جەماوەر نیوز
بەڕێز محەمەد حاجی مەحمود پەیامێ هاوخەمی ئاڕاستەی مەکتەبی سیاسی پارتی دیموکراتی پێشکەوتنخوازی کورد لە سوریا، کەسوکارو بنەماڵە و خێزان و هاوڕێیانی مامۆستا و تێکۆشەر حه‌مید دەروێش کرد.
ده‌قی په‌یامی هاوخه‌می به‌ڕێز محه‌مه‌د حاجی مه‌حمود:
بۆ بەڕێز /مەکتەبی سیاسی پارتی دیموکراتی پێشکەوتنخوازی کورد لە سوریا
کەس و کارو بنەماڵەو خێزان و هاوڕێانی مامۆستا و تێکۆشەر حمید دەروێش
بەداخ و پەژارەیەکی زۆرەوە هەواڵی مەرگی لە ناکاوی مامۆستا و ڕۆشنبیرو ئاشتیخواز و  سیاسی دیاری کورد لە ڕۆژئاوای کوردستان لە سوریا حه‌مید دەروێشم پێگەیشت.
لەدەستدانی مامۆستا حه‌مید درویش لەم هەل و مەرجە ئاڵۆزەی ڕۆژئاوای کوردستان و ڕۆژهەڵاتی ناوەڕاست پیایدا تێپەڕ دەبێ، زیانێکی گەورەی بەر دۆزی ڕەوای گەلەکەمان و پرۆسەی ئاشتی و دایلۆگی سیاسی کوردی کەوت، لەبەر ئەوەی حه‌مید ده‌رویش خاوەن ئەزمونێکی قوڵی سیاسی بوو لە ناوچەکەدا و خاوەن خوێندنەوەیەکی واقیعیانەی خۆی بوو بۆ قەیرانی کورد لە سوریا و ناوچەکەدا. مامۆستا یەکەم ئەندامی پەرلەمانی سوریا بوو وەک کورد، وە دۆستێکی نزیکی هێزو لایەنەسیاسیەکانی بەشەکانی تری کوردستان بوو، بەردەوام لەکاتی کێشه و ناخۆشیەکانی باشوری کوردستان ڕۆڵێکی ئاشتیانەی گێڕاوە بۆ ئاشتەوایی نیشتمانی.
بۆیە لەناخەوە بەشداری خەمی خێزان و بنەماڵەو هاوڕێیانی دەکەم لە پارتی دیموکراتی پێشکەوتنخوازی کورد لەسوریا و بزووتنەوەی ڕزگاریخوازی کورد.
لەیەزدانی مەزن داواکارم گیانی مامۆستا و تێکۆشەری گەلەکەمان مامۆستا حه‌مید ده‌رویش بەبەهەشتی بەرین ببەخشێت.
انا للە وانا الیە راجعون
براتان محمدی حاجی محمود
24/10/2019