ئه‌مرۆ لایه‌نه‌ عێراقییه‌كان كۆده‌بنه‌وه‌

17.08.2022
جەماوەر نیوز

لەسەر داوای مەستەفا کازمی، سه‌رۆك وه‌زیرانی عێراق سەرکردەی لایەنەکانی عێراق کۆدەبنەوە.
بڕیارە ئەمڕۆ چوار شه‌ممه‌ 17ی ئابی 2022 سەرکردەی لایەنە سیاسییەکانی عێراق، لە باڵەخانەی ئەنجومەنی وەزیرانی عێراق کۆبوونەوەیەکی نیشتمانی بکەن، بە مەبەستی چارەسەرکردنی ناکۆکییەکان و رزگاربوون لەو دۆخەی عێراق تێیکەوتووە.

کۆبوونەوەکە لەسەر داوای مستەفا کازمی، سەرۆک وەزیرانی عێراق دەکرێت و ئامانج لێی دەستپێکردنی گفتوگۆیەکی نیشتمانی جددی و بیرکردنەوەیەکی هاوبەش و هێورکردنەوەی گرژییەکانە.