ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
ئه‌نجومه‌نى وه‌زیران سیستمى نوێى دابه‌شکردنى مووچه‌ى له به‌رژوه‌ندیى مووچه‌خۆراندا په‌سه‌ند ده‌کات
3/28/2018 6:19:00 PM
جەماوەر نیوز
جه‌ماوه‌رنیوز
پێشنیوه‌ڕۆى ئه‌مڕۆ چوارشه‌ممه 28ى مارسى 2018 به سه‌رۆکایه‌تیى نێچیرڤان بارزانى سه‌رۆک وه‌زیران و به ئاماده‌بوونى به‌ڕێز قوباد تاڵه‌بانى جێگرى سه‌رۆک وه‌زیران، ئه‌نجومه‌نى وه‌زیرانى هه‌رێمى کوردستان کۆبووه‌وه.
له کۆبوونه‌وه‌که‌دا سه‌ره‌تا مه‌حموود حاجى ساڵح وه‌زیرى کاروبارى شه‌هیدان و ئه‌نفالکراوان، کورته‌یه‌کى ده‌رباره‌ى بڕیارێکى دوێنێى په‌رله‌مانى عێراق خسته ڕوو که له به‌رژه‌وه‌ندیى که‌سوکارى شه‌هیدان و ئه‌نفالکراوان و زیندانییانى سیاسیى هه‌رێمى کوردستاندایه و ئاماژه‌ى به‌وه دا ئه‌و توێژه‌ى له هه‌رێمى کوردستان له بڕیاره‌که سوودمه‌ند ده‌بێت، مینحه و ئیمتیازاتیان له‌گه‌ڵ عێراق یه‌کده‌خرێت و ده‌که‌وێته ئه‌ستۆى حکوومه‌تى فیدراڵى عێراقه‌وه وه‌ک له ده‌ستووردا هاتووه و حکوومه‌تى هه‌رێمى کوردستانیش له ساڵى 2015ـوه کارى له‌سه‌ر کردووه.
ئه‌نجومه‌نى وه‌زیران ستایشى هه‌وڵه‌کانى به‌ڕێزان وه‌زیرى کاروبارى شه‌هیدان و ئه‌نفالکراوان و د. ئامانج ڕه‌حیم سکرتێرى ئه‌نجومه‌نى وه‌زیران و تیمه‌کانیانى کرد بۆ کار و ماندووبوونیان له‌سه‌ر ئه‌م پرسه، هه‌روه‌ها سوپاسى د. حه‌یده‌ر عه‌بادى، سه‌رۆک وه‌زیرانى عێراق، په‌رله‌مانتارانى عێراق به‌گشتى و په‌رله‌مانتارانى کوردستان له په‌رله‌مانى عێراق به‌تایبه‌تى کرد که ڕۆڵیان له ده‌رچوونى ئه‌و بڕیاره‌دا هه‌بووه.
ئینجا ڕێباز حه‌ملان وه‌زیرى دارایى و ئابوورى، سیستمى نوێى مووچه‌ى ڕوون کرده‌وه و تیایدا ورده‌کاریى چۆنیه‌تیى خه‌رجکردنى مانگانه‌ى مووچه‌ى خسته ڕوو که گۆڕانگارییه‌کى گه‌وره به ئاراسته‌ى که‌مکردنه‌وه‌ى ڕێژه‌کانى پاشه‌که‌وت له‌خۆ ده‌گرێت به جۆرێک که‌سوکارى سه‌ربه‌رزى شه‌هیدان و ئه‌نفالکراوان و خانه‌نشینان و که‌مئه‌ندامان و خاوه‌ن پێداویستییه تایبه‌ته‌کان و ئه‌وانه‌یش که مووچه‌یان له (400) هه‌زار دینار که‌متره، مانگانه ته‌واوى مووچه‌کانیان به‌بێ هیچ پاشه‌که‌وت و لێبڕینێک وه‌رده‌گرن.
به‌پێى ئه‌و سیستمه نوێیه، ئه‌و مووچه‌خۆرانه‌ى له (400) هه‌زار دینار به‌ره‌و ژوور تا سێ ملیۆن دینار وه‌رده‌گرن، به‌پێى زۆر و که‌میى مووچه‌کانیان، به ڕێژه‌ى 90% تا 75%یان بۆ خه‌رج ده‌کرێت، هه‌رچى پله تایبه‌ته‌کانه، مووچه‌کانیان به‌پێى سیستمى پاشه‌که‌وتى جاران ده‌درێت و ته‌نها 25%ى مووچه‌یان بۆ خه‌رج ده‌کرێت. دواتر به‌ڕێزان د. ئاشتى هه‌ورامى، وه‌زیرى سامانه سروشتییه‌کان و ڕێباز حه‌ملان وه‌زیرى دارایى و ئابوورى، داهات و خه‌رجیى مانگانه‌ى چاوه‌ڕوانکراویان بۆ هه‌رێمى کوردستان خسته ڕوو.
ئه‌نجومه‌نى وه‌زیران دووپاتى کرده‌وه که هه‌ر زیادبوونێکى داهات ده‌بێته هۆى که‌مکردنه‌وه‌ى ڕێژه‌ى پاشه‌که‌وتى مووچه، جه‌ختى له به‌رده‌وامیى پرۆسه‌ى شه‌فافیه‌ت و چاکسازى و پابه‌ندبوون به پڕۆژه‌ى وردبینیى داهات و خه‌رجییه‌کان کرده‌وه که ئێستا له‌لایه‌ن هه‌ردوو کۆمپانیاى نێوده‌وڵه‌تیى دیلۆیت و ئیواى ـیه‌وه جێبه‌جێ ده‌کرێت.
ئه‌نجومه‌نى وه‌زیران ڕایگه‌یاند که ئامانجى ئه‌وه‌یه له هه‌نگاوه‌کانى داهاتوودا پاشه‌که‌وتى مووچه به یه‌کجاره‌کى نه‌مێنێت، بۆ ئه‌م مه‌به‌سته‌ش ده‌رکردنى یاساى چاکسازى له مووچه و خانه‌نشینى که ئێستا له په‌رله‌مانى کوردستانه، به هه‌نگاوێکى گرنگ له قه‌ڵه‌م دا.
ئه‌نجومه‌نى وه‌زیران به‌ڕێز وه‌زیرى دارایى و ئابوورى و لایه‌نه په‌یوه‌نداره‌کانى ڕاسپارد که ورده‌کاریى سیستمى نوێى مووچه و ده‌ستکاریى پاشه‌که‌وت بۆ هاووڵاتیان ڕوون بکه‌نه‌وه.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023