بانکى ناوه‌ندى به‌ناوى حکومه‌تى هه‌رێمه‌وه‌ حسابێکى بانکى کرده‌وه‌

1/21/2018 10:43:00 AM
وێنەکان
بانکى ناوه‌ندى به‌ناوى حکومه‌تى هه‌رێمه‌وه‌ حسابێکى بانکى کرده‌وه‌
جەماوەر نیوز
جه‌ماوه‌رنیوز







له‌سه‌ر داواى وه‌زاره‌تى دارایى عێراق، بانکى ناوه‌ندی، حسابێکى بانکى به‌ ناوى حکومه‌تى هه‌رێمه‌وه‌، بۆ مووچه‌ى فه‌رمانبه‌ران و شایسته‌ داراییه‌کانى هه‌رێم کردووه‌ته‌وه‌ و تا ئێستا بڕى 450ملیار دینار ره‌وانه‌ى ئه‌و حسابه‌ کراوه‌. 

به‌پێى نووسراوێک که‌ به‌روارى 30-12- 2017ى له‌سه‌ره‌، وه‌زاره‌تى دارایى داواى له‌ بانکى ناوه‌ندى کردووه‌ته‌وه‌ که‌ حسابێکى تایبه‌ت به‌ناوى حکومه‌تى هه‌رێمه‌وه‌ بۆ مووچه‌ى فه‌رمانبه‌ران و شایسته‌ داراییه‌کانى هه‌رێم بۆ ساڵى 2017 و ساڵانى دواتر بکاته‌وه‌، که‌ ته‌نها "حه‌یده‌ر عه‌بادى " سه‌رۆک وه‌زیرى عیراق که‌ وه‌زیرى داراییشه‌ به‌ وه‌کاله‌ت  مافى جوڵاندنى ئه‌و حسابه‌ بانکییه‌ى هه‌یه‌.

بانکى ناوه‌ندیش به‌ نووسراوێک که‌ به‌روارى ٤ى ئه‌م مانگه‌ى له‌سه‌ره‌ وه‌ڵامى وه‌زاره‌تى دارایى داوه‌ته‌وه‌ و ئاگادارى کردونه‌ته‌وه‌ له‌ کردنه‌وه‌ى ئه‌و حسابه‌ بانکییه‌ به‌ناوى حکومه‌تى هه‌رێمه‌وه‌، تا ئیستا وه‌زاره‌تى دارایى عیراق برى 450 ملیار دینارى  ره‌وانه‌ى ئه‌و حسابه‌ بانکییه‌ى حکومه‌تى هه‌رێم کردووه‌.


لۆگۆ
سەرپێچی

وتار

زۆرترین خوێندراو