جەماوەر نیوز

محه‌مه‌د حاجی مه‌حمود: لە عێراقدا شتێک بە ناوی حکومەت و دادوەری و ئیداریەوە نەماوە

30.08.2022
وێنەکان
محه‌مه‌د حاجی مه‌حمود: لە عێراقدا شتێک بە ناوی حکومەت و دادوەری و ئیداریەوە نەماوە
جەماوەر نیوز

محه‌مه‌د حاجی محمود په‌یامێكی له‌ باره‌ی ئاڵۆزییه‌كانی عێراق بڵاوكرده‌وه‌ له‌ په‌یامه‌كه‌دا هاتووه‌ "ئه‌وه‌ی ئه‌مرۆ له‌عێراق و به‌غداد ئه‌گوزه‌رێت شه‌ڕێکی به‌وه‌کاله‌تەو ڕه‌نگه‌ کشانه‌وه‌ی سه‌در له کاری سیاسی بۆ ماوه‌یه‌کی کورت بێت".

محه‌مه‌د حاجی مه‌حمود هێما بۆ ئه‌وه‌ ده‌كات پێویستە هێزه سیاسییه‌کانی کوردستان هه‌رچی زووترە کۆببنه‌وه‌و به‌رنامه‌ی هاوبه‌ش دابنرێت بۆ ڕێگرتن له ته‌شه‌نەکردنی شه‌ڕه‌کە ئه‌وەنده‌ی ده‌كرێت.

ده‌قی په‌یامی محه‌مه‌د حاجی مه‌ححود:

بەناوی خودای گەورە و میهرەبان
ئه‌وه‌ی ئه‌مرۆ له‌عێراق و به‌غداد ئه‌گوزه‌رێت شه‌ڕێکی به‌وه‌کاله‌تەو ڕه‌نگه‌ کشانه‌وه‌ی سه‌در له کاری سیاسی بۆ ماوه‌یه‌کی کورت بێت، چونکه‌ له‌دوای ساڵی ۲٠٠۳ وە تا ئێستا سه‌درییه‌کان زیاد له چه‌ند جارێك له پرۆسه‌ی سیاسی و ئیداری و جێبه‌جێکردن کشاونه‌ته‌وە و جارێکیتریش هاتونه‌‌ته‌وە ناو پرۆسه‌کە، به‌ڵام دەست له کارکێشانه‌وه‌ی ئایه‌توڵا سائیری مه‌رجه‌عی شیعی سه‌درییه‌کان جیاوازتره له جارانیترو دابه‌شبونه‌کە گه‌یشتوه‌ته‌ چه‌ک وکوشتن و به‌ئاراسته‌یه‌کی ترسناکدا هه‌نگاو ده‌نێت.
بۆیه بۆ هه‌ر ئه‌گه‌رو چاره‌سه‌رو ڕووداوێكی له‌ناکاوو نه‌خوازراو، پێویستە هێزه سیاسییه‌کانی کوردستان هه‌رچی زووترە کۆببنه‌وه‌و به‌رنامه‌ی هاوبه‌ش دابنرێت بۆ ڕێگرتن له ته‌شه‌نەکردنی شه‌ڕه‌کە ئه‌وەنده‌ی ده‌كرێت، وە پێویسته‌ کوردیش پرۆژه‌ی خۆی هه‌بێت بۆ هه‌ر ئه‌گه‌رێک كه‌ڕووبدات یان چاوه‌ڕوان ده‌کرێت بێ ئه‌وه‌ی بچێتە ناو ململانێكان و ده‌ستێوەرداەوە، ده‌كرێت کورد خوی دوور بگرێت له‌ هه‌ر دەستێوەردانێک.
لە عێراقدا شتێک بە ناوی حکومەت و دادوەری و ئیداریەوە نەماوە
محەمەد حاجی مەحمود
۲٠۲۲/۸/۲۹
گوڵەخانە


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ