جەماوەر نیوز
سەرۆک وەزیرانی پێشوی فەڵەستین رایگەیاند، هەمو ڕۆژێک ژمارەیەکی زۆر لە منداڵان دەکوژرێن و ئەمریکا پاڵپشتی دارایی شەڕی غەززە دەکات


محەممەد شاتییە سەرۆک وەزیرانی پێشوی فەڵەستین باسی لە پلانەکانی سەر شاری غەززە کرد و داوای کرد، جیهان دەست لەناو دەستی یەک لەبەردەم ئیسرائیل بوەستێت، نەک بەرژەوەندییەکانی غەززە بەڵکو بەرژەوەندییەکانی جیهان لە مەترسیدایە و گەردەلولی ئەو گرژییانە جیهانیش دەگرێتەوە.

وتیشی، ئەوەی دەیەوێت دان بە فەڵەستین بنێت، وەک سزادانی ئیسرائیل ،هەڵەیە، چونکە دان پێدانان بە فەڵەستین مافێکی رەوای خەڵکی فەڵەستینە، ئەوەی دەیەوێت سزای ئیسرائیل بدات با هەناردەی چەک رابگرێت، ئەوەی دەیەوێت سزای ئیسرائیل بدات بەرهەمەکانیان مەکڕێت، ئەوەی دەیەوێت سزای ئیسرائیل بدات، با لە نەتەوەیەکگرتووەکان دەری بکات.

ئاماژەی بەوەشکرد: ئیسرائیل دەوڵەتێکی داگیرکار و رەگەزپەرەستە و دەیەوێت بە زۆرەملێ نەتەوەیەک لە خاکەکەی دەربکات، دەبێت برسێتی رابگیرێت و هەر ئێستا هاریکارییەکان بچنە غەززە .