وەزارەتی کشتوکاڵى عێراق: پلانمان هەیە لە بەرهەمهێنانى خورما ببینەوە پێشەنگى جیهان

05.08.2025
جەماوەر نیوز
وەزارەتى کشتوکاڵى عێراق رایگەیاند، پلانمان هەیە لە بەرهەمهێنان و هەناردەى خورما، عێراق بکەنەوە پێشەنگى جیهان. دەشڵێت، ئێستا 22 ملیۆن دارخورما لە عێراقدا هەیە.
رۆژنامەى سەباح بڵاویکردووەتەوە، وەزارەتى کشتوکاڵى عێراق لەگەڵ کۆمپانیایەکى بەریتانى گرێبەستى کردووە، بۆ هێنانى نەمامى جیاوازى خورما بۆ چاندن، نەمامەکان لەگەڵ سیستمى چاندنى پێشکەوتوو بە نرخى پاڵپشتیکراو دەدرێت بە جووتیاران.
دکتۆر مەهدى سەحەر جبورى بریکارى وەزارەتى کشتوکاڵى عێراق دەڵێت، بەگوێرەى گرێبەستەکە، بە شێوەیەکى خێرا بەرهەمى خورما بەرزدەبێتەوە و هانى جووتیاران دەدات خورما لە زەوییەکانیاندا بچێنن.
هەروەها دەشڵێت، ئێستا 22 ملیۆن دارخورما لە عێراق هەیە و لە پلەى چوارەمى جیهاندایە، لە ساڵى 2022ـوەوە ژمارەکەى دوو ملیۆن زیادیکردووە، بەو پلانەى هەشمانە زۆر زیاتر دەبێت و دەبێتەوە پێشەنگى جیهان.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ