ئه‌مریكا ڕێكاره‌كانی‌ پێدانی‌ ڤیزا توند ده‌كاته‌وه‌

05.08.2025
جەماوەر نیوز
ئه‌مریكا ڕێكاره‌كانی‌ پێدانی‌ ڤیزا توند ده‌كاته‌وه‌، هه‌ركه‌س ڤیزای‌ یه‌ك ساڵی‌ بوێت، پێویسته‌ 15 هه‌زار دۆلار وه‌ك بارمته‌ دابنێت.

وه‌زاره‌تی‌ ده‌ره‌وه‌ی‌ ئه‌مریكا ڕایگه‌یاندووه‌، به‌ شێوه‌ی‌ ئه‌زموونی پڕۆژه‌یه‌ك ده‌خه‌نه‌ كار كه‌ تیایدا ئه‌و كه‌سانه‌ی‌ ده‌یانه‌وێت سه‌ردانی‌ ئه‌مریكا بكه‌ن یان له‌و وڵاته‌ بمێننه‌وه‌، پێویسته‌ بڕی 15 هه‌زار دۆلار وه‌ك بارمته‌ دابنێن له‌به‌رانبه‌ردا ڤیزای‌ یه‌ك ساڵییان بۆ سه‌ردانی‌ ئه‌مریكا پێ ده‌درێت.

وه‌زاره‌ته‌كه‌ ده‌ڵێت، ئه‌م ڕێكاره‌ بۆ ئه‌وه‌یه‌ كه‌ خوازیارانی ڤیزا ماوه‌ی‌ مانه‌وه‌یان له‌ ویلایه‌ته‌ یه‌كگرتووه‌كان نه‌به‌زێنن و پابه‌ند بن به‌ دوا واده‌وه‌، ئیدی ئامانجی‌ سه‌ردانه‌كه‌یان بۆ گه‌شتیاری بێت یان بۆ كاركردن.

هه‌روه‌ها وته‌بێژی‌ وه‌زاره‌تی‌ ده‌ره‌وه‌ی‌ ئه‌مریكا ئاماژه‌ی‌ به‌وه‌ داوه‌ ئه‌م ڕێكاره‌ له‌لایه‌ن ئداره‌ی‌ تره‌مپه‌وه‌ بۆ قه‌ڵاچۆكردنی كۆچی‌ نایاساییه‌ و له‌پێناو پاراستنی ئاسایشی نه‌ته‌وه‌ییدایه‌.

جێی باسه‌ بڕیاره‌كه‌ی‌ ئه‌مریكا بۆ پێدانی‌ ڤیزا هیچ وڵاتێكی ئه‌وتۆی دیاری‌ نه‌كردووه‌ و سه‌رجه‌م هاووڵاتی ئه‌و ولاتانه‌ ده‌گرێته‌وه‌ كه‌ پێویسته‌ به‌ ڤیزا بچنه‌ ویلایه‌ته‌ یه‌كگرتووه‌كان.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ