ئهمهریکا پلانى وهڵامدانهوهى توندى ههیه بهرامبهر هێرشهکهى سهر هێزهکانمان له ئوردن
29.01.2024
-
محەمەدی حاجی مەحمود: ئەمەریکا و ئەڵمانیا مەشقییان بەهێزەکانمان کردووە
26.04.2023
-
ڤیدیۆ ... .زیارهتکاران بهرهو کهربهلا بۆ چلهى ماتهمینى ئیمام حسێن
04.09.2023
-
محەمەدی حاجی مەحمود: زۆربەی حزبەکان هەڵبژاردنیان پێخۆش نییە
26.05.2023
-
کۆشکى سپی : ئهمهریکا پلانى وهڵامدانهوهى توندى ههیه بهرامبهر هێرشهکهى سهر هێزهکانمان له ئوردن
29.01.2024
-
محەمەدی حاجی مەحمود: ئەمەریکا و ئەڵمانیا مەشقییان بەهێزەکانمان کردووە
26.04.2023
-
ڤیدیۆ ... .زیارهتکاران بهرهو کهربهلا بۆ چلهى ماتهمینى ئیمام حسێن
04.09.2023
-
محەمەدی حاجی مەحمود: زۆربەی حزبەکان هەڵبژاردنیان پێخۆش نییە
26.05.2023
-
کۆشکى سپی : ئهمهریکا پلانى وهڵامدانهوهى توندى ههیه بهرامبهر هێرشهکهى سهر هێزهکانمان له ئوردن
29.01.2024
-
محەمەدی حاجی مەحمود: ئەمەریکا و ئەڵمانیا مەشقییان بەهێزەکانمان کردووە
26.04.2023
-
ڤیدیۆ ... .زیارهتکاران بهرهو کهربهلا بۆ چلهى ماتهمینى ئیمام حسێن
04.09.2023