تره‌مپ و نه‌ته‌نیاهۆ دوا ئاگاداركردنه‌وه‌ ده‌ده‌نه‌ حه‌ماس

04.08.2025
جەماوەر نیوز
ڕۆژنامه‌ی نیویۆرك تایمز بڵاویكرده‌وه‌، دۆناڵد تره‌مپ سه‌رۆكی ئه‌مریكا و بنیامین نه‌ته‌نیاهۆ سه‌رۆك وه‌زیرانی ئیسرائیل، دوا ئاگاداركردنه‌وه‌ ده‌ده‌ن حه‌ماس، یه‌كێك له‌ خاڵه‌كانی ئاگاداركردنه‌وه‌كه‌ش ئازادكردنی ده‌ستبه‌جێی بارمته‌كان و راده‌ستكردنی چه‌كه‌كانیه‌تی.

ڕۆژنامه‌ی نیویۆرك تایمز له‌ زاری سه‌رچاوه‌یه‌كی ئاگادار بڵاویكردۆته‌وه‌، سه‌رۆك تڕمپ و نه‌ته‌نیاهۆ سه‌رقاڵی په‌ره‌پێدانی پرۆژه‌یه‌كن بۆ حه‌ماس، داوای ئازادكردنی زیندانیانی ئیسرائیلی له‌ كه‌رتی غه‌ززه‌ و ڕازیبون له‌سه‌ر داماڵینی چه‌ك ده‌كه‌ن، ئه‌مه‌ش وه‌ك دوا ئاگاداركردنه‌وه‌ی تره‌مپ و نه‌ته‌نیاهۆ بۆ حه‌ماس ده‌بێت.

پێشتر ڕۆژنامه‌ی ئۆرشه‌لیم پۆست بڵاویكرده‌وه‌، ئیسرائیل و ئه‌مریكا بۆ ئاماده‌كردنی ڕێككه‌وتنێكی نوێ له‌گه‌ڵ بزوتنه‌وه‌ی حه‌ماس، ڕه‌نگه‌ پێویستیان به‌ چه‌ند مانگێك بێت.

له‌ ڕاپۆرتی ڕۆژنامه‌كه‌دا هاتوه‌، نه‌ته‌نیاهۆ و تره‌مپ كار له‌سه‌ر پێشنیارێكی نوێ ده‌كه‌ن كه‌ بریتییه‌ له‌ پێشكه‌شكردنی پرۆژه‌یه‌ك بۆ حه‌ماس، به‌پێی مه‌رجه‌كانی ئه‌م پرۆژه‌یه‌، حه‌ماس ده‌بێت زیندانیان له‌ به‌رامبه‌ر ئازادكردنی زیندانیانی فه‌ڵه‌ستینی ئازاد بكات و به‌ مه‌رجه‌كانی وه‌ستانی شه‌ڕ و پێكدادانه‌كان، له‌وانه‌ش راده‌ستكردنی چه‌كه‌كانی بزوتنه‌وه‌كه‌ ڕازی بێت.

ڕۆژنامه‌كه‌ ئاماژه‌ی به‌وه‌شكردوه‌، به‌پێچه‌وانه‌وه‌ ئه‌گه‌رحه‌ماس به‌داواكاریه‌كان رازی نه‌بێـ، سوپای ئیسرائیل به‌توندتر درێژه‌ به‌ هه‌ڵمه‌ته‌كه‌ی ده‌دات.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ