به‌سه‌رپه‌رشتى به‌رێز محه‌مه‌دى جاحى مه‌حمود مه‌کته‌بى سیاسى (حسدک) کۆبۆوه‌

3/8/2018 7:47:00 PM
وێنەکان
به‌سه‌رپه‌رشتى به‌رێز محه‌مه‌دى جاحى مه‌حمود مه‌کته‌بى سیاسى (حسدک) کۆبۆوه‌
جەماوەر نیوز
جه‌ماوه‌رنیوز







کاتژمێر 10 ى پێش نیوه‌ڕۆى ئه‌مڕۆ پێنج شه‌ممه‌ 8 ى مارسى 2018 ،به‌سه‌رپه‌رشتى به‌رێز محه‌مه‌دى حاجى مه‌حمود مه‌کته‌بى سیاسى حزبى سۆسیالیست دیموکراتى کوردستان له‌هه‌ولێر کۆبۆوه‌ .

سه‌ره‌تاى کۆبونه‌وه‌که‌ به‌ساتێک وه‌ستان بۆ گیانى پاکى شه‌هیدان ده‌ستى پێکرد ،دواتر به‌رێز محه‌مه‌دى حاجى مه‌حمود پیرۆزبایى رۆژى جیهانى 8 ى مارس ئاراسته‌ى ئافره‌تانى کوردستان و رێکخراوى گه‌شه‌ پێدانى ئافره‌تانى کوردستان کرد.

دواتر به‌گرنگیه‌وه‌ باسى له‌بارودۆخى سیاسى کوردستان و عێراق و ناوچه‌که‌ کرد ،به‌تایبه‌تى ئه‌و ئاڵۆزیانه‌ى که‌له‌ماوه‌ى رابردوودا هه‌رێمى کوردستان و ناوچه‌ک به‌خۆیه‌وه‌ بینیویه‌تى ،به‌تایبه‌تى خراپى به‌ڕێوه‌چوونى په‌یوه‌ندیه‌کانى نێوان هه‌رێمى کوردستان و به‌غدا که‌کاریگه‌رى خراپى له‌سه‌ر سه‌رجه‌م کایه‌کانى ژیانى هاولاتیان له‌هه‌رێمى کوردستان دروستکردووه‌ .

له‌ته‌وه‌رێکى ترى کۆبونه‌وه‌که‌دا باس له‌گرفته‌کانى هه‌رێمى کوردستان و قه‌یرانى دارایى و په‌کخستنى پرۆسه‌ى خوێندن کرا له‌هه‌ندێک شارو شارۆچکه‌ى کوردستان ،که‌له‌ئاینده‌دا ده‌رئه‌نجام و کاریگه‌رى خراپى لێده‌که‌وێته‌وه‌ .هاوکات جه‌خت کرایه‌وه‌ له‌سه‌ر باشکردنى ژیانى هاوڵاتیان و دابین کردنى مووچه‌ى فه‌رمانبه‌ران و چاره‌سه‌رکردنى گرفته‌ سیاسیه‌کانى نێوان هه‌رێمى کوردستان و به‌غدا.

هه‌رله‌ى کۆبونه‌وه‌که‌دا گفتوگۆ سه‌باره‌ت به‌ ئاماده‌سازیه‌کان کرا بۆ لیستى حزبى سۆسیالیست دیموکراتى کوردستان به‌ژماره‌ 170 له‌ هه‌ڵبژاردنى ئه‌نجومه‌نى نوێنه‌رانى عێراق .

هه‌روه‌ها میکانیزمى گونجاو دیاریکرا بۆ زیاتر به‌ره‌و پێشبردنى ده‌زگاو ئۆرگانه‌کانى حزبى سۆسیالیست دیموکراتى کوردستان ،بۆ زیاتر خزمه‌تکردنى به‌هاوڵاتیان و جه‌ماوه‌رى کوردستان.


لۆگۆ
سەرپێچی

وتار

زۆرترین خوێندراو