ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
ئێران و سعوودیه په‌یوه‌ندییه دیپلۆماسییه‌کانیان ده‌ست پێده‌که‌نه‌وه
11.03.2023
جەماوەر نیوز
کۆمارى ئیسلامى ئێران و سعوودیه ڕێکه‌وتوون که تا دوو مانگى دیکه په‌یوه‌ندییه دیپلۆماسییه‌کانى نێوانیان ده‌ست پێبکه‌نه‌وه و باڵیۆزخانه و نوێنه‌رایه‌تییه‌کانیان بکه‌نه‌وه.
پاش سه‌ردانه‌که‌ى ئه‌م دواییه‌ى ڕه‌ئیسى سه‌رۆک کۆمارى ئیسلامى ئێران بۆ په‌کین، عه‌لى شه‌مخانى ڕاوێژکارى ئاسایشى نیشتمانى ئێران له ڕۆژى دووشه‌ممه 6 ى ئازارى 2023 له پایته‌ختى چین و به ئامانجى به‌دواداچوون بۆ ڕێکه‌وتنه‌کانى سه‌ردانه‌که‌ى سه‌رۆک کۆمار، دانوستانێکى چڕى بۆ چاره‌سه‌رکردنى بابه‌ته په‌یوه‌ندیداره‌کان له نێوان تاران و ڕیاز له گه‌ڵ هاوتا سعوودییه‌که‌ى ده‌ستپێکرد.
له کۆتایى دانوستانه‌کان، ئه‌مڕۆ 10 ى ئازارى 2023 به‌یاننامه‌یه‌کى سێقۆڵى له په‌کین به واژۆى عه‌لى شه‌مخانى ڕاوێژکارى ئاسایشى نیشتمانى ئێران، موساعد بن محه‌ممه‌د عیبان ڕاوێژکارى ئاسایشى نیشتمانى سعوودیه و وانگ یى سه‌رۆکى لێژنه‌ى په‌یوه‌ندییه‌کانى ده‌ره‌وه و ئه‌ندامى ئه‌نجومه‌نى حکومى کۆمارى چین بڵاو کرایه‌وه.
له‌و به‌یاننامه‌یه‌دا هاتووه: له وه‌ڵامى ده‌ستپێشخه‌رییه‌که‌ى به‌ڕێز شى جین پینگ سه‌رۆک کۆمارى چین بۆ پاڵپشتیکردنى په‌یوه‌ندییه‌کانى کۆمارى ئیسلامى ئێران و پاشایه‌تى سعوودیه، به پێى خواستى هه‌ر دوو وڵات بۆ چاره‌سه‌رکردنى کێشه و ناکۆکییه‌کان، شانده‌کانى کۆمارى ئیسلامى ئێران به سه‌رۆکایه‌تى عه‌لى شه‌مخانى و پاشایه‌تى سعوودیه به سه‌رۆکایه‌تى موساعد بن محه‌ممه‌د عیبان له به‌روارى 6 تا 10 ى ئازار له په‌کین کۆبوونه‌وه و وتووێژیان کرد.
له درێژه‌ى به‌یاننامه‌که‌دا هاتووه: کۆمارى ئیسلامى ئێران و پاشایه‌تى سعوودیه وێڕاى قه‌درزانى و پێزانین به‌رامبه‌ر به هه‌وڵه‌کانى عومان و عێراق و نێوه‌ندگێڕى نێوان تاران و ڕیاز، ده‌ستخۆشى له هه‌وڵه‌کانى کۆمارى چین بۆ به‌ڕێوه‌چوونى وتووێژه‌کان له‌م وڵاته ده‌که‌ن.
به‌یاننامه‌که ڕایگه‌یاندووه که هه‌ر دوو وڵاتى ئێران و سعوودیه له سه‌ر ئه‌وه ڕێکه‌وتوون که تا دوو مانگى داهاتوو په‌یوه‌ندییه‌کانیان ئاسایى بکه‌نه‌وه و باڵیۆزخانه‌کان و نوێنه‌رایه‌تییه‌کانى خۆیان له هه‌ر دوو وڵات بکه‌نه‌وه.
به‌یاننامه هاوبه‌شه‌که‌ى ئێران، سعوودیه و چین ڕایگه‌یاندووه که وه‌زیرانى ده‌ره‌وه‌ى ئێران و سعوودیه بۆ جێبه‌جێکردنى ئه‌م ڕێکه‌وتنه و دابینکردنى به‌ستێنى ئاڵوگۆڕى باڵیۆزه‌کان کۆده‌بنه‌وه.
له‌و به‌یاننامه‌یه‌دا هاتووه که هه‌ر دوو وڵات به جه‌ختکردنه‌وه له ڕێزگرتن و سه‌روه‌رى و نه‌بوونى ده‌ستێوه‌ردان له کاروبارى ناوخۆیى یه‌کتر له سه‌ر جێبه‌جێکردنى ڕێکه‌وتنى هاوکارییه ئه‌منییه واژۆکراوه‌که‌ى ساڵى 2001 و هه‌روه‌ها ڕێکه‌وتنى هاوکارییه گشتییه‌کانى ساڵى 1998 ڕێکه‌وتوون.
هه‌ر سێ وڵاتى ئێران، سعوودیه و چین ئیراده‌ى خۆیان له پێناو وه‌گه‌ڕخستنى هه‌وڵه‌کان بۆ پته‌وکردنى ئاشتى و ئاسایشى ناوچه‌یى و نێوده‌وڵه‌تى به‌کار دێنن.
جام کوردى
کۆمارى ئیسلامى ئێران و سعوودیه ڕێکه‌وتوون که تا دوو مانگى دیکه په‌یوه‌ندییه دیپلۆماسییه‌کانى نێوانیان ده‌ست پێبکه‌نه‌وه و باڵیۆزخانه و نوێنه‌رایه‌تییه‌کانیان بکه‌نه‌وه.
پاش سه‌ردانه‌که‌ى ئه‌م دواییه‌ى ڕه‌ئیسى سه‌رۆک کۆمارى ئیسلامى ئێران بۆ په‌کین، عه‌لى شه‌مخانى ڕاوێژکارى ئاسایشى نیشتمانى ئێران له ڕۆژى دووشه‌ممه 6 ى ئازارى 2023 له پایته‌ختى چین و به ئامانجى به‌دواداچوون بۆ ڕێکه‌وتنه‌کانى سه‌ردانه‌که‌ى سه‌رۆک کۆمار، دانوستانێکى چڕى بۆ چاره‌سه‌رکردنى بابه‌ته په‌یوه‌ندیداره‌کان له نێوان تاران و ڕیاز له گه‌ڵ هاوتا سعوودییه‌که‌ى ده‌ستپێکرد.
له کۆتایى دانوستانه‌کان، ئه‌مڕۆ 10 ى ئازارى 2023 به‌یاننامه‌یه‌کى سێقۆڵى له په‌کین به واژۆى عه‌لى شه‌مخانى ڕاوێژکارى ئاسایشى نیشتمانى ئێران، موساعد بن محه‌ممه‌د عیبان ڕاوێژکارى ئاسایشى نیشتمانى سعوودیه و وانگ یى سه‌رۆکى لێژنه‌ى په‌یوه‌ندییه‌کانى ده‌ره‌وه و ئه‌ندامى ئه‌نجومه‌نى حکومى کۆمارى چین بڵاو کرایه‌وه.
له‌و به‌یاننامه‌یه‌دا هاتووه: له وه‌ڵامى ده‌ستپێشخه‌رییه‌که‌ى به‌ڕێز شى جین پینگ سه‌رۆک کۆمارى چین بۆ پاڵپشتیکردنى په‌یوه‌ندییه‌کانى کۆمارى ئیسلامى ئێران و پاشایه‌تى سعوودیه، به پێى خواستى هه‌ر دوو وڵات بۆ چاره‌سه‌رکردنى کێشه و ناکۆکییه‌کان، شانده‌کانى کۆمارى ئیسلامى ئێران به سه‌رۆکایه‌تى عه‌لى شه‌مخانى و پاشایه‌تى سعوودیه به سه‌رۆکایه‌تى موساعد بن محه‌ممه‌د عیبان له به‌روارى 6 تا 10 ى ئازار له په‌کین کۆبوونه‌وه و وتووێژیان کرد.
له درێژه‌ى به‌یاننامه‌که‌دا هاتووه: کۆمارى ئیسلامى ئێران و پاشایه‌تى سعوودیه وێڕاى قه‌درزانى و پێزانین به‌رامبه‌ر به هه‌وڵه‌کانى عومان و عێراق و نێوه‌ندگێڕى نێوان تاران و ڕیاز، ده‌ستخۆشى له هه‌وڵه‌کانى کۆمارى چین بۆ به‌ڕێوه‌چوونى وتووێژه‌کان له‌م وڵاته ده‌که‌ن.
به‌یاننامه‌که ڕایگه‌یاندووه که هه‌ر دوو وڵاتى ئێران و سعوودیه له سه‌ر ئه‌وه ڕێکه‌وتوون که تا دوو مانگى داهاتوو په‌یوه‌ندییه‌کانیان ئاسایى بکه‌نه‌وه و باڵیۆزخانه‌کان و نوێنه‌رایه‌تییه‌کانى خۆیان له هه‌ر دوو وڵات بکه‌نه‌وه.
به‌یاننامه هاوبه‌شه‌که‌ى ئێران، سعوودیه و چین ڕایگه‌یاندووه که وه‌زیرانى ده‌ره‌وه‌ى ئێران و سعوودیه بۆ جێبه‌جێکردنى ئه‌م ڕێکه‌وتنه و دابینکردنى به‌ستێنى ئاڵوگۆڕى باڵیۆزه‌کان کۆده‌بنه‌وه.
له‌و به‌یاننامه‌یه‌دا هاتووه که هه‌ر دوو وڵات به جه‌ختکردنه‌وه له ڕێزگرتن و سه‌روه‌رى و نه‌بوونى ده‌ستێوه‌ردان له کاروبارى ناوخۆیى یه‌کتر له سه‌ر جێبه‌جێکردنى ڕێکه‌وتنى هاوکارییه ئه‌منییه واژۆکراوه‌که‌ى ساڵى 2001 و هه‌روه‌ها ڕێکه‌وتنى هاوکارییه گشتییه‌کانى ساڵى 1998 ڕێکه‌وتوون.
هه‌ر سێ وڵاتى ئێران، سعوودیه و چین ئیراده‌ى خۆیان له پێناو وه‌گه‌ڕخستنى هه‌وڵه‌کان بۆ پته‌وکردنى ئاشتى و ئاسایشى ناوچه‌یى و نێوده‌وڵه‌تى به‌کار دێنن.
جام کوردى
بابەتی هاوشێوە
-
لە قەزای شارەزوور بەڕێز محەمەد حاجی مەحمود بە ئامادەبونی ژمارەیەک لە ئەندامانی مەکتەبی سیاسی و ئەنجومەنی سەرکردایەتی سەردانی مەڵبەندی شارەزووری پارتی سۆسیال دیموکراتی کوردستانی کرد
-
محەمەد حاجی مەحمود تاجە گوڵینەی ڕێز و وەفای لەسەر مەزاری شەهیدانی کیمیابارانی هەڵەبجە دانا
-
پەیامی محەمەدی حاجی محمود لەساڵیادی مەرگەساتی هەڵەبجە
-
بەناوی خوای گەورە و میهرەبان هاتنەوەی مانگی پیرۆزی ڕەمەزان، لە موسوڵمانانی جیهان بەگشتی و جەماوەری کوردستان بەتایبەتی پیرۆز دەکەم. نزا لە خوای گەورە دەکەم، ڕۆژو و پەرستشی ھەموولایەک قبوڵ بکات و هاتنەوەی ئەم مانگە پیرۆزە بکاتە مایەی خێر و خۆشی و بە
-
پارتی سۆسیال دیموکراتی کوردستان و یەکێتی نیشتمانی کوردستان کۆبوونەوە
-
خەڵاتی رێزلێنان بەخشرایە خاتونی تێکۆشەر خاتوگەردە رۆستەم دایکی شەهید سەرکردەعەتا محەمەدحاجی مەحمود
وتار
-
ڕهوشى ڕۆژنامهنوسى کوردى یان جیهانی
07.02.2024 -
رهگهز گۆڕین کارێکى قێزهوهن و شوورهییه
29.01.2024 -
سوکایهتى و بێڕێزى لهپاى چی؟
10.01.2024
زۆرترین خوێندراو
- ڕۆژ
- هەفتە
- مانگ