له‌ که‌رکوک پۆستێکى ئه‌منى له‌ کورد وه‌رگیرایه‌وه‌

06.11.2020

وێنەکان

له‌ که‌رکوک پۆستێکى ئه‌منى له‌ کورد وه‌رگیرایه‌وه‌

جەماوەر نیوز
دیار که‌رکوکى
به‌ڕێوه‌به‌رى به‌ڕێوه‌به‌رایه‌تى هه‌واڵگرى ولێکۆڵینه‌وه‌کانى که‌رکوک له‌ کورد وه‌رگیرایه‌وه‌و له‌و شوێنه‌ عه‌ره‌بێک دانرا .
سه‌رچاوه‌یه‌کى ئه‌منى له‌ شارى که‌رکوک به‌ جه‌ماوه‌رنیوزى ڕاگه‌یاند عه‌مید حه‌سه‌ن کاوه‌ که‌ به‌ڕێوه‌به‌رى به‌ڕێوه‌به‌رایه‌تى هه‌واڵگرى و لێکۆڵینه‌وه‌کانى که‌رکوک بوو له‌ پۆسته‌که‌ى لابراو و له‌ شوێنه‌که‌ى لیوا محه‌مه‌د ئیسماعیل غه‌زبان دانرا.
وتیشى ئه‌و ئه‌فسه‌ره‌ له‌ نه‌ته‌وه‌ى عه‌ره‌به‌ و خه‌ڵکى پارێزگاى نه‌جه‌فه‌ .
له‌ دواى 16ى ئه‌کتۆبه‌رى 2017وه‌ تاکو ئێستاکه‌ چه‌ندین پۆستى باڵا له كورد‌ وه‌رگیراوه‌ و دراوه‌ به‌ نه‌ته‌وه‌ عه‌ره‌ب و تورکمان و له‌ ئێستا به‌ به‌راورد له‌گه‌ڵ پێش ئه‌و ڕۆژه‌ کورد که‌مترین پۆستى له‌ شارى که‌رکوک به‌ ده‌سته‌وه‌ ماوه‌.