جەماوەر نیوز
ڕووسیا ڕایده‌گه‌یه‌نێت چیتر پابه‌ندی كۆتوبه‌ندی بڵاوه‌پێكردنی مووشه‌كی مه‌ودا مامناوه‌ند و درێژ نابێت، ئه‌مریكا و هاوپه‌یمانه‌كانیشی تۆمه‌تبار ده‌كات به‌ دروستكردنی هه‌ڕه‌شه‌ له‌سه‌ر سه‌قامگیری جیهان.

وه‌زاره‌تی ده‌ره‌وه‌ی ڕووسیا له‌ به‌ییاننامه‌یه‌كدا ڕایگه‌یاند: دوای پاشه‌كشه‌ی ئه‌مریكا له‌ ڕێككه‌وتننامه‌ی سنوورداركردنی موشه‌كی مه‌ودا مامناوه‌ند و درێژ مه‌ودا، هه‌وڵیانداوه‌ تاكلایه‌نه‌ پابه‌ندبن به‌ پاراستنی هاوسه‌نگی و ڕێگری له‌ پێشبڕكێی خۆپڕچه‌ككردن بۆ بڵاوه‌ پێ نه‌كردنی ئه‌و موشه‌كانه‌، تا ئه‌و كاته‌ی سیستمی چه‌كی ئه‌مریكا نه‌یه‌نه‌ ناوچه‌ هه‌ستیاره‌كانی جیهان.

ده‌شڵێت: ئه‌مریكا پابه‌ند نه‌بووه‌ به‌و ده‌ستپێشخه‌ریه‌ و بڵكو ده‌ستی كردووه‌ به‌ بڵاوكردنه‌وه‌ی سیستمی موشه‌كی له‌ ئه‌ورووپا و ئاسیا و زه‌ریای هێمن.

ڕوسیا هه‌نگاوه‌كانی ئه‌مریكای به‌ هه‌ڕه‌شه‌ بۆ سه‌ر ئاسایشی نه‌ته‌وه‌یی وڵاته‌كه‌ی و شێواندنی ئارامی جیهان ناوبردووه‌، جه‌ختیش ده‌كاته‌وه‌ كه‌ سیناریۆكه‌ واده‌خوازێت ڕووسیا ڕێكار و خۆپارێزی سه‌ربازی و دژ به‌و هه‌نگاو بگرێته‌ به‌ر.

ئه‌م ڕاگه‌یه‌نراوه‌ی ڕووسیا له‌ كاتێكدایه‌ كه‌ بڕیاره‌ له‌م هه‌فته‌دا سیتڤ ویتكۆڤ نێرده‌ی سه‌رۆكی ئه‌مریكا بچێته‌ مۆسكۆ و له‌باره‌ی جه‌نگی ئۆكرانیا گفتوگۆ بكه‌ن