سه‌رۆکایه‌تى کۆمار په‌لاماردانى تێرۆریستى له‌ که‌رکوک ئیدانه‌ ده‌کات

7/1/2018 7:37:00 PM
وێنەکان
سه‌رۆکایه‌تى کۆمار په‌لاماردانى تێرۆریستى له‌ که‌رکوک ئیدانه‌ ده‌کات
جەماوەر نیوز
جه‌ماوه‌رنیوز








سه‌رۆکایه‌تى کۆمار به‌توندیى ئه‌ودو په‌لاماره‌ تێرۆریستییه‌ى ئیدانه‌ کرد که‌ ئه‌مڕۆ یه‌ک شه‌ممه‌ کرانه‌ سه‌ر کۆگاى سندوقه‌کانى هه‌ڵبژاردن له‌ شارى که‌رکوک

نوسینگه‌ى به‌ڕێز سه‌رۆک کۆمار دکتۆر فوئاد مه‌عسوم به‌ توندیى ئه‌ودو په‌لاماره‌ تێرۆریستییه‌ى ئیدانه‌ کرد که‌ ئه‌مڕۆ یه‌ک شه‌ممه‌ کرانه‌ سه‌ر کۆگاى سندوقه‌کانى هه‌ڵبژاردن له‌ شارى که‌رکوک و له‌ ئه‌نجامدا ژماره‌یه‌ک له‌ هێزه‌ ئه‌منییه‌کان به‌رکه‌وتن که‌ ئه‌رکى پاراستنى شوێنه‌که‌یان پێ سپێردراوه‌، په‌ژاره‌یى ده‌ربڕیوه‌ بۆ قوربانیانى ئه‌م تاوانه‌ قێزه‌ونه‌.

نوسینگه‌ى سه‌رۆک کۆمار ئه‌مڕۆ یه‌ک شه‌ممه‌ 1-7-2018له‌ به‌یانێکدا رایگه‌یاندوه‌ ئه‌و تاوانه‌ قێزه‌ونه‌ که‌ مه‌رامه‌که‌ى نانه‌وه‌ى ئاژاوه‌یه‌ رق و کینه‌ى زۆرى چه‌ته‌ تێرۆریسته‌کان ئاشکرا ده‌کات له‌ دژى گه‌ل و وڵاتمان و دوربونیشیان ده‌سه‌لمێنێت له‌ ساده‌ترین پێودانگه‌ ره‌وشتییه‌کان، داواى کردوه‌ ده‌سه‌ڵاته‌ ئه‌منییه‌ په‌یوه‌ندیداره‌کان له‌وپه‌ڕى چاو کراوه‌ییدابن بۆ رێگرتن له‌ دوباره‌ بونه‌وه‌ى ئه‌م جۆره‌ په‌لاماردانه‌ تێرۆریستییانه‌ له‌ هه‌ر جێگه‌یه‌کى وڵاتمان بێت.


لۆگۆ
سەرپێچی

وتار

زۆرترین خوێندراو