پۆلیسی سلێمانی ڕاگه‌یه‌نراوێك بڵاوده‌كاته‌وه‌

13.06.2022

وێنەکان

پۆلیسی سلێمانی ڕاگه‌یه‌نراوێك بڵاوده‌كاته‌وه‌

جەماوەر نیوز

پۆلیسی سلێمانی له‌ ڕاگه‌یه‌نراوێكدا بڵاویكرده‌وه‌ ئه‌و ئه‌فسه‌ره‌ ڕاگیرا كه‌ بوبوه‌ هۆی‌ دروستكردنی‌ ئاڵۆزی له‌ناو هۆڵی‌ دادگاداو لیژنه‌ی‌ لێكۆڵینه‌وه‌ی‌ له‌سه‌ر پێكهێنرا.

ده‌قی رونكردنه‌وه‌ی پۆلیسی سلێمانی:

رونكردنه‌وه‌یه‌ك له‌به‌ڕێوه‌به‌رایه‌تی‌ پۆلیسی‌ پارێزگای‌ سلێمانییه‌وه
دوای‌ بینینی‌ گرته‌ڤیدیۆییه‌ك له‌لایه‌ن به‌ڕێز قوباد تاڵه‌بانی‌ جێگری‌ سه‌رۆكی‌ حكومه‌تی‌ هه‌رێمی‌ كوردستان كه‌ له‌تۆڕه‌كۆمه‌ڵایه‌تییه‌كان بڵاوكراوه‌ته‌وه‌ كه‌ له‌كاتی‌ دادگاییكردنی‌ تۆمه‌تبارێكدا ئاڵۆزی له‌دادگای‌ سلێمانی‌ دروستبووه‌، به‌ڕێزیان ده‌ستبه‌جێ به‌ڕێز به‌ڕێوه‌به‌ری‌ پۆلیسی‌ پارێزگای‌ سلێمانی‌ ڕاسپارد بۆ لێكۆڵینه‌وه‌ له‌ڕووداوه‌كه‌.
ڕاسته‌وخۆ به‌ڕێز به‌ڕێوه‌به‌ری‌ پۆلیسی‌ پارێزگای‌ سلێمانی‌ لیژنه‌یه‌كی‌ لێكۆڵینه‌وه‌ی‌ له‌سه‌ر ڕووداوه‌كه‌ پێكهێنا، ھەروەھا به‌فه‌رمانی‌ به‌ڕێز به‌ڕێوه‌به‌ر ئه‌و ئه‌فسه‌ره‌ ڕاگیرا كه‌ بوبوه‌ هۆی‌ دروستكردنی‌ ئاڵۆزی له‌ناو هۆڵی‌ دادگاداو لیژنه‌ی‌ لێكۆڵینه‌وه‌ی‌ له‌سه‌ر پێكهێنرا.

به‌ڕێوه‌به‌رایه‌تی پۆلیسی پارێزگای سلێمانی – ڕاگه‌یاندن و په‌یوه‌ندییه‌كان