ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
حکومه‌تى هه‌رێم وه‌ڵامى راپۆرتى وه‌زاره‌تى ده‌ره‌وه‌ى ئه‌مریکا ده‌داته‌وه
20.05.2019
جەماوەر نیوز
رۆژى 13ى ئادارى 2019 وه‌زاره‌تى ده‌ره‌وه‌ى ئه‌مریکا راپۆرتى ساڵانه‌ى خۆى سه‌باره‌ت به ره‌وشى مافه‌کانى مرۆڤ له جیهان بۆ ساڵى ٢٠١٩ بڵاوکرده‌وه. به‌شێکى راپۆرته‌که ته‌رخانکراوه به عێراق و هه‌رێمى کوردستان و تێیدا وه‌زاره‌تى ده‌ره‌وه‌ى ئه‌مریکا ره‌خنه له حکومه‌تى هه‌رێم ده‌گرێت به‌وه‌ى له ساڵى 2018دا پێشێلکارى دژ به مافه‌کانى مرۆڤ ئه‌نجامداوه. له‌م راپۆرته‌ى وه‌زاره‌تى ده‌ره‌وه‌ى ئه‌مریکا وه‌ک پێشتر له‌رووى داڕشتنى راپۆرته‌که‌یان هه‌میشه هه‌وڵدراوه پێگه و کرداره‌کانى حکومه‌تى هه‌رێم تێکه‌ڵ به حکومه‌تى فیدراڵ بکرێت و هیچ تایبه‌تمه‌ندیه‌ک به قه‌واره‌ى سیاسى هه‌رێمى کوردستان وه‌ک ده‌سه‌ڵاتێکى جوگرافى له ناوچه‌که نادات. نوسینگه‌ى رێکخه‌رى راسپارده نێوده‌وڵه‌تییه‌کان له حکومه‌تى هه‌رێم له‌سه‌ر راپۆرتى وه‌زاره‌تى ده‌ره‌وه‌ى ئه‌مریکا سه‌باره‌ت به ره‌وشه‌کانى مافى مرۆڤ بۆ ساڵى ٢٠١٨ پرێس کۆنفڕانسێکى رێکخست.
د. دیندار زێباری، رێکخه‌رى راسپارده نێوده‌وڵه‌تیه‌کان له حکومه‌تى هه‌رێم رایگه‌یاند "ئاراسته‌کردن و ساغکردنه‌وه‌ى تۆمه‌ت له‌سه‌ر هه‌رێم به‌بێ بوونى سه‌رچاوه‌یه‌کى باوه‌ڕپێکراو پێشینه‌ى هه‌ڵسه‌نگاندنى وه‌زاره‌تى ده‌ره‌وه‌ى ئه‌مریکا و زۆرێک له رێکخراوه نێوده‌وڵه‌تییه‌کانه، به‌بێ ئه‌وه‌ى دڵنیابن له هه‌نگاو و کرداره‌کانى حکومه‌تى هه‌رێم چه‌ندین تۆمه‌ت ده‌ده‌نه پاڵ حکومه‌تى هه‌رێم و ده‌زگا ئه‌منییه‌کان. هه‌روه‌ها زۆرینه‌ى ئه‌و زانیارییانه‌ى که له‌م راپۆرته‌ى وه‌زاره‌تى ده‌ره‌وه‌ى ئه‌مریکا ئاماژه‌یان پێکراوه له‌لایه‌ن خۆیانه‌وه پشتڕاست نه‌کراونه‌ته‌وه به‌ڵکو به پشت به‌ستن به سه‌رچاوه‌کانى دیکه‌ى ناوخۆیى و نێوده‌وڵه‌تى نوسراوه".
د.دیندار زێبارى ده‌ڵێت "بۆ که‌مایه‌تییه ئایینى و مه‌زهه‌بى و ئیتنییه‌کان، هه‌رێمى کوردستان تاکه شوێنه له سه‌رتاپاى عێراق که تیایدا هه‌مووان هه‌ست به ئاسووده‌یى ده‌که‌ن و ته‌نانه‌ت یه‌ک که‌یسیش نییه که له هه‌رێمى کوردستاندا له سه‌ر جیاوازى نه‌ته‌وه‌یى رووبه‌ڕووى کێشه بوبێته‌وه، چونکه حکومه‌تى هه‌رێم به‌رده‌وام پشتگیرى له پێکه‌وه‌ژیانى ئایینى و نه‌ته‌وه‌یى ده‌کات که‌چى راپۆرتى وه‌زاره‌تى ده‌ره‌وه له رووى ئازادى و پاراستنى که‌مینه‌کان تا راده‌یه‌کى زۆر ره‌خنه‌ى ئاراسته‌ى هه‌رێم کردووه به‌بێ ئه‌وه‌ى ئاماژه به سیاسه‌ت، ستراتیجیه‌ت و هه‌وڵه‌کانى هه‌رێم بکات له‌رووى پراکتیکییه‌وه".
زێبارى راشیگه‌یاند "ره‌شنووسى ده‌ستوورى هه‌رێمى کوردستان به روونى مافى پێکهاته‌کانى تێدا پارێزراوه له ره‌شنووسى ده‌ستوورى هه‌رێمدا مافى پێکهاته‌کان به روونى ره‌نگى داوه‌ته‌وه وه‌ک له مادده‌ى (٦)ى ڕه‌شنوسى ده‌ستورى هه‌رێمى کوردستان هاتووه، گه‌لى هه‌رێمى کوردستان پێکهاتووه له کورد، تورکمان، عه‌ره‌ب، کلدان، سریان، ئاشورى، ئه‌رمه‌ن و هاوڵاتیانى دیکه‌ى هه‌رێمى کوردستان، واته په‌یڕه‌وانى ئایینه‌کانى دیکه، وه‌ک که‌مایه‌تى سه‌یر نه‌کراون، به‌ڵکو به پێکهاته‌ى کۆمه‌ڵگاى کوردستانى دانراون، هه‌روه‌ها له مادده‌ى (٧)ى ره‌شنووسه‌که‌دا هاتووه: ئه‌م ده‌ستووره دووپات ده‌کاته‌وه که ئیسلام ناسنامه‌ى راسته‌قینه‌ى زۆرینه‌ى گه‌لى کوردستانه و پره‌نسیپه‌کانى شه‌ریعه‌تى ئیسلام یه‌کێکن له سه‌رچاوه سه‌ره‌کییه‌کانى بڕیاردان، هه‌روه‌ها مافى ئایینى کریستیان و ئێزیدییه‌کان و ئه‌وانى تر زامن ده‌کات له ئازادى بیروباوه‌ێ و ئه‌نجامدانى چالاکییه ئایینییه‌کان".
رێکخه‌رى راسپارده نێوده‌وڵه‌تیه‌کان له حکومه‌تى هه‌رێم سه‌باره‌ت کرده‌وه تیرۆریستییه‌که‌ى سه‌ر پارێزگاى هه‌ولێر که راپۆرته‌که‌ى وه‌زاره‌تى ده‌ره‌وه‌ى ئه‌مریکا وه‌ک کارێکى ره‌گه‌ز په‌ره‌ستیانه و توندئاژۆییانه باسى لێوه کردووه ده‌ڵێت "له ماوه‌ى ساڵانى رابردوودا چه‌ند جارێک تیرۆریستان کرده‌وه‌ى خۆکوژییان له هه‌ولێر و شاره‌کانى دیکه‌ى کوردستان ئه‌نجامداوه و له کۆى ئه‌و کرده‌وانه به‌شى هه‌ره زۆرى قوربانییه‌کان کوردى موسڵمان بوون و ئامانج ته‌نها تێکدانى ره‌وشى ئارامى و سه‌قامگیرى کوردستان و بڵاوکردنه‌وه‌ى ترس و دڵه‌ڕاوکێ بووه له ناو هاووڵاتیان. هه‌ر بۆیه دووپاتى ده‌که‌ینه‌وه که کوژرانى ئه‌و فه‌رمانبه‌ره کریستیانه له باڵاخانه‌ى پارێزگاى هه‌ولێر به هیچ شێوه‌یه‌ک په‌یوه‌ندى به ئایینیه‌وه نه‌بووه".
به‌شێکى دیکه‌ى راپۆرته‌که‌ى وه‌زاره‌تى ده‌ره‌وه‌ى ئه‌مریکا تایبه‌ت کراوه به دۆخى ئاواره و په‌نابه‌ران و بازرگانیکردن به مرۆڤه‌وه، له‌م باره‌وه رێکخه‌رى راسپارده‌نێوده‌وڵه‌تییه‌کان ده‌ڵێت "ئه‌وه‌ى شایه‌نى باسه ئه‌وه‌یه که‌مپه‌کان له‌لایه‌ن پۆلیس و ئاسایش پارێزراون و تا ئیستا هیچ مه‌ترسیه‌ک له‌سه‌ر ژیانى ئاواره‌کان نییه. سه‌باره‌ت به شێوازى مامه‌ڵه کردنى هێزه‌کانى پێشمه‌رگه‌ش له‌گه‌ڵ ئاواره و په‌نابه‌ران و که‌مایه‌تییه ئاینییه‌کان پێویسته ئاماژه به‌وه بکرێت که له ناوچه‌کانى ژێر کۆنترۆڵى پێشمه‌رگه هیچ مامه‌ڵه‌ى خراپیان له‌گه‌ڵ نه‌کراوه و به هیچ شێوه‌یه‌ک ماڵ وخانووى که‌س نه‌رووخێندراوه و تاڵان نه‌کراوه. هه‌روه‌ها داوا له ئێزیدییه‌کان نه کراوه که وه‌کو کورد خۆیان بناسێنن و هیچکات ناچار نه‌کراون به زۆر پشتگیرى له حکومه‌تى هه‌رێمى کوردستان بکه‌ن".
هه‌روه‌ها " سه‌باره‌ت به ئه‌وئاواره و په‌نابه‌رانه‌ى روویان له هه‌رێمى کوردستان کردووه مه‌ترسى ئه‌وه‌یان له‌سه‌ره که کارى له‌شفرۆشیان پێبکرێت ده‌توانین بڵێین، تاکو ئێستا ده‌زگاى داواکارى گشتى له‌م حاڵه‌ته‌دا ئاگادار نه‌کراوه‌ته‌وه، به‌ڵام قسه هه‌یه له‌و باره‌یه‌وه ده‌کرێت که گوایه هه‌ندێ ڕێکخراوى نێوه‌ده‌وڵه‌تى استغلالى ئه‌مه ده‌که‌ن. هه‌ر بۆیه ده‌زگاى داواکارى گشتى ژماره‌ى ته‌له‌فۆنى داوه‌ته ڕێکخراوه ناوخۆییه‌کان و خێرخوازییه‌کان که ئاگاداریان بکه‌نه‌وه له‌هه‌ر حاڵه‌تێکى وه‌هادا بۆ ئه‌وه‌ى به کارى خۆیان هه‌ڵبستن ئه‌ویش تحریکى دعوى دژى سه‌رپێچى کارانى ئه‌م تاوانه، به‌ڵام تا ئێستا هیچ حاڵه‌تێکى وه‌ها لاى ئه‌وان تۆمار نه‌کراوه".
زێبارى گوتیشى "سواڵکردنى منداڵان به پێى یاساى چاودێرى نه‌وجه‌وانان ژماره ٧٦ى ساڵى ١٩٨٣ى هه‌موارکراو، به‌تاوان هه‌ژمارده‌کرێت، بۆیه هه‌ر منداڵێک ئه‌و کاره‌ى پێ بکرێت به پێ ى یاسا تووشى اجرا‌واتى قانونى ده‌بێت له‌گه‌ڵ ئه‌و که‌س و لایه‌نه‌ش که هانى ئه‌و منداڵه‌ى داوه.ئه‌مه‌ش ئه‌رکى به‌دواداچوون که‌وتۆته سه‌ر داواکارى گشتى ده‌بێت به‌رده‌وام متابعه‌ى بکات و له‌گه‌ڵ قائمقامیه‌ت کار بکه‌ن بۆ نه‌هێشتنى ئه‌م دیارده‌یه".
رێکخه‌رى راسپارده نێوده‌وڵه‌تییه‌کانى حکومه‌تى هه‌رێم جه‌ختى له‌سه‌ر ئه‌وه کرده‌وه که "هێزه ئاسایش پارێزه‌‌کانى هه‌رێمى کوردستان به بڕیارى په‌رله‌مانى کوردستان له ساڵى 2004 و 2011دا کاروباره‌‌کانیان به پێى یاسا ڕێکخراوه، له‌به‌ر ئه‌وه ئه‌م ده‌‌زگایانه به شێوهیهکى شه‌رعى به‌شێکن له پێکهاته فه‌رمیه‌کانى هه‌رێمى کوردستان و کار بۆ پاراستنى هه‌رێمى کوردستان و هاووڵاتیانى هه‌رێمه‌که ده‌که‌ن له هه‌ڕه‌شه‌کان. هه‌روه‌ها سه‌باره‌ت به هێزه‌کانى یه‌که‌ى ٧٠ و ٨٠ ده‌بێت بگوترێت که فه‌رمانده‌ى یه‌که‌ى ٧٠ و فه‌رمانده‌ى یه‌که‌ى ٨٠ ئه‌ندامن له ئه‌نجومه‌نى باڵاى وه‌زاره‌تى پێشمه‌رگه و پله به‌رز کردنه‌وه‌یان له‌ڕێگه‌ى وه‌زاره‌تى پێشمه‌رگه‌وه ده‌بێت. ئه‌م هێزانه له شه‌ڕى دژ به داعشدا رۆڵێکى گرینگیان گێڕاو و هه‌ماهه‌نگییه‌کى زۆر باش هه‌بوو له‌نێوان وه‌زاره‌تى پێشمه‌رگه و هێزه‌کانى ٧٠ و ٨٠. له پلانى ریفۆرمى پێشمه‌رگه پرۆژه‌یه‌کى تایبه‌ت هه‌یه بۆ رێکخستنه‌وه و یه‌کخستنه‌وه‌ى یه‌که‌ى ٧٠و ٨٠ به شێوه‌یه‌ک که دامه‌زراندن، لۆجستی، مه‌شق و هه‌موو کاروبارى ئیدارى له‌ژێر چه‌ترى وه‌زاره‌تى پێشمه‌رگه‌دا بێت".
سه‌باره‌ت به خۆپیشاندان، ئازادى رۆژنامه‌گه‌رى و ئازادى راده‌ربڕین که به‌رده‌وام له راپۆرته‌کانى وه‌زاره‌تى ده‌ره‌وه‌ى ئه‌مریکا و رێکخراوه نێوده‌وڵه‌تییه‌کان جه‌ختیان له‌سه‌ر ده‌کرێته‌وه ده‌توانین بڵێین "له هه‌رێمى کوردستاندا ئازادى رۆژنامه‌گه‌ری، راگه‌یاندن و راده‌ربڕین به پێى یاسا رێکخراوه، بۆیه به سه‌دان ڕۆژنامه، گۆڤار، رادیۆ و ته‌له‌فزیۆن هه‌ن له هه‌رێمى کوردستان که به‌پێى رێوشوێنى تایبه‌ت مۆڵه‌تى کارکردنیان پێدراوه و مافى ڕۆژنامه‌نووس و میدیاکاران به پێى یاسا پارێزراوه. سه‌ره‌ڕاى ئه‌وه‌ش هه‌رکاتێک رۆژنامه‌نووس یان ده‌زگایه‌کى میدیایى یاسا پێشێل بکات ئه‌وا به‌پێى یاساى ڕۆژنامه‌نووسى ژماره (35)ى ساڵى (2007) تایبه‌ت به کارى رۆژنامه‌وانى مامه‌ڵه‌ى له‌گه‌ڵ ده‌کرێت به‌ڵام هیچ رۆژنامه‌نووسێک ده‌ستگیر ناکرێت به‌بێ بڕیارى دادگا و ره‌زامه‌ندى سه‌ندیکاى رۆژنامه‌نووسانى کوردستان".
هه‌روه‌ها "به سوود وه‌رگرتن له یاساى خۆپیشاندان و ئه‌و ئازادییه‌ى بۆ هاووڵاتیانى هه‌رێمى کوردستان له‌م یاسایه‌دا دیاریکراوه ته‌نیا له ماوه‌ى ساڵانى رابردوو به ده‌یان خۆپیشاندانى جیاجیا له شارى هه‌ولێر له‌لایه‌ن قوتابیان، خوێندکاران، ماموستایان ، ڕۆژنامه‌نووسان، به‌ڵێنده‌ران و چین و توێژه جیاجیاکانى کۆمه‌ڵگا که داواى مافى ره‌واى خۆیان کردووه ئه‌نجامدراوه و له هیچ یه‌کێک له خۆپیشاندانه‌کان توند و تیژى لێنه‌که‌وتۆته‌وه و ده‌زگا په‌یوه‌ندیداره‌کانى حکومه‌ت ئه‌رکى پاراستنى خۆپیشاندانه‌کانیان ئه‌نجامداوه. "له‌م خۆپیشاندانانه‌ى ئه‌م دواییه‌ى هه‌رێم هیچ ده‌زگایه‌کى راگه‌یاندن سکاڵاى دژى لایه‌نه ئه‌منییه‌کان به‌رز نه‌کردۆته‌وه که تێیدا به ئه‌نجامدانى توندوتیژى تۆمه‌تباریان بکات و هه‌ر کاتێک ده‌زگایه‌کى راگه‌یاندن سکاڵایه‌کى هه‌بێت دژى لایه‌نه ئه‌منییه‌کان ئه‌وا ده‌زگا په‌یوه‌ندیداره‌کان رێوشوێنى یاسایى پێویست ده‌گرنه به‌ر دژى ئه‌و که‌سانه که پێشێلکاریان ئه‌نجامداوه".
"له‌سه‌ر بابه‌تى ده‌ستگیرکردنى هه‌ڕه‌مه‌کى راپۆرته‌که‌ى وه‌زاره‌تى ده‌ره‌وه ره‌خنه ئاراسته‌ى هه‌رێم ده‌کات که جیاوازى ده‌کات له شێوازى مامه‌ڵه‌کردن له‌گه‌ڵ پێکهاته‌کان و رێوشوێنه‌کان، لێره‌دا چه‌ند که‌یسێکى وه‌ک نموونه هێناوه‌ته‌وه له ناویاندا که‌یسى نیاز عه‌زیز، به‌بێ ئه‌وه‌ى هاوسه‌نگى بپارێزن به‌تایبه‌تى له‌رووى زانارییه‌کانى حکومه‌ت و ئاماژه پێنه‌کردنیان. له وه‌ڵامى ئه‌م تۆمه‌ته‌دا ئه‌وه‌مان دووپات کردووه‌ته‌وه هه‌ر که‌سێک حکومه‌ت ده‌ستگیرى بکات به بێ بنه‌ما و به‌بێ فه‌رمانى دادگا ده‌ستگیرى ناکه‌ین هه‌موو ئه‌و که‌سانه دواى وه‌رگرتنى ڕه‌زامه‌ندى دادگا ده‌ستگیرده‌کرێن و ئه‌مه‌ش هیچ په‌یوه‌ندى به‌وه نییه که کوردن یا عه‌ره‌ب، هه‌رکه‌سێک داواکراوبێت ئه‌گه‌ر کوردبێت یان عه‌ره‌ب ده‌ستگیر ده‌کرێت ئه‌مه‌ش له‌پێناو پاراستنى ئاسایشى ناوچه‌که‌یه بۆ ئه‌وه‌ى رێگه نه‌درێت که ئه‌و که‌سانه‌ى سه‌ر به داعشن بێنه ناوچه‌که‌وه و ره‌وشى ئه‌منى ناوچه‌که بشێوێنن. نیاز عه‌زیز به‌پێى مادده‌ى یه‌که‌م له یاساى ژماره (21)ى په‌رله‌مانى کوردستان له ساڵى 2003 و له جیاتى مادده هاوبه‌شه‌کانى (47،48،49) له یاساى سزادانى عێراقى هه‌موارکراو له یاساى سزادانى له که‌یسى لێکۆڵینه‌وه که له به‌ڕێوه‌به‌رایه‌تى نه‌هێشتنى تیرۆر ده‌ستگیرکراوه واته به شێوهیهکى هه‌ڕه‌مه‌کى ده‌ستگیر نه‌کراوه دواتر پاش ته‌واوکردنى سزاکه‌ى له ١٧/8/٢٠١٧ ئازادکراوه".
سه‌باره‌ت به پرۆسه‌ى گه‌نده‌ڵى رێکخه‌رى ڕاسپارده نێوده‌وله‌تیه‌کان رایگه‌یاند "حکومه‌تى هه‌رێمى کوردستان له هه‌وڵ و کۆششه‌کانیاندا به‌رده‌وامه له رووبه‌ڕوو بوونه‌وه‌ى گه‌نده‌ڵى، دیاره گه‌نده‌ڵیش بووه به‌دیارده‌یه‌ک له‌سه‌ر ئاستى نێوده‌وڵه‌تى و رووبه‌ڕوو بوونه‌وه‌ى گه‌نده‌ڵیش پڕۆسه‌یه‌کى به‌رده‌وامه و حکومه‌تى هه‌رێمى کوردستان به‌رده‌وام ده‌بێت له هه‌وڵه‌کانى بۆ نه‌هێشتنى ئه‌م دیاریده‌یه و راده‌ستکردنى گه‌نده‌ڵکاران به دادگا. له‌م رووه‌وه سه‌رۆکایه‌تى هه‌رێمى کوردستان رۆژى له 10/ 2/ 2016 به فه‌رمانى به‌ڕێز سه‌رۆکى هه‌رێم بڕیارى ده‌رکرد بۆ خێرا ئه‌نجامدانى چاکسازیى له حکوومه‌تى هه‌رێمى کوردستان و داموده‌زگا په‌یوه‌ندیداره‌کانى هه‌رێم. ئامارى بڕیاره‌کانى دادوه‌رى ده‌ستگیرکردن و ئاماده‌کردن فه‌رمانگه‌ى لێکۆڵینه‌وه‌کان بۆ ساڵى 2018 به‌م شێوه‌یه بووه، بڕیارى ئاماده‌بوون ١٤٠، بڕیارى ده‌ستگیرکردن ٥٤ بڕیار و کۆى گشتى بڕیاره‌کان ١٩٤ بڕیار بوونه. ئه‌م ده‌سته‌یه له ساڵى ٢٠١٨ به نووسراو به‌دواداچوونیان بۆ ١٣ که‌یس کردووه و ده‌رخستنى راستییه‌کان له‌لایه‌ن ئه‌م ده‌سته‌یه‌وه ٣٥ که‌یس بووه".
هه‌روه‌ها " وه‌ک له راپۆرتى ده‌سته‌ى نه‌زاهه‌دا هاتووه بڕى پاره‌ى گه‌ڕێندراوه له فه‌رمانگه‌ى لێکۆڵینه‌وه‌کان له ١/١/٢٠١٨ تاوه‌کو ٢٥/١٢/٢٠١٨ به‌م شێوه‌یه بووه، به‌هاى گه‌نده‌ڵى خه‌مڵێنراو 275،720،819،252 دینار، بڕى پاره‌ى ده‌ستبه‌سه‌ردا گیراو 17،045،000 دینار، به‌هاى گه‌ڕێندراوه 5،381،082،500 دینار".
له کۆتایى لێدوانه‌که‌یدا رێکخه‌رى راسپارده نێوده‌وڵه‌تییه‌کان رایگه‌یاند "ئه‌وه‌ى ده‌گوترێت هێزه‌کانى ئاسایش و پێشمه‌رگه ئه‌شکه‌نجه‌ى خه‌ڵک ده‌که‌ن، مامه‌ڵه‌ى نامرۆڤانه‌یان له‌گه‌ڵ ئه‌نجام ده‌ده‌ن و سوکایه‌تیان پێده‌که‌ن و سزایان ده‌ده‌ن دووره له راستییه‌وه به‌ڵکو به باشترین شێوه مامه‌ڵه‌ى مرۆڤانه‌یان له‌گه‌ڵ ده‌کرێت، هیچ که‌س و لایه‌نێک تاوه‌کو ئێستا گله‌یى و ڕه‌خنه‌ى ئه‌مه‌ى نه‌بووه چ لاى ده‌زگاى داواکارى گشتى چ وه‌ک دادگاکان. هه‌روه‌ها نوێنه‌رى ده‌زگاى داواکارى گشتى له دادگاى لێکۆڵینه‌وه‌ى ئاسایش و ده‌زگا ئه‌منیه‌کان هه‌یه و تا ئێستا هیچ حاله‌تێکتۆمار نه‌کراوه که ئاسایش ره‌تیبکاته‌وه به‌ندکراوێکى لابێت له‌به‌ر ئه‌وه‌ى رێگا نه‌ده‌ن رێکخراوه‌کان چاویان پێى بکه‌وێت".
رۆژى 13ى ئادارى 2019 وه‌زاره‌تى ده‌ره‌وه‌ى ئه‌مریکا راپۆرتى ساڵانه‌ى خۆى سه‌باره‌ت به ره‌وشى مافه‌کانى مرۆڤ له جیهان بۆ ساڵى ٢٠١٩ بڵاوکرده‌وه. به‌شێکى راپۆرته‌که ته‌رخانکراوه به عێراق و هه‌رێمى کوردستان و تێیدا وه‌زاره‌تى ده‌ره‌وه‌ى ئه‌مریکا ره‌خنه له حکومه‌تى هه‌رێم ده‌گرێت به‌وه‌ى له ساڵى 2018دا پێشێلکارى دژ به مافه‌کانى مرۆڤ ئه‌نجامداوه. له‌م راپۆرته‌ى وه‌زاره‌تى ده‌ره‌وه‌ى ئه‌مریکا وه‌ک پێشتر له‌رووى داڕشتنى راپۆرته‌که‌یان هه‌میشه هه‌وڵدراوه پێگه و کرداره‌کانى حکومه‌تى هه‌رێم تێکه‌ڵ به حکومه‌تى فیدراڵ بکرێت و هیچ تایبه‌تمه‌ندیه‌ک به قه‌واره‌ى سیاسى هه‌رێمى کوردستان وه‌ک ده‌سه‌ڵاتێکى جوگرافى له ناوچه‌که نادات. نوسینگه‌ى رێکخه‌رى راسپارده نێوده‌وڵه‌تییه‌کان له حکومه‌تى هه‌رێم له‌سه‌ر راپۆرتى وه‌زاره‌تى ده‌ره‌وه‌ى ئه‌مریکا سه‌باره‌ت به ره‌وشه‌کانى مافى مرۆڤ بۆ ساڵى ٢٠١٨ پرێس کۆنفڕانسێکى رێکخست.
د. دیندار زێباری، رێکخه‌رى راسپارده نێوده‌وڵه‌تیه‌کان له حکومه‌تى هه‌رێم رایگه‌یاند "ئاراسته‌کردن و ساغکردنه‌وه‌ى تۆمه‌ت له‌سه‌ر هه‌رێم به‌بێ بوونى سه‌رچاوه‌یه‌کى باوه‌ڕپێکراو پێشینه‌ى هه‌ڵسه‌نگاندنى وه‌زاره‌تى ده‌ره‌وه‌ى ئه‌مریکا و زۆرێک له رێکخراوه نێوده‌وڵه‌تییه‌کانه، به‌بێ ئه‌وه‌ى دڵنیابن له هه‌نگاو و کرداره‌کانى حکومه‌تى هه‌رێم چه‌ندین تۆمه‌ت ده‌ده‌نه پاڵ حکومه‌تى هه‌رێم و ده‌زگا ئه‌منییه‌کان. هه‌روه‌ها زۆرینه‌ى ئه‌و زانیارییانه‌ى که له‌م راپۆرته‌ى وه‌زاره‌تى ده‌ره‌وه‌ى ئه‌مریکا ئاماژه‌یان پێکراوه له‌لایه‌ن خۆیانه‌وه پشتڕاست نه‌کراونه‌ته‌وه به‌ڵکو به پشت به‌ستن به سه‌رچاوه‌کانى دیکه‌ى ناوخۆیى و نێوده‌وڵه‌تى نوسراوه".
د.دیندار زێبارى ده‌ڵێت "بۆ که‌مایه‌تییه ئایینى و مه‌زهه‌بى و ئیتنییه‌کان، هه‌رێمى کوردستان تاکه شوێنه له سه‌رتاپاى عێراق که تیایدا هه‌مووان هه‌ست به ئاسووده‌یى ده‌که‌ن و ته‌نانه‌ت یه‌ک که‌یسیش نییه که له هه‌رێمى کوردستاندا له سه‌ر جیاوازى نه‌ته‌وه‌یى رووبه‌ڕووى کێشه بوبێته‌وه، چونکه حکومه‌تى هه‌رێم به‌رده‌وام پشتگیرى له پێکه‌وه‌ژیانى ئایینى و نه‌ته‌وه‌یى ده‌کات که‌چى راپۆرتى وه‌زاره‌تى ده‌ره‌وه له رووى ئازادى و پاراستنى که‌مینه‌کان تا راده‌یه‌کى زۆر ره‌خنه‌ى ئاراسته‌ى هه‌رێم کردووه به‌بێ ئه‌وه‌ى ئاماژه به سیاسه‌ت، ستراتیجیه‌ت و هه‌وڵه‌کانى هه‌رێم بکات له‌رووى پراکتیکییه‌وه".
زێبارى راشیگه‌یاند "ره‌شنووسى ده‌ستوورى هه‌رێمى کوردستان به روونى مافى پێکهاته‌کانى تێدا پارێزراوه له ره‌شنووسى ده‌ستوورى هه‌رێمدا مافى پێکهاته‌کان به روونى ره‌نگى داوه‌ته‌وه وه‌ک له مادده‌ى (٦)ى ڕه‌شنوسى ده‌ستورى هه‌رێمى کوردستان هاتووه، گه‌لى هه‌رێمى کوردستان پێکهاتووه له کورد، تورکمان، عه‌ره‌ب، کلدان، سریان، ئاشورى، ئه‌رمه‌ن و هاوڵاتیانى دیکه‌ى هه‌رێمى کوردستان، واته په‌یڕه‌وانى ئایینه‌کانى دیکه، وه‌ک که‌مایه‌تى سه‌یر نه‌کراون، به‌ڵکو به پێکهاته‌ى کۆمه‌ڵگاى کوردستانى دانراون، هه‌روه‌ها له مادده‌ى (٧)ى ره‌شنووسه‌که‌دا هاتووه: ئه‌م ده‌ستووره دووپات ده‌کاته‌وه که ئیسلام ناسنامه‌ى راسته‌قینه‌ى زۆرینه‌ى گه‌لى کوردستانه و پره‌نسیپه‌کانى شه‌ریعه‌تى ئیسلام یه‌کێکن له سه‌رچاوه سه‌ره‌کییه‌کانى بڕیاردان، هه‌روه‌ها مافى ئایینى کریستیان و ئێزیدییه‌کان و ئه‌وانى تر زامن ده‌کات له ئازادى بیروباوه‌ێ و ئه‌نجامدانى چالاکییه ئایینییه‌کان".
رێکخه‌رى راسپارده نێوده‌وڵه‌تیه‌کان له حکومه‌تى هه‌رێم سه‌باره‌ت کرده‌وه تیرۆریستییه‌که‌ى سه‌ر پارێزگاى هه‌ولێر که راپۆرته‌که‌ى وه‌زاره‌تى ده‌ره‌وه‌ى ئه‌مریکا وه‌ک کارێکى ره‌گه‌ز په‌ره‌ستیانه و توندئاژۆییانه باسى لێوه کردووه ده‌ڵێت "له ماوه‌ى ساڵانى رابردوودا چه‌ند جارێک تیرۆریستان کرده‌وه‌ى خۆکوژییان له هه‌ولێر و شاره‌کانى دیکه‌ى کوردستان ئه‌نجامداوه و له کۆى ئه‌و کرده‌وانه به‌شى هه‌ره زۆرى قوربانییه‌کان کوردى موسڵمان بوون و ئامانج ته‌نها تێکدانى ره‌وشى ئارامى و سه‌قامگیرى کوردستان و بڵاوکردنه‌وه‌ى ترس و دڵه‌ڕاوکێ بووه له ناو هاووڵاتیان. هه‌ر بۆیه دووپاتى ده‌که‌ینه‌وه که کوژرانى ئه‌و فه‌رمانبه‌ره کریستیانه له باڵاخانه‌ى پارێزگاى هه‌ولێر به هیچ شێوه‌یه‌ک په‌یوه‌ندى به ئایینیه‌وه نه‌بووه".
به‌شێکى دیکه‌ى راپۆرته‌که‌ى وه‌زاره‌تى ده‌ره‌وه‌ى ئه‌مریکا تایبه‌ت کراوه به دۆخى ئاواره و په‌نابه‌ران و بازرگانیکردن به مرۆڤه‌وه، له‌م باره‌وه رێکخه‌رى راسپارده‌نێوده‌وڵه‌تییه‌کان ده‌ڵێت "ئه‌وه‌ى شایه‌نى باسه ئه‌وه‌یه که‌مپه‌کان له‌لایه‌ن پۆلیس و ئاسایش پارێزراون و تا ئیستا هیچ مه‌ترسیه‌ک له‌سه‌ر ژیانى ئاواره‌کان نییه. سه‌باره‌ت به شێوازى مامه‌ڵه کردنى هێزه‌کانى پێشمه‌رگه‌ش له‌گه‌ڵ ئاواره و په‌نابه‌ران و که‌مایه‌تییه ئاینییه‌کان پێویسته ئاماژه به‌وه بکرێت که له ناوچه‌کانى ژێر کۆنترۆڵى پێشمه‌رگه هیچ مامه‌ڵه‌ى خراپیان له‌گه‌ڵ نه‌کراوه و به هیچ شێوه‌یه‌ک ماڵ وخانووى که‌س نه‌رووخێندراوه و تاڵان نه‌کراوه. هه‌روه‌ها داوا له ئێزیدییه‌کان نه کراوه که وه‌کو کورد خۆیان بناسێنن و هیچکات ناچار نه‌کراون به زۆر پشتگیرى له حکومه‌تى هه‌رێمى کوردستان بکه‌ن".
هه‌روه‌ها " سه‌باره‌ت به ئه‌وئاواره و په‌نابه‌رانه‌ى روویان له هه‌رێمى کوردستان کردووه مه‌ترسى ئه‌وه‌یان له‌سه‌ره که کارى له‌شفرۆشیان پێبکرێت ده‌توانین بڵێین، تاکو ئێستا ده‌زگاى داواکارى گشتى له‌م حاڵه‌ته‌دا ئاگادار نه‌کراوه‌ته‌وه، به‌ڵام قسه هه‌یه له‌و باره‌یه‌وه ده‌کرێت که گوایه هه‌ندێ ڕێکخراوى نێوه‌ده‌وڵه‌تى استغلالى ئه‌مه ده‌که‌ن. هه‌ر بۆیه ده‌زگاى داواکارى گشتى ژماره‌ى ته‌له‌فۆنى داوه‌ته ڕێکخراوه ناوخۆییه‌کان و خێرخوازییه‌کان که ئاگاداریان بکه‌نه‌وه له‌هه‌ر حاڵه‌تێکى وه‌هادا بۆ ئه‌وه‌ى به کارى خۆیان هه‌ڵبستن ئه‌ویش تحریکى دعوى دژى سه‌رپێچى کارانى ئه‌م تاوانه، به‌ڵام تا ئێستا هیچ حاڵه‌تێکى وه‌ها لاى ئه‌وان تۆمار نه‌کراوه".
زێبارى گوتیشى "سواڵکردنى منداڵان به پێى یاساى چاودێرى نه‌وجه‌وانان ژماره ٧٦ى ساڵى ١٩٨٣ى هه‌موارکراو، به‌تاوان هه‌ژمارده‌کرێت، بۆیه هه‌ر منداڵێک ئه‌و کاره‌ى پێ بکرێت به پێ ى یاسا تووشى اجرا‌واتى قانونى ده‌بێت له‌گه‌ڵ ئه‌و که‌س و لایه‌نه‌ش که هانى ئه‌و منداڵه‌ى داوه.ئه‌مه‌ش ئه‌رکى به‌دواداچوون که‌وتۆته سه‌ر داواکارى گشتى ده‌بێت به‌رده‌وام متابعه‌ى بکات و له‌گه‌ڵ قائمقامیه‌ت کار بکه‌ن بۆ نه‌هێشتنى ئه‌م دیارده‌یه".
رێکخه‌رى راسپارده نێوده‌وڵه‌تییه‌کانى حکومه‌تى هه‌رێم جه‌ختى له‌سه‌ر ئه‌وه کرده‌وه که "هێزه ئاسایش پارێزه‌‌کانى هه‌رێمى کوردستان به بڕیارى په‌رله‌مانى کوردستان له ساڵى 2004 و 2011دا کاروباره‌‌کانیان به پێى یاسا ڕێکخراوه، له‌به‌ر ئه‌وه ئه‌م ده‌‌زگایانه به شێوهیهکى شه‌رعى به‌شێکن له پێکهاته فه‌رمیه‌کانى هه‌رێمى کوردستان و کار بۆ پاراستنى هه‌رێمى کوردستان و هاووڵاتیانى هه‌رێمه‌که ده‌که‌ن له هه‌ڕه‌شه‌کان. هه‌روه‌ها سه‌باره‌ت به هێزه‌کانى یه‌که‌ى ٧٠ و ٨٠ ده‌بێت بگوترێت که فه‌رمانده‌ى یه‌که‌ى ٧٠ و فه‌رمانده‌ى یه‌که‌ى ٨٠ ئه‌ندامن له ئه‌نجومه‌نى باڵاى وه‌زاره‌تى پێشمه‌رگه و پله به‌رز کردنه‌وه‌یان له‌ڕێگه‌ى وه‌زاره‌تى پێشمه‌رگه‌وه ده‌بێت. ئه‌م هێزانه له شه‌ڕى دژ به داعشدا رۆڵێکى گرینگیان گێڕاو و هه‌ماهه‌نگییه‌کى زۆر باش هه‌بوو له‌نێوان وه‌زاره‌تى پێشمه‌رگه و هێزه‌کانى ٧٠ و ٨٠. له پلانى ریفۆرمى پێشمه‌رگه پرۆژه‌یه‌کى تایبه‌ت هه‌یه بۆ رێکخستنه‌وه و یه‌کخستنه‌وه‌ى یه‌که‌ى ٧٠و ٨٠ به شێوه‌یه‌ک که دامه‌زراندن، لۆجستی، مه‌شق و هه‌موو کاروبارى ئیدارى له‌ژێر چه‌ترى وه‌زاره‌تى پێشمه‌رگه‌دا بێت".
سه‌باره‌ت به خۆپیشاندان، ئازادى رۆژنامه‌گه‌رى و ئازادى راده‌ربڕین که به‌رده‌وام له راپۆرته‌کانى وه‌زاره‌تى ده‌ره‌وه‌ى ئه‌مریکا و رێکخراوه نێوده‌وڵه‌تییه‌کان جه‌ختیان له‌سه‌ر ده‌کرێته‌وه ده‌توانین بڵێین "له هه‌رێمى کوردستاندا ئازادى رۆژنامه‌گه‌ری، راگه‌یاندن و راده‌ربڕین به پێى یاسا رێکخراوه، بۆیه به سه‌دان ڕۆژنامه، گۆڤار، رادیۆ و ته‌له‌فزیۆن هه‌ن له هه‌رێمى کوردستان که به‌پێى رێوشوێنى تایبه‌ت مۆڵه‌تى کارکردنیان پێدراوه و مافى ڕۆژنامه‌نووس و میدیاکاران به پێى یاسا پارێزراوه. سه‌ره‌ڕاى ئه‌وه‌ش هه‌رکاتێک رۆژنامه‌نووس یان ده‌زگایه‌کى میدیایى یاسا پێشێل بکات ئه‌وا به‌پێى یاساى ڕۆژنامه‌نووسى ژماره (35)ى ساڵى (2007) تایبه‌ت به کارى رۆژنامه‌وانى مامه‌ڵه‌ى له‌گه‌ڵ ده‌کرێت به‌ڵام هیچ رۆژنامه‌نووسێک ده‌ستگیر ناکرێت به‌بێ بڕیارى دادگا و ره‌زامه‌ندى سه‌ندیکاى رۆژنامه‌نووسانى کوردستان".
هه‌روه‌ها "به سوود وه‌رگرتن له یاساى خۆپیشاندان و ئه‌و ئازادییه‌ى بۆ هاووڵاتیانى هه‌رێمى کوردستان له‌م یاسایه‌دا دیاریکراوه ته‌نیا له ماوه‌ى ساڵانى رابردوو به ده‌یان خۆپیشاندانى جیاجیا له شارى هه‌ولێر له‌لایه‌ن قوتابیان، خوێندکاران، ماموستایان ، ڕۆژنامه‌نووسان، به‌ڵێنده‌ران و چین و توێژه جیاجیاکانى کۆمه‌ڵگا که داواى مافى ره‌واى خۆیان کردووه ئه‌نجامدراوه و له هیچ یه‌کێک له خۆپیشاندانه‌کان توند و تیژى لێنه‌که‌وتۆته‌وه و ده‌زگا په‌یوه‌ندیداره‌کانى حکومه‌ت ئه‌رکى پاراستنى خۆپیشاندانه‌کانیان ئه‌نجامداوه. "له‌م خۆپیشاندانانه‌ى ئه‌م دواییه‌ى هه‌رێم هیچ ده‌زگایه‌کى راگه‌یاندن سکاڵاى دژى لایه‌نه ئه‌منییه‌کان به‌رز نه‌کردۆته‌وه که تێیدا به ئه‌نجامدانى توندوتیژى تۆمه‌تباریان بکات و هه‌ر کاتێک ده‌زگایه‌کى راگه‌یاندن سکاڵایه‌کى هه‌بێت دژى لایه‌نه ئه‌منییه‌کان ئه‌وا ده‌زگا په‌یوه‌ندیداره‌کان رێوشوێنى یاسایى پێویست ده‌گرنه به‌ر دژى ئه‌و که‌سانه که پێشێلکاریان ئه‌نجامداوه".
"له‌سه‌ر بابه‌تى ده‌ستگیرکردنى هه‌ڕه‌مه‌کى راپۆرته‌که‌ى وه‌زاره‌تى ده‌ره‌وه ره‌خنه ئاراسته‌ى هه‌رێم ده‌کات که جیاوازى ده‌کات له شێوازى مامه‌ڵه‌کردن له‌گه‌ڵ پێکهاته‌کان و رێوشوێنه‌کان، لێره‌دا چه‌ند که‌یسێکى وه‌ک نموونه هێناوه‌ته‌وه له ناویاندا که‌یسى نیاز عه‌زیز، به‌بێ ئه‌وه‌ى هاوسه‌نگى بپارێزن به‌تایبه‌تى له‌رووى زانارییه‌کانى حکومه‌ت و ئاماژه پێنه‌کردنیان. له وه‌ڵامى ئه‌م تۆمه‌ته‌دا ئه‌وه‌مان دووپات کردووه‌ته‌وه هه‌ر که‌سێک حکومه‌ت ده‌ستگیرى بکات به بێ بنه‌ما و به‌بێ فه‌رمانى دادگا ده‌ستگیرى ناکه‌ین هه‌موو ئه‌و که‌سانه دواى وه‌رگرتنى ڕه‌زامه‌ندى دادگا ده‌ستگیرده‌کرێن و ئه‌مه‌ش هیچ په‌یوه‌ندى به‌وه نییه که کوردن یا عه‌ره‌ب، هه‌رکه‌سێک داواکراوبێت ئه‌گه‌ر کوردبێت یان عه‌ره‌ب ده‌ستگیر ده‌کرێت ئه‌مه‌ش له‌پێناو پاراستنى ئاسایشى ناوچه‌که‌یه بۆ ئه‌وه‌ى رێگه نه‌درێت که ئه‌و که‌سانه‌ى سه‌ر به داعشن بێنه ناوچه‌که‌وه و ره‌وشى ئه‌منى ناوچه‌که بشێوێنن. نیاز عه‌زیز به‌پێى مادده‌ى یه‌که‌م له یاساى ژماره (21)ى په‌رله‌مانى کوردستان له ساڵى 2003 و له جیاتى مادده هاوبه‌شه‌کانى (47،48،49) له یاساى سزادانى عێراقى هه‌موارکراو له یاساى سزادانى له که‌یسى لێکۆڵینه‌وه که له به‌ڕێوه‌به‌رایه‌تى نه‌هێشتنى تیرۆر ده‌ستگیرکراوه واته به شێوهیهکى هه‌ڕه‌مه‌کى ده‌ستگیر نه‌کراوه دواتر پاش ته‌واوکردنى سزاکه‌ى له ١٧/8/٢٠١٧ ئازادکراوه".
سه‌باره‌ت به پرۆسه‌ى گه‌نده‌ڵى رێکخه‌رى ڕاسپارده نێوده‌وله‌تیه‌کان رایگه‌یاند "حکومه‌تى هه‌رێمى کوردستان له هه‌وڵ و کۆششه‌کانیاندا به‌رده‌وامه له رووبه‌ڕوو بوونه‌وه‌ى گه‌نده‌ڵى، دیاره گه‌نده‌ڵیش بووه به‌دیارده‌یه‌ک له‌سه‌ر ئاستى نێوده‌وڵه‌تى و رووبه‌ڕوو بوونه‌وه‌ى گه‌نده‌ڵیش پڕۆسه‌یه‌کى به‌رده‌وامه و حکومه‌تى هه‌رێمى کوردستان به‌رده‌وام ده‌بێت له هه‌وڵه‌کانى بۆ نه‌هێشتنى ئه‌م دیاریده‌یه و راده‌ستکردنى گه‌نده‌ڵکاران به دادگا. له‌م رووه‌وه سه‌رۆکایه‌تى هه‌رێمى کوردستان رۆژى له 10/ 2/ 2016 به فه‌رمانى به‌ڕێز سه‌رۆکى هه‌رێم بڕیارى ده‌رکرد بۆ خێرا ئه‌نجامدانى چاکسازیى له حکوومه‌تى هه‌رێمى کوردستان و داموده‌زگا په‌یوه‌ندیداره‌کانى هه‌رێم. ئامارى بڕیاره‌کانى دادوه‌رى ده‌ستگیرکردن و ئاماده‌کردن فه‌رمانگه‌ى لێکۆڵینه‌وه‌کان بۆ ساڵى 2018 به‌م شێوه‌یه بووه، بڕیارى ئاماده‌بوون ١٤٠، بڕیارى ده‌ستگیرکردن ٥٤ بڕیار و کۆى گشتى بڕیاره‌کان ١٩٤ بڕیار بوونه. ئه‌م ده‌سته‌یه له ساڵى ٢٠١٨ به نووسراو به‌دواداچوونیان بۆ ١٣ که‌یس کردووه و ده‌رخستنى راستییه‌کان له‌لایه‌ن ئه‌م ده‌سته‌یه‌وه ٣٥ که‌یس بووه".
هه‌روه‌ها " وه‌ک له راپۆرتى ده‌سته‌ى نه‌زاهه‌دا هاتووه بڕى پاره‌ى گه‌ڕێندراوه له فه‌رمانگه‌ى لێکۆڵینه‌وه‌کان له ١/١/٢٠١٨ تاوه‌کو ٢٥/١٢/٢٠١٨ به‌م شێوه‌یه بووه، به‌هاى گه‌نده‌ڵى خه‌مڵێنراو 275،720،819،252 دینار، بڕى پاره‌ى ده‌ستبه‌سه‌ردا گیراو 17،045،000 دینار، به‌هاى گه‌ڕێندراوه 5،381،082،500 دینار".
له کۆتایى لێدوانه‌که‌یدا رێکخه‌رى راسپارده نێوده‌وڵه‌تییه‌کان رایگه‌یاند "ئه‌وه‌ى ده‌گوترێت هێزه‌کانى ئاسایش و پێشمه‌رگه ئه‌شکه‌نجه‌ى خه‌ڵک ده‌که‌ن، مامه‌ڵه‌ى نامرۆڤانه‌یان له‌گه‌ڵ ئه‌نجام ده‌ده‌ن و سوکایه‌تیان پێده‌که‌ن و سزایان ده‌ده‌ن دووره له راستییه‌وه به‌ڵکو به باشترین شێوه مامه‌ڵه‌ى مرۆڤانه‌یان له‌گه‌ڵ ده‌کرێت، هیچ که‌س و لایه‌نێک تاوه‌کو ئێستا گله‌یى و ڕه‌خنه‌ى ئه‌مه‌ى نه‌بووه چ لاى ده‌زگاى داواکارى گشتى چ وه‌ک دادگاکان. هه‌روه‌ها نوێنه‌رى ده‌زگاى داواکارى گشتى له دادگاى لێکۆڵینه‌وه‌ى ئاسایش و ده‌زگا ئه‌منیه‌کان هه‌یه و تا ئێستا هیچ حاله‌تێکتۆمار نه‌کراوه که ئاسایش ره‌تیبکاته‌وه به‌ندکراوێکى لابێت له‌به‌ر ئه‌وه‌ى رێگا نه‌ده‌ن رێکخراوه‌کان چاویان پێى بکه‌وێت".
بابەتی هاوشێوە
-
لە قەزای شارەزوور بەڕێز محەمەد حاجی مەحمود بە ئامادەبونی ژمارەیەک لە ئەندامانی مەکتەبی سیاسی و ئەنجومەنی سەرکردایەتی سەردانی مەڵبەندی شارەزووری پارتی سۆسیال دیموکراتی کوردستانی کرد
-
محەمەد حاجی مەحمود تاجە گوڵینەی ڕێز و وەفای لەسەر مەزاری شەهیدانی کیمیابارانی هەڵەبجە دانا
-
پەیامی محەمەدی حاجی محمود لەساڵیادی مەرگەساتی هەڵەبجە
-
بەناوی خوای گەورە و میهرەبان هاتنەوەی مانگی پیرۆزی ڕەمەزان، لە موسوڵمانانی جیهان بەگشتی و جەماوەری کوردستان بەتایبەتی پیرۆز دەکەم. نزا لە خوای گەورە دەکەم، ڕۆژو و پەرستشی ھەموولایەک قبوڵ بکات و هاتنەوەی ئەم مانگە پیرۆزە بکاتە مایەی خێر و خۆشی و بە
-
پارتی سۆسیال دیموکراتی کوردستان و یەکێتی نیشتمانی کوردستان کۆبوونەوە
-
خەڵاتی رێزلێنان بەخشرایە خاتونی تێکۆشەر خاتوگەردە رۆستەم دایکی شەهید سەرکردەعەتا محەمەدحاجی مەحمود
وتار
-
ڕهوشى ڕۆژنامهنوسى کوردى یان جیهانی
07.02.2024 -
ره‌گه‌ز گۆڕین کارێکى قێزهوهن و شوورهییه
29.01.2024 -
سوکایهتى و بێڕێزى لهپاى چی؟
10.01.2024
زۆرترین خوێندراو
- ڕۆژ
- هەفتە
- مانگ