جەماوەر نیوز

له‌ نه‌خۆشخانه‌ی پێشمه‌رگه‌ ڕۆژانە 60 نه‌خۆش چارەسەر ده‌كرێن

12.05.2021
وێنەکان
له‌ نه‌خۆشخانه‌ی پێشمه‌رگه‌ ڕۆژانە 60 نه‌خۆش چارەسەر ده‌كرێن
جەماوەر نیوز

نەخۆشخانەی پێشمەرگە لە هەولێر، دەست بە چارەسەری پێشمەرگە نەخۆشەکان دەکات و رۆژانە 60 پێشمەرگە لە نەخۆشخانەکە چارەسەر دەکرێن.
د. دانا ئەحمەد، بەڕێوەبەری نەخۆشخانەی پێشمەرگە لە هەولێر ڕایگه‌یاند"نەخۆشخانەکە لە بەشەکانی تاقیگە، سۆنار، دەرمانخانە، هەروەها 8 پسپۆری تایبەت هەن، وەک دەمار و بڕبڕەی پشت، پزیشکی پسپۆری پێست، هەناو، پزیشکی گشتی، میزەڕۆ".
وتیشی: "ئێستا تەنها پێشمەرگەکان لەم نەخۆشخانەیە چارەسەر وەردەگرن، بەڵام لە پلانماندایە لە داهاتوودا کەسوکاری پێشمەرگەش لە نەخۆشخانەکە چارەسەر بکرێن".
بەڕێوەبەری نەخۆشخانەی پێشمەرگە لە هەولێر ئاماژەی بەوەشکرد: "لە قۆناغی سەرەتادا رۆژانە 40 تا 60 پێشمەرگە لە نەخۆشخانەکە بێ بەرامبەر و بە خزمەتگوزارییەوە چارەسەر وەردەگرن".
راشیگەیاند: "هەموو پێشمەرگەیەک دەتوانن لە نەخۆشخانەکە چارەسەر وەرگرن و جیاوازی نییە خەڵکی هەر پارێزگایەک بێت".
د. دانا، ئاشکرای کرد: "لەسەرەتا دەوامی نەخۆشخانەی پێشمەرگە لە کاتژمێر 8:30 بەیانی بۆ 4:30 ئێوارە بوو، بەڵام لە دوای جەژنەوە دەبێتە 24 کاتژمێری. لە چەند مانگی داهاتووشدا نەشتەرگەری لە نەخۆشخانەکەیان ئەنجامدەدرێت".
باسی لەوەشکرد: "حکومەتی ئەڵمانیا وەک پڕۆژەیەکی گرنگ لەو نەخۆشخانەی دەڕوانێت و بەردەوام هاوکاریمان دەکەن و بە هاوکاری وەزارەتی پێشمەرگە چاودێری نەخۆشخانەکە دەکەن بۆ دابینکردنی هەموو پێداویسییەکان".

نەخۆشخانەی پێشمەرگە، کە لەلایەن حکومەتی ئەڵمانیا دروستکراوە، لە 24/2/2019 رادەستی وەزارەتی پێشمەرگە کراوە، بەشێوەیەکی نافەرمی ماوەیەک بۆ چارەسەری تووشبووانی کۆرۆنا بەکارهێنراوە و لە 1/3/2021 بە فەرمی کراوەتەوە.


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ