له‌ سلێمانی كارگه‌یه‌ك به‌ تۆمه‌تی ساخته‌كاری داده‌خرێت

18.09.2019

وێنەکان

له‌ سلێمانی كارگه‌یه‌ك به‌ تۆمه‌تی ساخته‌كاری داده‌خرێت

جەماوەر نیوز
له‌لایه‌ن به‌ڕێوه‌به‌رایه‌تی ئاسایشی سلێمانیه‌وه زانیاری له‌سه‌ر هه‌بوونی كارگه‌یه‌ك دراوه‌ به‌ لیژنه‌ هاوبه‌شه‌كانی قائیمقامیه‌تی سلێمانی كه خاوه‌نه‌كه‌ی به‌نیازبووه‌ تایتی هاورده‌كراو بكات به‌‌ تایتێكی به‌ناوبانگ و له‌بازاڕه‌كانی شاری سلێمانی به‌هاوڵاتیانی ‌بفرۆشێت.
‌‌كارگه‌كه‌ له‌ناوچه‌ی تانجه‌رۆی شاری سلێمانییه‌ و تیایدا ده‌ست به‌سه‌ر ئامێری تێكردنه‌وه‌ی تایت بۆ زه‌رف، (8) تۆن تایتی جۆراوجۆر، (7)هه‌زار كارتۆنی به‌تاڵی چاپكراو له‌جۆری (سۆپه‌ربای) له‌گه‌ڵ (680) كیلۆگرام نایلۆنی به‌تاڵ كه‌بۆ تێكردنه‌وه‌ی تایته‌كه‌ سودیان لێبینیوه‌.
به‌فه‌رمانی قائیمقامی سلێمانی و له‌لایه‌ن لیژنه‌هاوبه‌شه‌كانه‌وه‌ كارگه‌كه‌ داده‌خرێت و خاوه‌نه‌كه‌شی روبه‌روی رێكاری یاسایی ده‌كرێته‌وه‌.