نەتانیاهۆ لەگەڵ سەرۆكی رۆحیی دروزەكانی ئیسرائیل كۆدەبێتەوە

28.08.2025
جەماوەر نیوز
سەرۆكوەزیرانی ئیسرائیل و سەرۆكی رۆحیی دروزەكانی ئەو وڵاتە  دۆخی پارێزگای سوەیدای باشوری سوریایان تاوتوێكرد.

ئەمڕۆ پێنج شەممە بینیامین نەتانیاهۆ سەرۆكوەزیرانی ئیسرائیل لەشارۆچكەی جولسی سەر بەناوچەی جەلیل لەباكوری ئیسرائیل  لەگەڵ شێخ موەفەق تەریفی سەرۆكی رۆحیی دروزەكانی وڵاتەكەی كۆبوەوە.

بەپێی راگەیەنراوێكی ئەنجوومەنی  باڵای دروزەكان " لەو كۆبوونەوەیەدا رەوشی پارێزگای سوەیدای باشوری سوریاو بارودۆخی دروزەكانی ئەو وڵاتە گفتوگۆی لەبارەوە كراوە".

ئاماژە بەوەشكراوە كە سەرۆكوەزیرانی ئیسرائیل لەنزیكەوە بەدواداچوونی بۆ كاروچالاكییەكانی هۆبەی یارمەتییە مرۆییەكانی شارۆچكەی جولس كردوە كە تایبەت بەیارمەتیدانی دروزەكانی سوریا دامەزرێنراوە.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ